હોટલના ફૂટેજમાં કમલેશ તિવારી હત્યાકાંડના આરોપીઓના ચહેરા દેખાય છે એકદમ સ્પષ્ટ, જુઓ VIDEO

લખનઉ: કમલેશ તિવારી હત્યાકાંડને અંજામ આપનારા હત્યારાઓ હજુ પણ પોલીસની પકડ બહાર છે. આ દરમિયાન પોલીસને એક મહત્વનું સીસીટીવી ફૂટેજ મળ્યું છે. લખનઉની જે ખાલસા ઈન હોટલમાં આ આરોપીઓ રોકાયા હતાં તે હોટલના સીસીટીવીમાં તેઓ કેદ થઈ ગયા છે. સીસીટીવી  ફૂટેજમાં આ બંને આરોપીઓના ચહેરા સ્પષ્ટપણે જોઈ શકાય છે. 

હોટલના સીસીટીવીમાં કેદ થયેલા આ બંનેની તસવીરો કમલેશ તિવારીના હત્યારાઓની હોવાનું કહેવાય છે. આરોપીઓ ચેક ઈન કરી રહ્યાં હતાં તે વખતની આ તસવીર છે. આ ફૂટેજ દ્વારા પોલીસ આરોપીઓને પકડવામાં લાગી છે. પોલીસના જણાવ્યાં મુજબ આ તસવીરો તેમને ખુબ મદદગાર સાબિત થઈ શકે છે. આ હોટલમાંથી હત્યારાઓના લોહીના ધબ્બાવાળા કપડા અને બેગ પણ મળી આવ્યાં છે. 

જુઓ VIDEO

મળેલી માહિતી મુજબ હોટલના રજિસ્ટરમાં નોંધાયેલા નામો મુજબ આ હોટલમાં શેખ અશફાક હુસૈન અને પઠાણ મોઈનુદ્દીન અહેમદ રોકાયેલા હતાં. હોટલના રૂમની અંદરના કબાટમાંથી બેગ, લાલ રંગનો કૂર્તો મળી આવ્યો અને બેડ ઉપર ભગવા રંગનો કૂર્તો પડ્યો હતો. જ્યારે કપડાંને ઉલટાવીને જોયા તો તેના પર લોહીના ધબ્બા હતાં. ટુવાલ પણ મળ્યો જે ખોલ્યો તો તેમાં પણ લોહીના ધબ્બા હતાં. 

આ બાજુ પોલીસનો દાવો છે કે આ એ જ કપડાં છે જે હત્યારાઓ હત્યા કરી તે વખતે પહેર્યા હતાં. અત્રે જણાવવાનું કે લખનઉ પોલીસે હાલમાં જ એ માહિતી મેળવી હતી કે ફૂટેજમાં જે મહિલા જોવા મળી રહી છે તે કોણ છે. સીસીટીવી ફૂટેજની તપાસ બાદ લખનઉ પોલીસે મહિલાની ઓળખ મડિયાવની હિમ સિટી કોલોનીની રહિશ શહનાઝ બાનો તરીકે કરી છે. 

જુઓ LIVE TV

એસએસપીના જણાવ્યાં મુજબ મહિલાએ પૂછપરછમાં જણાવ્યું છે કે શુક્રવારે કેન્ટ વિધાનસભા પેટાચૂંટણી માટે એક ઉમેદવારના પ્રચાર માટે મહિલાઓ અને કેટલાક અન્ય લોકો ગણેશગંજ ચાર રસ્તા પર ભેગા થઈ રહ્યાં હતાં ત્યારે જ બે લોકો આવ્યાં અને ખુર્શીદબાગનું એડ્રસ પૂછવા લાગ્યા હતાં. થોડી વાર ચાલતા ચાલતા તેણે બંનેને કોલોનીનું એડ્રસ જણાવ્યું હતું. પોલીસે કહ્યું કે આ મહિલાના નિવેદન સંબંધે તપાસ ચાલી રહી છે.