Ruby Gemstone: ರತ್ನಶಾಸ್ತ್ರದಲ್ಲಿ, ಹಲವು ರೀತಿಯ ಸಮಸ್ಯೆಗಳು ಮತ್ತು ಬಿಕ್ಕಟ್ಟುಗಳನ್ನು ನಿವಾರಿಸಲು ಕೆಲವು ಪರಿಹಾರಗಳನ್ನು ಸೂಚಿಸಲಾಗುತ್ತದೆ. ಇದಕ್ಕಾಗಿ ನವರತ್ನಗಳು, ಉಪ-ರತ್ನಗಳು ಮತ್ತು ವಿಶೇಷ ರತ್ನಗಳನ್ನು ಸೂಚಿಸಲಾಗುವುದು. ಈ ರತ್ನಗಳಲ್ಲಿ ಒಂದು ಪ್ರಮುಖ ರತ್ನವೆಂದರೆ ಮಾಣಿಕ್ಯ. ಇದು ಗ್ರಹಗಳ ರಾಜನಾದ ಸೂರ್ಯನನ್ನು ಪ್ರತಿನಿಧಿಸುವ ರತ್ನ, ಆದ್ದರಿಂದ ಇದು ಬಹಳ ಮುಖ್ಯವಾಗಿದೆ. ವ್ಯಕ್ತಿಯ ಜೀವನದಲ್ಲಿ ಸೂರ್ಯನಿಂದ ಮಾತ್ರ ಶಕ್ತಿಯು ಬರುತ್ತದೆ, ಸೂರ್ಯ ಸರಿಯಾಗಿಲ್ಲದಿದ್ದರೆ, ಅವನು ಅನೇಕ ರೀತಿಯ ಭಯಗಳ ನೆರಳಿನಲ್ಲಿ ಬದುಕಬೇಕಾಗುತ್ತದೆ ಎಂದು ಹೇಳಲಾಗುತ್ತದೆ. ಆದರೆ ಸೂರ್ಯನನ್ನು ಪ್ರತಿನಿಧಿಸುವ ಈ ರತ್ನ ಧಾರಣೆಯಿಂದ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ ಎಂದು ನಂಬಲಾಗಿದೆ. ಹಾಗಿದ್ದರೆ ಸೂರ್ಯನನ್ನು ಪ್ರತಿನಿಧಿಸುವ ಮಾಣಿಕ್ಯ ಅಥವಾ ರೂಬಿ ರತ್ನದ ಪ್ರಯೋಜನಗಳು ಏನು ಮತ್ತು ಅದನ್ನು ಧರಿಸುವ ವಿಧಾನಗಳ ಬಗ್ಗೆ ತಿಳಿಯೋಣ...
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ರೂಬಿ ಗಾಢ ಗುಲಾಬಿ ಅಥವಾ ಮರೂನ್ ಬಣ್ಣದಲ್ಲಿರುತ್ತದೆ. ತಮ್ಮ ಜಾತಕದಲ್ಲಿ ಸೂರ್ಯನ ದುರ್ಬಲ ಸ್ಥಿತಿಯನ್ನು ಹೊಂದಿರುವ ಜನರಿಗೆ ಮಾಣಿಕ್ಯವನ್ನು ಧರಿಸಲು ಸಲಹೆ ನೀಡಲಾಗುತ್ತದೆ. ಇದರಿಂದ ಸೂರ್ಯನು ಬಲಶಾಲಿಯಾಗುತ್ತಾನೆ ಮತ್ತು ಉತ್ತಮ ಫಲಿತಾಂಶಗಳನ್ನು ನೀಡುತ್ತಾನೆ ಎಂದು ಹೇಳಲಾಗುತ್ತದೆ.
ತಮ್ಮ ಜಾತಕದಲ್ಲಿ ಸೂರ್ಯನು ದುರ್ಬಲನಾಗಿದ್ದರೆ ಅಂತಹ ಜನರು ಯಾವಾಗಲೂ ಭಯ ಮತ್ತು ಹತಾಶೆಯಲ್ಲಿ ಬದುಕುತ್ತಾರೆ. ಈ ಜನರಲ್ಲಿ ಸಾಕಷ್ಟು ಆತ್ಮವಿಶ್ವಾಸದ ಕೊರತೆ ಇರುತ್ತದೆ. ಕಣ್ಣುಗಳಿಂದ ಯಾರೊಂದಿಗೂ ಮಾತನಾಡಲು ಸಾಧ್ಯವಾಗುವುದಿಲ್ಲ. ಜೊತೆಗೆ ಅವರ ವ್ಯಕ್ತಿತ್ವವೂ ತುಂಬಾ ದುರ್ಬಲವಾಗಿರುತ್ತದೆ. ಎಷ್ಟೇ ಪ್ರತಿಭಾವಂತರಾಗಿದ್ದರೂ ಸಂದರ್ಶನದ ಹೆಸರು ಕೇಳಿದರೆ ಸಾಕು ಅವರ ಕೈ ಕಾಲುಗಳು ನಡುಗುತ್ತವೆ. ಹಾಗಾಗಿ ಅವರು ವಿಫಲರಾಗುತ್ತಾರೆ.
ಮಾಣಿಕ್ಯವನ್ನು ಧರಿಸುವುದರಿಂದ (Wearing ruby) ವ್ಯಕ್ತಿಯ ಭಯವನ್ನು ನಿವಾರಿಸುತ್ತದೆ ಮತ್ತು ಆತ್ಮವಿಶ್ವಾಸವನ್ನು ಜಾಗೃತಗೊಳಿಸುತ್ತದೆ. ವ್ಯಕ್ತಿಯು ಗುರಿಗಳನ್ನು ಹೊಂದಿಸುತ್ತಾನೆ ಮತ್ತು ಅವುಗಳನ್ನು ಪೂರೈಸಲು ಪ್ರಯತ್ನಿಸುತ್ತಾನೆ. ಮಾಣಿಕ್ಯವನ್ನು ಧರಿಸುವ ಮೂಲಕ, ಸೂರ್ಯನು ಪ್ರಬಲವಾಗಿರುವ ಸ್ಪಷ್ಟ ಪರಿಣಾಮವು ಅವನ ವ್ಯಕ್ತಿತ್ವದಲ್ಲಿ ಗೋಚರಿಸುತ್ತದೆ. ಈ ಕಾರಣದಿಂದಾಗಿ ಅವರು ಪ್ರಗತಿ ಸಾಧಿಸಲು ಪ್ರಾರಂಭಿಸುತ್ತಾರೆ. ಇದಲ್ಲದೇ, ಈ ಕಲ್ಲು ಕಣ್ಣುಗಳು, ಹೃದಯ ಸಂಬಂಧಿ ರೋಗಗಳು, ಮೂಳೆಗಳಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ತೆಗೆದುಹಾಕುವಲ್ಲಿ ಬಹಳ ಪ್ರಯೋಜನಕಾರಿ ಎಂದು ಹೇಳಲಾಗುತ್ತದೆ. ಇದನ್ನೂ ಓದಿ- Sun Transit September 2021 :ಸೆಪ್ಟೆಂಬರ್ 17 ರಂದು ಸೂರ್ಯನ ರಾಶಿ ಪರಿವರ್ತನೆ, ಇದಕ್ಕೂ ಮುನ್ನ ಈ ರಾಶಿಯವರಿಗೆ ಸಿಗಲಿದೆ ಶುಭ ಫಲ
ಪರಿಣಿತರನ್ನು ಸಂಪರ್ಕಿಸದೆ ಯಾವುದೇ ರತ್ನವನ್ನು (Gemstone) ಧರಿಸಬಾರದು, ಆದರೆ ಲಗ್ನದ ಪ್ರಕಾರ ಕೆಲವು ರತ್ನಗಳನ್ನು ಸೂಚಿಸಲಾಗಿದೆ. ಅವರು ಮಾಣಿಕ್ಯವನ್ನು ಧರಿಸುವುದರಿಂದ ಪ್ರಯೋಜನವನ್ನು ಪಡೆಯುತ್ತಾರೆ. ಮಾಣಿಕ್ಯದ ಬಗ್ಗೆ ಹೇಳುವುದಾದರೆ, ಮೇಷ, ಸಿಂಹ, ವೃಶ್ಚಿಕ ಮತ್ತು ಧನು ರಾಶಿಯ ಜನರಿಗೆ ಇದು ತುಂಬಾ ಪ್ರಯೋಜನಕಾರಿಯಾಗಿದೆ. ಮತ್ತೊಂದೆಡೆ, ಮೀನ, ಮಕರ ಮತ್ತು ಕನ್ಯಾ ರಾಶಿಯ ಜನರು ಅಪ್ಪಿ-ತಪ್ಪಿಯೂ ಕೂಡ ಮಾಣಿಕ್ಯವನ್ನು ಧರಿಸಬಾರದು ಎನ್ನಲಾಗಿದೆ. ಇದನ್ನೂ ಓದಿ- Gemology: ರತ್ನಗಳನ್ನು ಧರಿಸುವಾಗ ಎಂದಿಗೂ ಈ ತಪ್ಪುಗಳನ್ನು ಮಾಡದಿರಿ
ಮಾಣಿಕ್ಯವನ್ನು ಭಾನುವಾರ ಧರಿಸುವುದು ಒಳ್ಳೆಯದು. ಇದಕ್ಕಾಗಿ, ತಜ್ಞರ ಸಲಹೆಯೊಂದಿಗೆ, ಸರಿಯಾದ ತೂಕದ ರತ್ನವನ್ನು ತೆಗೆದುಕೊಳ್ಳಿ, ತಾಮ್ರ ಅಥವಾ ಚಿನ್ನದ ಉಂಗುರದಲ್ಲಿ ಅಥವಾ ಕತ್ತಿಗೆ ಹಾಕಿಕೊಳ್ಳುವ ಸರದ ಲಾಕೆಟ್ ರೂಪದಲ್ಲಿ ಮಾಣಿಕ್ಯ ಧಾರಣೆ ಮಾಡಬಹುದು. ಇದರ ನಂತರ, ಹಸುವಿನ ಹಾಲು ಮತ್ತು ಗಂಗಾಜಲದಿಂದ ಅಭಿಷೇಕ ಮಾಡಿದ ನಂತರ, ಅದನ್ನು ಧೂಪ-ದೀಪವನ್ನು ತೋರಿಸಿ ಪೂಜಿಸಿ. ಸೂರ್ಯ ಮಂತ್ರವನ್ನು ಓಂ ಘೃಣಿ: ಸೂರ್ಯಾಯ ನಮಃ ಎಂದು ಪಠಿಸುತ್ತಾ ರತ್ನಗಳನ್ನು ಧರಿಸಿ. ರತ್ನವನ್ನು ಧರಿಸಿದ ನಂತರ, ಈ ಮಂತ್ರವನ್ನು ಕನಿಷ್ಠ 108 ಬಾರಿ ಜಪಿಸಿ. (ಸೂಚನೆ: ಈ ಲೇಖನದಲ್ಲಿ ನೀಡಿರುವ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಊಹೆಗಳನ್ನು ಆಧರಿಸಿದೆ. ಜೀ ಹಿಂದೂಸ್ಥಾನ್ ಕನ್ನಡ ನ್ಯೂಸ್ ಇದನ್ನು ದೃಢೀಕರಿಸುವುದಿಲ್ಲ.)
