Video: સ્ટેજ પર ભાષણ આપતાં આપતાં બેભાન થાય કેન્દ્રીય મંત્રી, 'ટ્વીટ કરીને કહ્યું હું સ્વસ્થ્ય છું'

Nitin Gadkari fainted: મહારાષ્ટ્રના યવતમાલ શહેરમાં એક ચૂંટણી સભાને સંબોધિત કરતાં કેન્દ્રીય મંત્રી નિતિન ગડકરી અચાનક મંચ પર બેભાન થઇને પડી ગયા. મંચ પર હાજર લોકોએ તાત્કાલિક તેમને ઉઠાવ્યા અને સારવાર માટે લઇ ગયા. નિતિન ગડકરી નાગપુર લોકસભા સીટ પરથે ભાજપન ઉમેદવાર છે અને તે અહીં ત્રીજીવાર ચૂંટણી લડી રહ્યા છે. નાગપુર સીટ પર પહેલાં તબક્કાનું મતદાન થઇ ગયું છે, જ્યાં નીતિન ગડકરીનો મુકાબલો કોંગ્રેસ ઉમેદવાર વિકાસ ઠાકરે સાથે છે.

હકિકતમાં મહારાષ્ટ્રના યવતમાલમાં મહાયુતિની ઉમેદવાર રાજશ્રી પાટીલના પ્રચાર દરમિયાન જ ભાજપના નેતા અને કેન્દ્રીય નિતિન ગડકરીની તબિયત બગડી ગઇ. કહેવામાં આવ્યું છે કે ભાષણ દરમિયાન નિતિન ગડકરીને ચક્કર આવી ગયા. અને તે મંચ પર જ ઢળી પડ્યા. તેનો એક વીડિયો પણ સોશિયલ મીડિયા પર સામે આવ્યો છે જેમાં દેખાઇ રહ્યું છે.  

મહારાષ્ટ્રમાં ચૂંટણી સભામાં ભાષણ દરમિયાન અચાનક બેભાન થઈ ગયા કેન્દ્રીય મંત્રી નીતિન ગડકરી; વીડિયો વાયરલ #Maharashtra #LokSabhaElections2024 #NitinGadkari #BreakingNews #Viral #ViralVideo #BJP pic.twitter.com/TQTIceE5WA

— Zee 24 Kalak (@Zee24Kalak) April 24, 2024

સારવાર શરૂ... તબિયત સ્થિર... 
આગળ તેમની ટીમ તરફથી જણાવવામાં આવ્યું છે કે તેમની સારવાર ચાલુ છે અને તેમની તબિયત સ્થિર છે. નીતિન ગડકરી નાગપુરથી ચૂંટણી લડી રહ્યા છે. ત્યાં મતદાન થયું છે. તેઓ પોતાની પાર્ટી અને સાથી પક્ષો માટે અલગ-અલગ જગ્યાએ પ્રચાર કરી રહ્યા છે. આ પહેલીવાર નથી કે જ્યારે ગડકરીની તબિયત બગડી હોય. થોડા વર્ષો પહેલા પણ તે સ્ટેજ પર અચાનક બેહોશ થઈ ગયો હતો. એવું કહેવાય છે કે ગડકરી ડાયાબિટીસથી પીડિત છે, જોકે તેઓ નિયમિત રીતે યોગ કરે છે અને દવાઓ લે છે.

ટ્વીટ કરી કહ્યું- હવે હું ઠીક.. પ્રચાર કરવા જઇ રહ્યો છું.. 
આ દરમિયાન નિતિન ગડકરીએ ટ્વીટ પણ કર્યું છે. તેમણે લખ્યું પુસદ, મહારાષ્ટ્રમાં રેલી દરમિયાન ગરમીના લીધે અસહજ અનુભવ્યું. પરંતુ હવે હું સંપૂર્ણપણે સ્વસ્થ્ય છું અને આગામી સભામાં ભાગ લેવા માટે વરૂડ માટે નિકળી રહ્યો છું તમારો સ્નેહ અને શુભકામનાઓ માટે ધન્યવાદ... 

નાગપુર બેઠક પર મતદાન થઇ ગયું છે પૂર્ણ
બીજી તરફ નાગપુરમાં પહેલા તબક્કામાં મતદાન થઈ ચૂક્યું છે. ગડકરી નાગપુર લોકસભા બેઠક પરથી ભાજપના ઉમેદવાર છે અને તેઓ અહીં ત્રીજી વખત ચૂંટણી લડી રહ્યા છે. નાગપુર સીટ પર પહેલા તબક્કાનું મતદાન થઈ ચૂક્યું છે, જ્યાં ગડકરી કોંગ્રેસના ઉમેદવાર વિકાસ ઠાકરે સામે ચૂંટણી લડી રહ્યા છે. આ વખતે પણ તેમણે જોરશોરથી પ્રચાર કર્યો અને રથ લઈને નીકળ્યા.