25 લાખનો Free Health Insurance આપી રહી છે સરકાર, આ લોકોને મળે છે લાભ

Free Health Insurance: જેમની કુલ આવક રૂ. 8 લાખથી ઓછી છે તેઓ 'ચિરંજીવી સ્વાસ્થ્ય વીમા યોજના' (Chiranjeevi Swasthya Bima Yojana) માટે પાત્ર છે. લાભાર્થીઓને 25 લાખ રૂપિયા સુધીના મફત વીમા લાભો આપવામાં આવશે. રાજસ્થાન સરકારે પોતાના નાગરિકોને એક મોટી ભેટ આપી છે, જેમાં સરકાર 25 લાખ રૂપિયા સુધીનો મફત વીમો આપી રહી છે. આ માટે સરકારે 'ચિરંજીવી સ્વાસ્થ્ય વીમા યોજના' (Chiranjeevi Swasthya Bima Yojana) શરૂ કરી છે. આ યોજના માત્ર ગરીબ વર્ગના લોકોને જ નહીં પરંતુ મધ્યમ વર્ગના પરિવારોને પણ ધ્યાનમાં રાખીને બનાવવામાં આવી છે. રાજસ્થાન સરકારે આ યોજના શરૂ કરી છે. જેમાં 8 લાખ રૂપિયા સુધીની આવક ધરાવતા લોકો ફ્રીમાં અરજી કરી શકે છે.

જો તમારી આવક 8 લાખ રૂપિયાથી ઓછી છે તો તમે અરજી કરી શકો છો-
રાજસ્થાનના મુખ્યમંત્રી અશોક ગેહલોતે આ યોજના વિશે વાત કરી હતી. જો તમારી કુલ આવક આઠ લાખ રૂપિયાથી ઓછી છે તો તમે ચિરંજીવી સ્વાસ્થ્ય વીમા યોજના (Chiranjeevi Swasthya Bima Yojana) માટે પાત્ર છો. આ પછી તમને ફ્રી ઈન્સ્યોરન્સનો લાભ મળશે. પ્રીમિયમની રકમ સરકાર દ્વારા અનુસૂચિત જનજાતિ, અનુસૂચિત જાતિ અને અન્ય પછાત વર્ગના લોકો માટે ચૂકવવામાં આવશે. આ યોજના વર્ષ 2021 માં શરૂ કરવામાં આવી હતી. જે અંતર્ગત અગાઉ રૂ.5 લાખ સુધીની કેશલેસ સારવાર આપવામાં આવતી હતી. જે બાદમાં વધારીને દસ લાખ રૂપિયા કરવામાં આવી હતી. હવે આ વર્ષે રાજસ્થાન સરકારે વીમાની આ રકમ વધારીને 25 લાખ રૂપિયા કરી દીધી છે.

કયા રોગોનો સમાવેશ થાય છે?
રાજસ્થાન સરકારની 'ચિરંજીવી સ્વાસ્થ્ય વીમા યોજના' હેઠળ ઘણા ગંભીર રોગોની સારવાર કરવામાં આવે છે. જેમાં કોવિડ 19, બ્લેક ફંગસ, હાર્ટ સર્જરી, ઓર્ગન ટ્રાન્સપ્લાન્ટ, ન્યુરો સર્જરી, લકવો અને કેન્સર જેવા રોગોનો સમાવેશ થાય છે.

425 કરોડની જોગવાઈ-
રાજસ્થાન સરકારે આ 'ચિરંજીવી સ્વાસ્થ્ય વીમા યોજના' (Chiranjeevi Swasthya Bima Yojana) માટે 425 કરોડ રૂપિયાની જોગવાઈ કરી છે. આ યોજનાની સાથે રાજસ્થાન સરકારે 25 મોબાઈલ ફૂડ ટેસ્ટિંગ એમ્બ્યુલન્સ અને 10 ચિરંજીવી જનની એક્સપ્રેસ એમ્બ્યુલન્સ પણ શરૂ કરી છે. જેથી આર્થિક રીતે નબળા વર્ગના લોકોને યોગ્ય સમયે સારવાર મળી શકે.