Ind Vs Ban Champions Trophy 2025: ಪಂದ್ಯದ ಮಧ್ಯ ರೋಹಿತ್‌ ಆಕ್ರೋಶ..! ನೆಲಕ್ಕೆ ಗುದ್ದಿ ಆರ್ಭಟಿಸಿದ ಟೀಂ ಇಂಡಿಯಾ ನಾಯಕ.. ಅಸಲಿಗೆ ಏನಾಯಿತು..? ವಿಡಿಯೋ ವೈರಲ್‌

IND vs BAN: ಬಾಂಗ್ಲಾದೇಶ ವಿರುದ್ಧದ ಪಂದ್ಯದ ವೇಳೆ ನಾಯಕ ರೋಹಿತ್ ಶರ್ಮಾ ಕೋಪಗೊಂಡು ನೆಲಕ್ಕೆ ಗುದ್ದಿ ನಂತರ ಎದ್ದು ನಿಂತು ಕ್ಷಮೆಯಾಚಿಸಿದ್ದಾರೆ. ಈ ಕುರಿತು ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಅಸಲಿಗೆ ಏನಾಯ್ತು.. ಬನ್ನಿ ನೋಡೋಣ..

IND vs BAN latest updates : ICC ಚಾಂಪಿಯನ್ಸ್ ಟ್ರೋಫಿ 2025 ಪಾಕಿಸ್ತಾನದಲ್ಲಿ ನಿನ್ನೆ (ಫೆಬ್ರವರಿ 19) ಪ್ರಾರಂಭವಾಯಿತು. 8 ತಂಡಗಳನ್ನು ಒಳಗೊಂಡ ಈ ಸರಣಿಯು ಮಾರ್ಚ್ 9 ರವರೆಗೆ ನಡೆಯಲಿದೆ. ಮೊದಲ ಪಂದ್ಯದಲ್ಲಿ ನಿನ್ನೆ ನಡೆದ 'ಎ' ಗುಂಪಿನಲ್ಲಿರುವ ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ ತಂಡಗಳು ಮುಖಾಮುಖಿಯಾಗಿದ್ದವು. 

ನ್ಯೂಜಿಲೆಂಡ್ ತಂಡವು ಸರಣಿಯನ್ನು ಗೆಲುವಿನೊಂದಿಗೆ ಆರಂಭಿಸಿದ್ದು, ಪಂದ್ಯವನ್ನು 60 ರನ್‌ಗಳಿಂದ ಗೆದ್ದುಕೊಂಡಿತು. ಇದರೊಂದಿಗೆ ನ್ಯೂಜಿಲೆಂಡ್ ಸೆಮಿಫೈನಲ್ ಸ್ಥಾನ ಪಡೆಯುವುದು ಬಹುತೇಕ ಖಚಿತವಾಗಿದೆ. ಬಾಂಗ್ಲಾದೇಶ ಮತ್ತು ಭಾರತ ನಡುವಿನ ಒಂದು ಪಂದ್ಯದಲ್ಲಿ ಗೆದ್ದರೆ ನ್ಯೂಜಿಲೆಂಡ್ ಸೆಮಿಫೈನಲ್ ಸ್ಥಾನ ಖಚಿತಪಡಿಸಿಕೊಳ್ಳುತ್ತದೆ.

ಆ ನಿಟ್ಟಿನಲ್ಲಿ, ಇಂದು ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಭಾರತ ಮತ್ತು ಬಾಂಗ್ಲಾದೇಶ ತಂಡಗಳು (BNG vs IND Live) ಮುಖಾಮುಖಿಯಾಗಿವೆ. ಭಾರತ ತಂಡವು ತನ್ನ ಎಲ್ಲಾ ಪಂದ್ಯಗಳನ್ನು ಇದೇ ಕ್ರೀಡಾಂಗಣದಲ್ಲಿ ಆಡಲಿದೆ. ಇಂದಿನ ಪಂದ್ಯದಲ್ಲಿ ಟಾಸ್ ಗೆದ್ದ ಬಾಂಗ್ಲಾದೇಶ ನಾಯಕ ನಜ್ಮುಲ್ ಹೊಸೈನ್ ಶಾಂತೊ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು.

ಇದನ್ನೂ ಓದಿ:IND vs BAN match live : ಎರಡೇ ಎಸೆತಕ್ಕೆ ಬಾಂಗ್ಲಾದೇಶ ನಾಯಕ ಔಟ್‌..! ಕೊಹ್ಲಿಗೆ ಫ್ಲೈಯಿಂಗ್‌ ಕಿಸ್‌ ಕೊಟ್ಟ ಹರ್ಷಿತ್‌.. ವಿಡಿಯೋ ವೈರಲ್‌

ಭಾರತ ತಂಡ ಮೊದಲ ಓವರ್‌ನಿಂದಲೇ ಬಾಂಗ್ಲಾದೇಶ ತಂಡದ ಮೇಲೆ ದಾಳಿ ಆರಂಭಿಸಿತು. ಸೌಮ್ಯ ಸರ್ಕಾರ್ ಅವರನ್ನು ಶಮಿ ಬೌಲಿಂಗ್ ನಲ್ಲಿ ಔಟ್ ಮಾಡಿದರೆ, ಹರ್ಷಿತ್ ರಾಣಾ ಎಸೆದ ಮುಂದಿನ ಓವರ್ ನಲ್ಲಿ ನಾಯಕ ಶಾಂತೊ ಔಟ್‌ ಆದರು. ಅದಾದ ನಂತರ, ಡನ್ಶಿದ್ ಹಸನ್ ಮತ್ತು ಮೆಹಿದಿ ಹಸನ್ ಮಿರಾಜ್ ನಡುವೆ 24 ರನ್‌ಗಳ ಪಾಲುದಾರಿಕೆ ರೂಪುಗೊಂಡಿತು. ಈ ಜೊತೆಯಾಟವನ್ನು ಮೊಹಮ್ಮದ್ ಶಮಿ ಮುರಿದರು. ಮೆಹಿದಿ ಹಸನ್ ಮಿರಾಜ್ 5 ರನ್ ಗಳಿಸಿ ಔಟಾದರು. ಶಮಿ ಮತ್ತು ಹರ್ಷಿತ್ ರಾಣಾ ಮೊದಲ 8 ಓವರ್‌ಗಳನ್ನು ಬೌಲ್ ಮಾಡಿದರು, 35 ರನ್‌ಗಳನ್ನು ನೀಡಿ 3 ವಿಕೆಟ್‌ಗಳನ್ನು ಪಡೆದರು.

When child fell on the floor

Parents - 😭#IndvsBan #RohitSharma pic.twitter.com/45AYRCBOAQ

— PatrickBateman⚔️ (@SERIALDEBUGGER) February 20, 2025

ಇನ್ನು 9ನೇ ಓವರ್ ಅನ್ನು ಅಕ್ಷರ್ ಪಟೇಲ್ ( Axar Patel ) ಮಾಡಿದರು. ಈ ಓವರ್‌ನ ಎರಡನೇ ಎಸೆತದ ವೇಳೆ ಡನ್ಶಿದ್ ಹಸನ್ 25 ರನ್ ಗಳಿಸಿದರು. ಆದರೆ ರಾಹುಲ್‌ಗೆ ಕ್ಯಾಚ್ ನೀಡಿ ಹೊರಟುಹೋದರು. ನಂತರ ಬಂದ ಅನುಭವಿ ಬ್ಯಾಟ್ಸ್‌ಮನ್ ಮುಷ್ಫಿಕರ್ ರಹೀಮ್ ಸಹ ಕ್ಯಾಚ್ ಔಟ್ ಆದರು. ಇದು ಅಕ್ಷರ್ ಪಟೇಲ್‌ಗೆ ಮೊದಲ ಹ್ಯಾಟ್ರಿಕ್.

ಇದನ್ನೂ ಓದಿ:IND vs PAK: ಭಾರತದ ವಿರುದ್ಧದ ಪಂದ್ಯಕ್ಕೂ ಮುನ್ನ ಸೋಲೋಪ್ಪಿಕೊಂಡ ಪಾಕಿಸ್ತಾನ !ಗೆಲುವು ನಿಜಕ್ಕೂ ಕಷ್ಟವಿದೆ ಎಂದ ಪಾಕ್ ಆಟಗಾರ !

ನಾಲ್ಕನೇ ಎಸೆತದಲ್ಲಿ ಜಕಾರ್ ಅಲಿ ಅಕ್ಷರ್ ಪಟೇಲ್ ಅವರನ್ನು ಎದುರಿಸಿದರು. ಈ ವೇಳೆ ಜಕಾರ್‌ ಬೀಸಿದ ಬ್ಯಾಟ್‌ನ ತುದಿಗೆ ಚೆಂಡು ಬಡಿದು ಮೊದಲ ಸ್ಲಿಪ್‌ನಲ್ಲಿದ್ದ ರೋಹಿತ್ ಶರ್ಮಾ ಕಡೆಗೆ ಹೋಯಿತು. ಆದರೆ ರೋಹಿತ್ ಶರ್ಮಾ ಕ್ಯಾಚ್‌ ಮಿಸ್‌ ಮಾಡಿದರು. ಇದರಿಂದ ಕೋಪಗೊಂಡು ಹಲವಾರು ಬಾರಿ ನೆಲಕ್ಕೆ ಗುದ್ದುವ ಮೂಲಕ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸಿದರು. ಆ ನಂತರ ಅಕ್ಷರ್ ಪಟೇಲ್ ಕಡೆಗೆ ಕೈ ಬೀಸಿ, ಕ್ಯಾಚ್ ತಪ್ಪಿಸಿಕೊಂಡಿದ್ದಕ್ಕಾಗಿ ಮತ್ತು ಹ್ಯಾಟ್ರಿಕ್ ತಪ್ಪಿಸಿದ್ದಕ್ಕಾಗಿ ಕ್ಷಮೆಯಾಚಿಸಿದರು. ಈ ಕುರಿತ ವೀಡಿಯೊಗಳು ಮತ್ತು ಫೋಟೋಗಳು ಪ್ರಸ್ತುತ ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿವೆ..