UP: ટાયર ફાટતા બેકાબૂ બનેલો ટ્રક સ્કોર્પિયો પર પલટી ગયો, 8 લોકોના દર્દનાક મૃત્યુ

કૌશંબી: ઉત્તર પ્રદેશના કૌશંબીમાં આજે સવારે એક ભીષણ રોડ અકસ્માત સર્જાયો. રસ્તાના કિનારે ઊભેલી સ્કોર્પિયો ગાડી પર એક લોડેડ ટ્રક પલટી ગયો જેના કારણે 8 લોકોએ જીવ ગુમાવ્યા. તેમાંથી બે લોકો હજુ પણ ગાડીમાં ફસાયેલા હોવાની આશંકા છે. મળતી માહતી મુજબ સ્કોર્પિયો ગાડી એક લગ્ન સમારોહમાંથી પાછી ફરી રહી હતી. ઘટના સ્થળે હાલ ભારે સંખ્યામાં પોલીસ તૈનાત છે. ગાડીમાં ફસાયેલા ડેડ બોડીને બહાર કાઢવા માટે ક્રેન અને ગેસ કટરની મદદથી ટ્રકને હટાવવામાં આવી રહી છે. 

ગાડીમાં મહિલાઓ અને બાળકો
અકસ્માત કડાધામ પોલીસ સ્ટેશન હદના દેવીગંજ ચાર રસ્તે થયો. જાન કોખરાજાના શહજાદપુરથી સિરાથૂમાં તૈનાત લેખપાલના ઘરેથી આવી રહી હતી. આ દરમિયાન સ્કોર્પિયોમાં મહિલાઓ અને બાળકો હતા. આ ગાડી દેવીગંજ ચાર રસ્તે ઊભી હતી. અચાનક ટ્રક તેના પર પલટી ગઈ. 

The incident occured at around 3:30 am. There were 8 persons inside the Scorpio car on which the truck overturned. 7 people including the driver, died immediately. The truck had a tyre burst because of which it had overturned. Further probe is being conducted: DM, Kaushambi https://t.co/ljD2AD5sDU pic.twitter.com/yIRNiGAeKR

— ANI UP (@ANINewsUP) December 2, 2020

7ના ઘટનાસ્થળે જ મોત
કૌશંબાના ડીએમના જણાવ્યાં મુજબ આ અકસ્માત સવારે 3.30 વાગે થયો. ગાડીમાં મહિલાઓ અને  બાળકો હતા. ટ્રક કાર પર  પલટી જતા ડ્રાઈવર સહિત 7 લોકોના ઘટનાસ્થળે જ મોત નિપજ્યા. જ્યારે એક મહિલાનું સારવાર દરમિયાન મોત નિપજ્યું. ટ્રકનું ટાયર ફાટી જતા તે પલટી ખાઈ ગયો હતો. ઘટનામાં વધુ તપાસ ચાલુ છે.