Must visit Hanuman temple in India : ಭಜರಂಗ ಬಲಿ, ಮಾರುತಿ ಮತ್ತು ಆಂಜನೇಯ ಎಂದು ಹೀಗೆ ವಿವಿಧ ಹೆಸರಿನಿಂದ ಕರೆಯಲ್ಪಡುವ ಭಗವಾನ್‌ ಹನುಮಂತನನ್ನು ಪೂಜಿಸುವುದರಿಂದ ಹಲವು ಸಂಕಷ್ಟಗಳು ದೂರವಾಗುತ್ತವೆ. ಈ ಪೈಕಿ ಭಾರತದಲ್ಲಿರುವ ಈ 5 ಫವರ್‌ ಫುಲ್‌ ಹನುಮ ದೇವಸ್ಥಾನಕ್ಕೆ ಭೇಟಿ ನೀಡಿದರೆ ನಿಮ್ಮ ಕಷ್ಟ ಕಾರ್ಪಣ್ಯಗಳು ದೂರವಾಗುತ್ತವೆ.
ಬಾಲಾಜಿ ದೇವಸ್ಥಾನ, ರಾಜಸ್ಥಾನದ ದೌಸಾ ಜಿಲ್ಲೆಯ ಬಳಿ ಮೆಹಂದಿಪುರದಲ್ಲಿದೆ. ಇಲ್ಲಿ ನೀವು ಸ್ವಯಂ ಉದ್ಭವಿತ ಹನುಮನ ಮೂರ್ತಿಯನ್ನು ಕಾಣಬಹುದು. ಈ ದೇವಾಲಯವು ಸುಮಾರು 1000 ವರ್ಷಗಳಷ್ಟು ಹಳೆಯದು ಎಂದು ಹೇಳಲಾಗುತ್ತದೆ. ದೇಶ ವಿದೇಶಗಳಿಂದ ಜನರು ಇಲ್ಲಿಗೆ ಬಂದು ದರ್ಶನ ಪಡೆಯುತ್ತಾರೆ.
ಸಾಲಸರ್ ಹನುಮಾನ್ ಪ್ರಸಿದ್ಧ ದೇವಾಲಯವು ರಾಜಸ್ಥಾನದ ಚುರುವಿನ ಸಲಾಸರ್ ಗ್ರಾಮದಲ್ಲಿದೆ. ಈ ಕಾರಣಕ್ಕಾಗಿಯೇ ಈ ದೇವಾಲಯದ ಹೆಸರೂ ಸಾಲಸರ್ ಹನುಮಾನ್ ಮಂದಿರ ಎಂದು ಹೆಸರುವಾಸಿಯಾಗಿದೆ. ಇಲ್ಲಿ ನೀವು ಸ್ವಯಂಭು ಹನುಮನ ವಿಗ್ರಹದ ದರ್ಶನ ಪಡೆಯಬಹುದು.
ಹಿಮಾಚಲ ಪ್ರದೇಶದ 8100 ಅಡಿ ಎತ್ತರದಲ್ಲಿರುವ ಪ್ರಸಿದ್ಧ ಹನುಮಾನ್ ಜಖೂ ದೇವಾಲಯದಲ್ಲಿ 108 ಅಡಿ ಎತ್ತರದ ಹನುಮಂತನ ವಿಗ್ರಹವಿದೆ. ಸ್ವಯಂಭು ಮಾರುತಿ ವಿಗ್ರಹಕ್ಕೆ ಯಕ್ಷ ಋಷಿ ದೇವಾಲಯವನ್ನು ನಿರ್ಮಿಸಿದನೆಂದು ನಂಬಲಾಗಿದೆ.
ಯುಪಿಯ ಅಲಹಾಬಾದ್‌ನಲ್ಲಿ ಹನುಮಂಜಿ ದೇವಸ್ಥಾನವಿದ್ದು, ಅಲ್ಲಿ ಹನುಮಂಜಿಯು ಮಲಗಿರುವ ಸ್ಥಿತಿಯಲ್ಲಿ ಪ್ರತಿಷ್ಠಾಪಿಸಲಾಗಿದೆ. ಈ ಕಾರಣಕ್ಕಾಗಿ ಈ ದೇವಾಲಯವನ್ನು ಮಲಗಿರುವ ಹನುಮಾನ್ ದೇವಾಲಯ ಎಂದೂ ಕರೆಯುತ್ತಾರೆ. ಈ ವಿಗ್ರಹದ ಉದ್ದ ಸುಮಾರು 20 ಅಡಿ ಇದೆ. ಈ ದೇವಾಲಯವು ಸುಮಾರು 700 ವರ್ಷಗಳಷ್ಟು ಹಳೆಯದು ಎಂದು ನಂಬಲಾಗಿದೆ.
ಉತ್ತರ ಪ್ರದೇಶದ ರಾಮನಗರಿ ಅಯೋಧ್ಯೆಯಲ್ಲಿರುವ ಹನುಮಾನ್ ಗರ್ಹಿಯು ಹನುಮಂತನ ಪ್ರಸಿದ್ಧ ದೇವಾಲಯವಾಗಿದೆ. ಈ ದೇವಾಲಯವು ಸರಯೂ ನದಿಯ ದಡದಲ್ಲಿರುವ ಎತ್ತರದ ಬೆಟ್ಟದ ತುದಿಯಲ್ಲಿದೆ. ಈ ದೇವಾಲಯವನ್ನು 300 ವರ್ಷಗಳ ಹಿಂದೆ ಸ್ವಾಮಿ ಅಭ್ಯರಾಮದಾಸಜಿ ಸ್ಥಾಪಿಸಿದರು ಎಂದು ನಂಬಲಾಗಿದೆ.
