પ્રયાગરાજમાં ટ્રેનની આગળ કૂદયો માફિયા અતિકનો ડ્રાઈવર, જાણો કેમ ટૂંકાવ્યું જીવન!...પરિવારનો ખુલાસો

Prayagraj News: માફિયા અતીક અહેમદના પૂર્વ ડ્રાઈવર આફાક અહેમદ (56)એ ટ્રેનની સામે કૂદીને આત્મહત્યા કરી હતી. આ ઘટના પ્રયાગરાજના પુરમુફ્તી વિસ્તારમાં કુસુવાન ક્રોસિંગ પાસે બની હતી. અફાક અહેમદ શૂટર અરબાઝના પિતા હતા જે યુપીના ઉમેશ પાલ હત્યા કેસમાં એન્કાઉન્ટરમાં માર્યા ગયા હતા. પોલીસ પૂછપરછ દરમિયાન પરિવારજનોએ જણાવ્યું કે પુત્રના મૃત્યુ બાદ તે ડિપ્રેશનમાં હતો. મૃતદેહની ઓળખ થયા બાદ પરિવારજનો ઘટના સ્થળે પહોંચી ગયા હતા. પુરમુફ્તી પોલીસ પણ ઘટનાસ્થળે પહોંચી હતી અને મૃતદેહનો કબજો મેળવીને પોસ્ટમોર્ટમ માટે મોકલી આપ્યો હતો.

અતીક અહેમદના પુત્ર અસદનો ડ્રાઈવર હતો અરબાઝ
અરબાઝ માફિયા અતીક અહેમદના પુત્ર અસદનો ડ્રાઈવર હતો. ઉમેશ પાલ મર્ડર કેસમાં અરબાઝ અતીકના પુત્ર અસદની કાર ચલાવતો હતો. ઉમેશ પાલ મર્ડર કેસ બાદ અરબાઝ બે વર્ષ પહેલા પોલીસ એન્કાઉન્ટરમાં માર્યો ગયો હતો. અરબાઝના એન્કાઉન્ટર બાદ તેના પિતા અફાકની માનસિક સ્થિતિ સારી ન હતી, શનિવારે તેણે પુરમુફ્તી પાસે રેલવે ટ્રેક પર જઈને આત્મહત્યા કરી લીધી હતી. પોલીસના જણાવ્યા અનુસાર પોસ્ટમોર્ટમ બાદ મૃતદેહ પરિવારને સોંપવામાં આવશે.

પુત્રના મૃત્યુને કારણે ડિપ્રેશનમાં હતો અફાક
પરિવારના સભ્યોના જણાવ્યા મુજબ, અફાક તેના પુત્ર અરબાઝના મૃત્યુ પછી આઘાતમાં હતો. પરિવારજનોએ પોલીસને જણાવ્યું કે માફિયા અતીક અહેમદ જ્યારે સાંસદ હતો ત્યારે અફાક કાર ચલાવતો હતો. આ જોઈને પુત્ર અરબાઝે પણ અતીક અહેમદ માટે કામ કરવાનું શરૂ કર્યું. પરિવારજનોએ જણાવ્યું કે અફાકનું માનસિક સંતુલન કેટલાક દિવસોથી ઠીક ન હતું.

પુરમુફ્તી પોલીસ સ્ટેશનના ઈન્ચાર્જ મનોજ સિંહના જણાવ્યા અનુસાર...
અતીકની કાર અગાઉ અફાક અહેમદ ચલાવતો હતો. બાદમાં તેનો પુત્ર અરબાઝ અતીકના પુત્ર અસદની કાર ચલાવવા લાગ્યો હતો. પરિવારે જણાવ્યું કે અફાકનું માનસિક સંતુલન કેટલાક દિવસોથી ઠીક ન હતું. કોર્ટ અને પોલીસની તપાસના કારણે તે સતત માનસિક તણાવનો સામનો કરી રહ્યો હતો.

બે વર્ષ પહેલા થયું હતું પુત્રનું એન્કાઉન્ટર 
નોંધનીય છે કે 24 ફેબ્રુઆરી 2023ના રોજ વકીલ ઉમેશ પાલની પ્રયાગરાજમાં તેમના ઘરની બહાર ગોળી મારીને હત્યા કરવામાં આવી હતી. આ હુમલાના સીસીટીવી ફૂટેજ પણ સામે આવ્યા છે. તે સમયે અફાક અહેમદનો પુત્ર અરબાઝ પણ જોવા મળ્યો હતો. પોલીસ તપાસમાં સામે આવ્યું છે કે અરબાઝ હુમલાખોરોની કાર ચલાવતો હતો. ઉમેશ પાલ મર્ડર કેસ બાદ યુપી પોલીસે 27 ફેબ્રુઆરી 2023ના રોજ અરબાઝને ધુમાનગંજના નેહરુ પાર્ક પાસે ઘેરી લીધો હતો. અરબાઝે પોલીસ પર ગોળીબાર કર્યો અને પોલીસે જવાબી કાર્યવાહી કરીને અરબાઝને મારી નાખ્યો. અરબાઝને છાતી અને પગમાં ગોળી વાગી હતી.