ଶହୀଦ ସେନା ଯବାନଙ୍କ ସହକର୍ମୀଙ୍କୁ ବଡ଼ ଉପହାର, ଦୀପାବଳିରେ ମିଳିଲା ୩ଶହ କେଜି ମିଠା

Indian Army: ଦୀପାବଳିରେ କର୍ଣ୍ଣେଲ ସନ୍ତୋଷ ମହାଦିକଙ୍କ ସହପାଠୀମାନେ ତାଙ୍କ ୟୁନିଟର ଯବାନମାନଙ୍କୁ ୩ ଶହ କିଲୋଗ୍ରାମ ମିଠା ପଠାଇଛନ୍ତି। କାଶ୍ମୀର କୁପୱାରା ଜିଲ୍ଲାର ଲାଇନ୍ ଅଫ୍ କଣ୍ଟ୍ରୋଲ୍ (LOC)ରେ କର୍ଣ୍ଣେଲ ସନ୍ତୋଷ ଶହୀଦ ହୋଇଥିଲେ। ସେ 41 ରାଷ୍ଟ୍ରିୟ ରାଇଫଲ ୟୁନିଟରେ କାର୍ଯ୍ୟ କରୁଥିଲେ ।

କର୍ଣ୍ଣେଲ ମହାଦିକ ମହାରାଷ୍ଟ୍ରର ଜଣେ ଯବାନଙ୍କ ସହ ଅଧ୍ୟୟନ କରିଥିଲେ। ଉକ୍ତ ବିଦ୍ୟାଳୟର ସହପାଠୀମାନେ ଏପରି ଏକ ନିଆରା ପଦକ୍ଷେପ ନେଇଛନ୍ତି। ତାଙ୍କର ଜଣେ ସହପାଠୀ କହିଥିଲେ, “ଆମେ ପ୍ରତ୍ୟେକ ଦୀପାବଳିରେ ଏମିତି କରିଥାଉ।” ଏଥର ଆମେ ତାଙ୍କ ସାଥୀ ସୈନିକମାନଙ୍କ ବିଷୟରେ ଚିନ୍ତା କଲୁ ଯେଉଁମାନେ ଅନେକ ସମସ୍ୟାର ସମ୍ମୁଖୀନ ହୋଇ ସୀମାରେ ଶତ୍ରୁମାନଙ୍କ ଉପରେ ନଜର ରଖିଥାନ୍ତି । ଆମେ ଅନୁଭବ କଲୁ ଯେ, ଏହା ଯବାନମାନଙ୍କ ପାଇଁ ଏକ ଭଲ ବାର୍ତ୍ତା ହେବ । ଯେଉଁମାନେ ଦୀପାବଳିରେ ସେମାନଙ୍କ ପରିବାରଠାରୁ ଦୂରରେ ପାଳନ ଅଛନ୍ତି ସେମାନେ ନିଶ୍ଚେ ଖୁସି ହେବେ ।

ଆପଣଙ୍କୁ କହିରଖୁଛୁ ଯେ, ନଭେମ୍ବର ୨୦୧୫ ରେ କୁପୱାରା ଠାରେ ହୋଇଥିବା ସର୍ଚ୍ଚ ଅପରେସନ୍ ସମୟରେ କର୍ଣ୍ଣେଲ ମହାଦିକ ଗୁରୁତର ଆହତ ହୋଇଥିଲେ। ତାଙ୍କୁ ହସ୍ପିଟାଲକୁ ପଠାଯାଇଥିଲେ ମଧ୍ୟ ବଞ୍ଚାଇବା ସମ୍ଭବ ହୋଇପାରିନଥିଲା । ତେଣୁ ସେ ମୃତ୍ୟୁବରଣ କରିଥିଲେ । ସେ ଜଣେ ଭଲ ଫୁଟବଲ ଗୋଲକିପର, ଘୋଡା ଚାଳକ ଏବଂ ବକ୍ସର ଭାବରେ ମଧ୍ୟ ଜଣାଶୁଣା ଥିଲେ।

୩୦୦ କେଜି ମିଠାକୁ ଚଣ୍ଡିଗଡ଼ରୁ ଶ୍ରୀନଗର ବିମାନବନ୍ଦରକୁ ବାୟୁସେନା ବିମାନ ମାଧ୍ୟମରେ ପଠାଯାଇଥିଲା। ଏହି ପଦକ୍ଷେପ ଅପରେସନ୍ ଦୀପାବଳିର ଏକ ଅଂଶ ଥିଲା ଯେଉଁଥିରେ ତାଙ୍କର ସହପାଠୀମାନେ ସକ୍ରିୟ ଏବଂ ଅବସରପ୍ରାପ୍ତ ସେନା ଅଧିକାରୀଙ୍କୁ ସାମିଲ୍ କରିଥିଲେ । ସୀମାରେ ଯବାନମାନଙ୍କୁ ମିଠା ବାଣ୍ଟିବାକୁ ସମସ୍ତେ ଖୁସି ପ୍ରକାଶ କରିଥିଲେ । ୨୦୦୩ ମସିହାରେ ଉତ୍ତର-ପୂର୍ବରେ ଅପରେସନ୍ ରୋହିନ୍ ସମୟରେ ଗ୍ୟାଲେଣ୍ଟ୍ରି ପାଇଁ କର୍ଣ୍ଣେଲ ମହାଦିକଙ୍କୁ ସେନା ପଦକ ପ୍ରଦାନ କରାଯାଇଥିଲା।