ତ୍ରିବେଣୀ ସଂଗମରେ ବୁଡ ପକାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର

ନୂଆଦିଲ୍ଲୀ: ଆଜି ରବିବାର ଫେବୃଆରୀ ୧୬ ତାରିଖରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରୟାଗରାଜରେ ବୁଡ ପକାଇଛନ୍ତି। ପବିତ୍ର ତ୍ରିବେଣୀ ସଂଗମରେ ପହଞ୍ଚି ସପତ୍ନୀକ ବୁଡ ପକାଇଥିଲେ। ଧର୍ମେନ୍ଦ୍ରଙ୍କ ସହିତ କେନ୍ଦ୍ରମନ୍ତ୍ରୀ ନୀତିନ ଗଡକରୀ, ଉତ୍ତର ପ୍ରଦେଶ ରାଜ୍ୟପାଳ ଆନନ୍ଦୀବେନ ପଟେଲ ଏବଂ ଉତ୍ତର ପ୍ରଦେଶ ମନ୍ତ୍ରୀ ରାକେଶ ସଚାନ, ଯୋଗେନ୍ଦ୍ର ଉପାଧ୍ୟାୟ ଏବଂ ଦୟାଶଙ୍କର ସିଂହ ମଧ୍ୟ ବୁଡ ପକାଇଥିବା ସୂଚନା ରହିଛି। ସଙ୍ଗମରେ ତାଙ୍କ ପତ୍ନୀଙ୍କ ସହ ସ୍ନାନ କରିବା ପରେ, କେନ୍ଦ୍ରମନ୍ତ୍ରୀ ନୀତିନ ଗଡକରୀ ଗଣମାଧ୍ୟମକୁ କହିଥିଲେ, "ଗଙ୍ଗାରେ ସ୍ନାନ ଏବଂ ଦର୍ଶନ ପୂଜନ ବହୁତ ଭଲ ହୋଇଥିଲା।" ଆମ ସହର ନାଗପୁରରୁ ହଜାର ହଜାର ଲୋକ ସେମାନଙ୍କର ଯାନବାହାନ ଧରି ଏଠାକୁ ଆସୁଛନ୍ତି। ଆମେ ବିଶ୍ୱାସ କରୁଛୁ ଯେ ସମସ୍ତେ ମାତା ଗଙ୍ଗାଙ୍କ ଆଶୀର୍ବାଦ ପାଇବେ ବୋଲି ସେ କହିଥିଲେ।

ସେହିପରି ସଙ୍ଗମରେ ସ୍ନାନ କରିବା ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଥିଲେ, “ସଙ୍ଗମରେ ସ୍ନାନ କରିବା ଏବଂ ଏହାର ଆଶୀର୍ବାଦ ପାଇବା ମୋ ପାଇଁ ବହୁତ ଭାଗ୍ୟର କଥା। ମହାକୁମ୍ଭ କେବଳ ଏକ ଧାର୍ମିକ କାର୍ଯ୍ୟକ୍ରମ ନୁହେଁ ବରଂ ଭାରତର ଆଧ୍ୟାତ୍ମିକ ଶକ୍ତି ଏବଂ ଏକତାର ସବୁଠାରୁ ବଡ଼ ସଙ୍ଗମ ବୋଲି ସେ କହିଥିଲେ। ଏହି ଅବସରରେ, ଉତ୍ତର ପ୍ରଦେଶ ରାଜ୍ୟପାଳ ଆନନ୍ଦୀବେନ ପଟେଲ, ରାଜ୍ୟ ମନ୍ତ୍ରୀ ରାକେଶ ସଚାନ, ଯୋଗେନ୍ଦ୍ର ଉପାଧ୍ୟାୟ ଏବଂ ଦୟାଶଙ୍କର ସିଂହ ମଧ୍ୟ ତ୍ରିବେଣୀ ସଙ୍ଗମରେ ବୁଡ଼ ପକାଇଥିଲେ। ରାଜ୍ୟପାଳ ଆନନ୍ଦୀବେନ୍ ପଟେଲ କହିଛନ୍ତି, “ସଙ୍ଗମରେ ବୁଡ଼ ପକାଇବା ପରେ ଆମେ ଏକ ଭିନ୍ନ ପ୍ରକାରର ଅଭିଜ୍ଞତା ପାଉଛୁ। ଦେଶ ଏବଂ ବିଦେଶରୁ ଏଠାକୁ ବୁଡ଼ ପକାଇବା ପାଇଁ ଆସୁଥିବା ସମସ୍ତ ଲୋକଙ୍କୁ ମୋର ଅଭିନନ୍ଦନ ଜଣାଇଥିଲେ।