Uttarakhand Election 2022: કોંગ્રેસે જાહેર કર્યું 53 ઉમેદવારોનું પ્રથમ લિસ્ટ, હરીશ રાવતનું નામ નથી

નવી દિલ્હીઃ Uttarakhand Assembly Election 2022: ઉત્તરાખંડમાં ચૂંટણી નજીક આવતા જ રાજકીય હલચલ તેજ થઈ ગઈ છે. તમામ પાર્ટીઓ ઉમેદવારોની જાહેરાત કરવા લાગી છે. આ ક્રમમાં કોંગ્રેસે ઉમેદવારોનું પ્રથમ લિસ્ટ જાહેર કરી દીધુ છે. તેમાં કુલ 53 ઉમેદવારોના નામની જાહેરાત કરવામાં આવી છે. જાહેર કરાયેલી પાર્ટીમાં તમામ નવ વર્તમાન ધારાસભ્યોને જગ્યા આપવામાં આવી છે. ખટીમા સીટ પર મુખ્યમંત્રી પુષ્કર સિંહ ધામી વિરુદ્ધ પાર્ટીએ ભુવન ચંદ્ર કાપડીને મેદાનમાં ઉતાર્યા છે. પ્રથમ યાદીમાં ત્રણ મહિલાઓને ઉમેદવાર બનાવવામાં આવી છે. તો પાર્ટીએ પૂર્વ મુખ્યમંત્રી હરીશ રાવતને ટિકિટ આપી નથી.

યાદી અનુસાર ઉત્તરાખંડ વિધાનસભા ચૂંટણી માટે પ્રદેશ અધ્યક્ષ ગણેશ ગોદિયાલ શ્રીનગર વિધાનસભા સીટથી ચૂંટણી લડશે. તો ભાજપ છોડી કોંગ્રેસમાં સામેલ થનાર યશપાલ આર્ય અને તેમના પુત્ર સંજીવ આર્ય બાજપુર અને નૈનીતાલ સીટથી ચૂંટણી લડશે. આ સિવાય ચકરાતાથી પ્રીતમ સિંહ, પિરાન કલિયરથી ફુરકાન અહમદ, કેદારનાથથી મનોજ રાવત, ધારચૂલાથી હરીશ ધામી, ભગવાનપુરથી મમતા રાકેશ, મંગલૌરથી કાજી નિઝામુદ્દીન, રાનીખેતથી કરણ માહરા, જાગેશ્વરથી ગોવિંદ સિંહ કુંજવાલ, જસપુરથી આદેશ ચૌહાણનું નામ સામેલ છે. 

देवभूमि उत्तराखंड की सेवा करने के लिए पार्टी द्वारा विधानसभा चुनाव 2022 के लिए घोषित प्रत्याशियों को हार्दिक शुभकामनाएं

कांग्रेस का आना हुआ तय,
अब उत्तराखंड में जनता की होगी विजय pic.twitter.com/dGiJ5Z8CWK

— Uttarakhand Congress (@INCUttarakhand) January 22, 2022

ઉત્તરાખંડની જનતાનો થશે વિજય
આ ઉમેદવારોના નામની યાદી ટ્વીટ કરવાની સાથે કોંગ્રેસે લખ્યુ- દેવભૂમિ ઉત્તરાખંડની સેવા કરવા માટે પાર્ટી દ્વારા વિધાનસભા ચૂંટણી 2022 માટે જાહેર કરાયેલા ઉમેદવારોને શુભેચ્છા. કોંગ્રેસનું આવવું નક્કી, હવે ઉત્તરાખંડમાં જનતાનો થશે વિજય.

આ પણ વાંચોઃ હવે ઓમિક્રોનથી તૂટીને બનેલા વેરિએન્ટે વધારી ચિંતા, 40 દેશોમાં મળ્યા 8000 કેસ

14 ફેબ્રુઆરીએ મતદાન
હકીકતમાં ઉત્તરાખંડમાં આવનાર 14 ફેબ્રુઆરીએ મતદાન થશે. તેનું પરિણામ 10 માર્ચે જાહેર કરવામાં આવશે. ચૂંટણી નજીક આવતા ઉમેદવારોની પ્રક્રિયા શરૂ થઈ ગઈ છે. 29 જાન્યુઆરીએ ઉમેદવારોની સ્ક્રૂટની થશે અને 31 જાન્યુઆરી સુધી નામ પરત લઈ શકાશે.