ಶೀಲ ಶಂಕಿಸಿ ಹೆಂಡತಿ ಕಥೆ ಮುಗಿಸಿದ ಸಿದ್ದರಾಮಣ್ಣ... ಪಾಪ ಕಳೆದುಕೊಳ್ಳಲು ಮುಡಿಕೊಟ್ಟು ಧರ್ಮಸ್ಥಳದಲ್ಲಿ ಲಾಕ್

crime news

ಬೆಂಗಳೂರು: ಪತ್ನಿಯ ಶೀಲ ಶಂಕಿಸಿ ಆಕೆಯ ಕಥೆಯನ್ನೇ ಮುಗಿಸಿದ್ದ ಸಿದ್ದರಾಮಣ್ಣನನ್ನು ಮಾದನಾಯಕನಹಳ್ಳಿ ಪೊಲೀಸರು ಬಂಧಿಸಿದ್ದಾರೆ. ಗಂಗೊಂಡನಹಳ್ಳಿಯ ಶಾಂತಿನಗರದಲ್ಲಿ ಸಿದ್ದರಾಮಣ್ಣ, ಕೋಕಿಲಾ ದಂಪತಿ ವಾಸವಾಗಿದ್ದರು.

ಇದನ್ನೂ ಓದಿ: ಒಂದೇ ಚಾರ್ಜ್‌ಗೆ 200KM ಮೈಲೇಜ್‌ ನೀಡುತ್ತೆ ಈ ಸ್ಕೂಟರ್‌; ಬರೀ ₹13 ಸಾವಿರ ಕಟ್ಟಿ ಮನೆಗೆ ಕೊಂಡೊಯ್ಯಿರಿ!

ಅಂದಹಾಗೆ ಈ ಸಿದ್ದರಾಮಣ್ಣ ಕೂಲಿ‌ ಕೆಲಸ ಮಾಡಿಕೊಂಡಿದ್ದಾನೆ. ಹೆಂಡತಿ ಕೋಕಿಲಾ ಗಾರ್ಮೆಂಟ್ಸ್ ಕೆಲಸಕ್ಕೆ ಹೋಗುತ್ತಿದ್ದಳು.‌ ಕೆಲಸಕ್ಕೆ ಹೋಗುತ್ತಿದ್ದ ಪತ್ನಿ ಶೀಲದ ಮೇಲೆ ಸಿದ್ದರಾಮಣ್ಣನಿಗೆ ಸಾಕಷ್ಟು ಅನುಮಾನವಿತ್ತು. ಹೀಗಾಗಿ ಪ್ರತಿದಿನ ಹೆಂಡತಿ‌ ಜೊತೆ ಜಗಳವಾಡುತ್ತಿದ್ದಾರೆ. ಕುಟುಂಬಸ್ಥರು ಎಷ್ಟೇ ಬುದ್ದಿ ಹೇಳಿದ್ರು ಹೆಂಡತಿ ಜೊತೆ ಕಿರಿಕ್ ಮುಂದುವರೆಸಿದ್ದ. ಹೀಗೆಯೇ ಕಳೆದ ತಿಂಗಳು ಅಂದರೆ ಅಕ್ಟೋಬರ್‌ 28ರ ರಾತ್ರಿ ಹೆಂಡತಿ ಜೊತೆ ಕಿರಿಕ್ ತೆಗೆದಿದ್ದ ಸಿದ್ದರಾಮಣ್ಣ, ಕೋಪದ ಬರದಲ್ಲಿ ಕೋಕಿಲಾಳ ಕುತ್ತಿಗೆಗೆ ವೇಲ್‌ನಿಂದ ಬಿಗಿದು ಕೊಲೆ ಮಾಡಿಬಿಟ್ಟಿದ್ದ.

ಪತ್ನಿ ಕೋಕಿಲಾ ಕೊಲೆ ಮಾಡಿ ಎಸ್ಕೇಪ್ ಆಗಿದ್ದ ಸಿದ್ದರಾಮಣ್ಣ ನೇರವಾಗಿ ಹೋಗಿದ್ದು ಮಂಜುನಾಥನ ಸನ್ನಿಧಾನಕ್ಕೆ. ಹೆಂಡತಿ ಕೊಂದ ಪಾಪ ಕಳೆದುಕೊಳ್ಳಲು ಧರ್ಮಸ್ಥಳದಲ್ಲಿ ಮುಡಿ ಕೊಟ್ಟು ಅಲ್ಲೇ ಅಲೆದಾಡುತ್ತಿದ್ದ. ಇತ್ತ ನಿರಂತರವಾಗಿ ಕರೆ ಮಾಡಿದ್ರು ಕೋಕಿಲಾ ಕರೆ ಸ್ವೀಕರಿಸದಿದ್ದಾಗ ಅನುಮಾನಗೊಂಡ ಪೋಷಕರು ಮನೆ ಬಳಿ ಬಂದು ನೋಡಿದಾಗ ಕೊಲೆ ಪ್ರಕರಣ ಬೆಳಕಿಗೆ ಬಂದಿದೆ.

ಇದನ್ನೂ ಓದಿ: ಅಂದು ಕ್ರಿಕೆಟ್‌ ಜಗತ್ತನ್ನೇ ಆಳಿದ್ದಾತನಿಗೆ ಇಂದು ಬೇಡಿ ತಿನ್ನುವ ಗತಿ... ಒಂದೊತ್ತಿನ ಊಟಕ್ಕೂ ಅಲೆದಾಡುತ್ತಿದ್ದಾನೆ ಭಾರತದ ʼಅಂದಿನʼ ದಿಗ್ಗಜ! ಸಚಿನ್‌ಗಿಂತಲೂ ಗ್ರೇಟ್‌ ಎನಿಸಿಕೊಂಡಿದ್ದ ಕ್ರಿಕೆಟಿಗನೀತ

ಕೋಕಿಲಾ ಪೋಷಕರು ನೀಡಿದ ದೂರಿನ ಮೇರೆಗೆ ಕಾರ್ಯಾಚರಣೆ ನಡೆಸಿದ ಪೊಲೀಸರು ಸಿದ್ದರಾಮಣ್ಣನನ್ನು ಧರ್ಮಸ್ಥಳದಲ್ಲಿ ಬಂಧಿಸಿ ಎಳೆದುತಂದಿದ್ದಾರೆ.
ಮಾದನಾಯಕನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.