Goa Assembly Election: ભાજપે પહેલી યાદી બહાર પાડી, પણજી બેઠક માટે આ ઉમેદવારનું નામ જાહેર

પણજી: ગોવા વિધાનસભા ચૂંટણી માટે ભાજપે 34 ઉમેદવારોની પહેલી યાદી જાહેર કરી દીધી છે. પણજી સીટથી ભાજપે હાલના ધારાસભ્ય અતનાસિયો મોન્ટેસેરેટને જ ટિકિટ આપી છે. આસીટ પર ગોવાના પૂર્વ સીએમ અને ભાજપના સીનીયર નેતા રહી ચૂકેલા મનોહર પર્રિકરના પુત્ર ઉત્પલ પર્રિકર પણ ચૂંટણી લડવા ટિકિટ માંગી રહ્યા હતા. જો કે ભાજપના ગોવાના ચૂંટણી પ્રભારી દેવેન્દ્ર ફડણવીસે કહ્યું કે મનોહર પર્રિકરનો પરિવાર અમારો પરિવાર છે અને ઉત્પલ સાથે અન્ય સીટ પર ઉમેદવાર બનવા અંગે ચર્ચા ચાલુ છે. 

નોંધનીય છે કે ઉત્પલ પોતાના પિતાની સીટ પરથી ચૂંટણી લડવાનું મન બનાવી ચૂક્યા છે. એટલે સુધી કે તેમના નીકટના લોકોનું તો એવું પણ કહેવું હતું કે જો પાર્ટી ઉત્પલને ટિકિટ ન આપે તો તેઓ અપક્ષ તરીકે પણ ચૂંટણી લડવાનું વિચારી શકે છે. 

BJP announces 34 candidates for Goa polls including Deputy CM Manohar Ajgaonkar's seat who will contest from Margaon pic.twitter.com/nasSUcB48I

— ANI (@ANI) January 20, 2022

ઉત્પલ પર્રિકરને ટિકિટ ન મળવાના સવાલ પર મહારાષ્ટ્રના પૂર્વ સીએમ અને ગોવા ભાજપના પ્રભારી દેવેન્દ્ર ફડણવીસે કહ્યું કે પણજીથી હાલના ધારાસભ્યને ટિકિટ અપાઈ છે. ઉત્પલ પર્રિકર અને તેમનો પરિવાર અમારો પરિવાર છે. અમે ઉત્પલ પર્રિકરને પણજી સિવાય બે અન્ય સીટોનો વિકલ્પ આપ્યો હતો. એક સીટ માટે તેમણે ના પાડી દીધી. બીજી સીટ પર ચર્ચા ચાલુ છે. અમને આશા છે કે તેઓ આ બેઠકથી ચૂંટણી લડવા માટે માની જશે. 

#WATCH | Sitting MLA from Panjim has been given the ticket, (not Utpal Parrikar- son of late former CM Manohar Parrikar). We offered him alternatives, he refused the first one. Talks on with him. We feel he should agree: Devendra Fandvais, BJP #GoaPolls pic.twitter.com/HhHuui36QJ

— ANI (@ANI) January 20, 2022

પર્રિકર 6 વાર વિધાયક બન્યા હતા
ગોવાની પણજી બેઠક પર ભાજપનો દબદબો છે અને અહીંથી પૂર્વ સીએમ મનોહર પર્રિકર 6 વાર વિધાયક રહી ચૂક્યા છે. ગોવામાં ભાજપનો આધાર મજબૂત કરવામાં પર્રિકરની મહત્વની ભૂમિકા મનાય છે. આ સીટથી હવે પર્રિકરના પુત્ર ઉત્પલ પર્રિકર શરૂઆતથી દાવો ઠોકી રહ્યા હતા. તેમણએ અલગ અલગ રીતે તેની હિંટ પણ આપી કે જો ભાજપ તેમને ઉમેદવાર નહીં બનાવે તો તેઓ અપક્ષ તરીકે ચૂંટણી લડી શકે છે. 

Sitting MLA has been given ticket from Panjim...Utpal Parrikar (former Goa CM Manohar Parrikar's son) & his family are our family. We gave 2 more options to him but he rejected 1st one, 2nd option being discussed with him. We feel that he should agree...: Devendra Fandvais, BJP pic.twitter.com/mHoiF4yMYP

— ANI (@ANI) January 20, 2022

આમ આદમી પાર્ટીએ પણ ઉત્પલ પર્રિકરને પોતાની સાથે આવવાની ઓફર આપી છે. જ્યારે શિવસેના પણ ઉત્પલને સપોર્ટ કરવા માટે તમામ વિપક્ષી દળોને સાથે આવવાનું આહ્વાન કરી ચૂકી છે. ઉત્પલે પણજી સીટ પર કેમ્પેઈન પણ શરૂ કરી દીધુ હતું. ઘરે ઘરે જઈને લોકોને મત આપવાની અપીલ પણ કરતા હતા. 

પ્રમોદ સાવંત સાંકલિમથી ચૂટણી લડશે
ભાજપની યાદીની વાત કરીએ તો હાલના સીએમ પ્રમોદ સાવંત સાંકલિમ બેઠકથી ચૂંટણી લડશે. ભાજપના નેતા અરુણ સિંહે કહ્યું કે અમે ગોવાની ત્રણ જનરલ સીટો પર એસટી ઉમેદવાર, એક જનરલ સીટ પર એસસી ઉમેદવાર ઉતાર્યા છે. 12 ઓબીસી ઉમેદવાર છે, 9 અલ્પસંખ્યક (ક્રિશ્ચિયન) ઉમેદવાર છે.