ಮುಂಬೈನಲ್ಲಿ ಎಡಬಿಡದೆ ಸುರಿಯುತ್ತಿರುವ ಮಳೆಯಿಂದಾಗಿ ನಗರದ ಸ್ಥಿತಿ ಹದಗೆಟ್ಟಿದೆ.
ರಸ್ತೆ, ಪಾರ್ಕ್, ಮನೆ ಎಲ್ಲೆಲ್ಲೂ ನೀರೇ, ನೀರು. ಇದು ಭಾರೀ ಮಳೆಗೆ ತತ್ತರಿಸಿರುವ ವಾಣಿಜ್ಯ ನಗರಿ ಪರಿಸ್ಥಿತಿ. ಈ ಮಳೆ ಅವಾಂತರದಿಂದಾಗಿ ಜನರು ಆಸ್ಪತ್ರೆಗೆ ತಲುಪುವುದು ಕೂಡ ಕಷ್ಟವಾಗಿದೆ.
ಏತನ್ಮಧ್ಯೆ, ಮಳೆಯ ಕಾರಣದಿಂದ ಆಸ್ಪತ್ರೆ ತಲುಪಲಾಗದ ಮಹಿಳೆಯೊಬ್ಬರು ಡೊಂಬಿವ್ಲಿ ರೈಲ್ವೆ ನಿಲ್ದಾಣದಲ್ಲಿ ಮಗುವಿಗೆ ಜನ್ಮ ನೀಡಿದರು. ನಿಲ್ದಾಣದಲ್ಲಿದ್ದ ವೈದ್ಯರು ಮತ್ತು ದಾದಿ ಮಹಿಳೆಯ ಹೆರಿಗೆಗೆ ಸಹಾಯ ಮಾಡಿದರು.
ಮಾಹಿತಿ ಪ್ರಕಾರ, 29 ವರ್ಷದ ಗರ್ಭಿಣಿ ಮಹಿಳೆ ತಪಾಸಣೆಗಾಗಿ ಕ್ಯಾಮಾ ಆಸ್ಪತ್ರೆಗೆ ತೆರಳುತ್ತಿದ್ದ ಮಹಿಳೆಗೆ ಡೊಂಬಿವ್ಲಿ ನಿಲ್ದಾಣದಲ್ಲಿ ಹೆರಿಗೆ ನೋವು ಕಾಣಿಸಿಕೊಂಡಿತು. ಸ್ಥಳದಲ್ಲಿದ್ದ ಜನರು ನಿಲ್ದಾಣದ ಸಿಬ್ಬಂದಿಗೆ ಈ ಮಾಹಿತಿಯನ್ನು ನೀಡಿದರು.
ನಂತರ 'ಒಂದು ರೂಪಾಯಿ ಚಿಕಿತ್ಸಾಲಯ'ದ ವೈದ್ಯರು ಮತ್ತು ದಾದಿಯರು ಮಹಿಳೆಗೆ ಸುರಕ್ಷಿತ ಹೆರಿಗೆಯನ್ನು ನಡೆಸಿದರು. ಮಾಹಿತಿಯ ಪ್ರಕಾರ, ತಾಯಿ-ಮಗು ಆರೋಗ್ಯವಾಗಿದ್ದಾರೆ. 'ಒಂದು ರೂಪಾಯಿ ಕ್ಲಿನಿಕ್' ಮುಂಬೈನ ಎಲ್ಲಾ ಪ್ರಮುಖ ರೈಲ್ವೆ ನಿಲ್ದಾಣಗಳಲ್ಲಿ ಆರೋಗ್ಯ ಸೇವೆಗಳನ್ನು ಒದಗಿಸುತ್ತದೆ. ಇದಕ್ಕಾಗಿ ರೋಗಿಗಳು 1 ರೂ. ಮಾತ್ರ ನೀಡಬೇಕು.
ಹೆರಿಗೆಯ ಬಳಿಕ ತಾಯಿ-ಮಗು ಆರೋಗ್ಯವಾಗಿದ್ದಾರೆ. ಆದರೆ ಪ್ರಾಥಮಿಕ ಚಿಕಿತ್ಸೆಯ ನಂತರ ಮಹಿಳೆಯನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಲಾಗಿದೆ.
