Raksha Bandhan 2024: આજે 5 શુભ યોગમાં થશે રક્ષાબંધનના પર્વની ઉજવણી, જાણો રાખડી બાંધવાનું શુભ મુહૂર્ત

Raksha Bandhan Par 5 Shubh Yog : રક્ષાબંધનના તહેવારની ઉજવણી દર વર્ષે શ્રાવણ મહિનાની પૂનમની તિથિએ કરવામાં આવે છે અને આ વર્ષે રક્ષાબંધન 19 ઓગસ્ટે છે. એટલે કે ભાઈ-બહેનના પવિત્ર સંબંધનું પ્રતીક રક્ષાબંધનનું પર્વ આજે ઉજવવામાં આવશે. આજે શ્રાવણ મહિનાના સોમવારે રક્ષાબંધન હોવાથી તેનું મહત્વ ખુબ વધી ગયું છે. આજે શ્રાવણ મહિનાની પૂનમ પર એક સાથે 5 શુભ યોગ બની રહ્યાં છે. એટલે કે બહેનો શુભ સંયોગ વચ્ચે પોતાના ભાઈના કાંડા પર રાખડી બાંધી તેના દીર્ઘાયુની પ્રાર્થના કરશે. આવો જાણીએ રક્ષાબંધન પર કયા-કયા શુભ યોગ બન્યા છે, સાથે તે જોઈએ રાખડી બાંધવા માટે સૌથી શુભ મુહૂર્ત કયાં છે. 

આજે ઉજવાશે રક્ષાબંધન
રક્ષાબંધન એટલે કે શ્રાવણ પૂનમની તિથિ આજે સવારે 3 કલાક 5 મિનિટથી શરૂ થઈ છે અને રાત્રે 11 કલાક 56 મિનિટ પર સમાપ્ત થશે. એટલે કે રક્ષાબંધનનું પર્વની ઉજવણી આજે કરવામાં આવશે. સાથે આ દિવસે મા લક્ષ્મીની પૂજા કરવામાં આવે છે, કારણ કે આ દિવસે પૂન હોવાથી તે તિથિ મહાલક્ષ્નીની પૂજા સાથે જોડાયેલી માનવામાં આવે છે. 

રક્ષાબંધન પર બન્યા એક સાથે 5 શુભ યોગ
રક્ષાબંધન આજે એટલે કે શ્રાવણ મહિનાના ત્રીજા સોમવારે છે. આ સિવાય તે આજે 4 શુભ યોગ એક સાથે હાજર હશે. આજે રક્ષાબંધનની ઉજવણી સર્વાર્થ સિદ્ધિ યોગ, શોભન યોગ, રવિ યોગ અને સૌભાગ્ય યોગ વચ્ચે કરવામાં આવશે. આ સાથે  શ્રવણ નક્ષત્રનો અદ્ભુત સંયોગ પણ બની રહ્યો છે. પરંતુ આ દિવસે ભદ્રકાળ પણ રહેશે. પરંતુ આ વખતે પણ ભદ્રા પાતાળ લોકમાં રહેશે. તેથી ભદ્રકાળનો અશુભ પ્રભાવ માન્ય રહેશે નહીં.

રક્ષાબંધન પર રાખડી બાંધવા માટે સૌથી શુભ મુહૂર્ત હિંદુ પંચાગ અનુસાર આ વખતે રક્ષાબંધન પર ભદ્રા 18 ઓગસ્ટની રાત્રે 2 કલાક 21 લાગી ગયું છે અને આજે બપોરે 1 કલાક 24 મિનિટ સુધી રહેશે. એટલે કે રક્ષાબંધનના દિવસે ભદ્રકાળ રહેશે. પરંતુ જાણકાર જણાવી રહ્યાં છે કે આ વખતે ભદ્રકાળ પાતાળમાં રહેશે, તેથી તેની અસર એટલી થશે નહીં. તમે ઈચ્છો ત્યારે રાખડી બાંધી શકો છો. પરંતુ રાખડી બાંધવા માટે સૌથી શુભ મુહૂર્ત બપોરે 1 કલાક 30 મિનિટથી 4 કલાક 3 મિનિટ સુધી રહેશે. ત્યારબાદ સાંજે પણ પોતાના ભાઈઓને 6 કલાક 39 મિનિટથી 8 કલાક 52 મિનિટ સુધી રાખડી બાંધી શકે છે.