ವೆಸ್ಟ್ ಇಂಡಿಸ್ ವಿರುದ್ಧ 2-0 ಅಂತರದಲ್ಲಿ ಸರಣಿ ವಶಪಡಿಸಿಕೊಂಡ ಭಾರತ

ಹೈದರಾಬಾದ್: ಇಲ್ಲಿನ ರಾಜೀವ್ ಗಾಂಧಿ ಕ್ರೀಡಾಂಗಣದಲ್ಲಿ ನಡೆದ ವೆಸ್ಟ್​ ಇಂಡೀಸ್ ವಿರುದ್ದದ 2ನೇ  ಟೆಸ್ಟ್ ಪಂದ್ಯದಲ್ಲಿ  ಭಾರತ ತಂಡವು 10 ವಿಕೆಟ್​ಗಳ ಗೆಲುವು ಸಾಧಿಸಿದೆ.

ಆ ಮೂಲಕ ಭಾರತ 2-0 ಅಂತರದ ಜಯದೊಂದಿಗೆ ಸರಣಿಯನ್ನು ವಶಪಡಿಸಿಕೊಂಡಿದೆ.ವೆಸ್ಟ್ ಇಂಡಿಸ್ ಎರಡನೇ  ನೀಡಿದ್ದ 72 ರನ್​ಗಳ  ಗುರಿ ಬೆನ್ನಟ್ಟಿದ  ಭಾರತ ತಂಡವು  ಪೃಥ್ವಿ ಶಾ(33) ಹಾಗೂ ಕೆ. ಎಲ್ ರಾಹುಲ್(33) ರನ್ ಗಳ ನೆರವಿನಿಂದ ಸುಲಭವಾಗಿ ಜಯಗಳಿಸಿತು.

CHAMPIONS #TeamIndia 🇮🇳🇮🇳@Paytm #INDvWI pic.twitter.com/oUlwtb9ZX3

— BCCI (@BCCI) October 14, 2018

ವೆಸ್ಟ್ ಇಂಡಿಸ್ ತಂಡವು ಎರಡನೇ ಇನಿಂಗ್ಸ್ ನಲ್ಲಿ  ಕೇವಲ 127 ರನ್ ಗಳಿಗೆ ಆಲೌಟ್ ಆಯಿತು.ಭಾರತದ ಜಡೇಜಾ ಹಾಗೂ ಉಮೇಶ್ ಯಾದವ್ ಪರಿಣಾಮಕಾರಿ ಬೌಲಿಂಗ್ ದಾಳಿಯಿಂದಾಗಿ  ತತ್ತರಿಸಿ ಹೋಯಿತು. 2ನೇ ಇನ್ನಿಂಗ್ಸ್​​ನಲ್ಲಿ ವಿಂಡೀಸ್ ಪರ ಸುನಿಲ್ ಅಂಬ್ರಿಸ್ 38 ಹಾಗೂ ಶಾಯ್ ಹೋಪ್ 28 ರನ್​ ಗಳಿಸಿದ್ದನ್ನು  ಬಿಟ್ಟರೆ ಉಳಿದವರು ಯಾರು ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಭಾರತ ಪರ ಉಮೇಶ್ ಯಾದವ್ 4 ವಿಕೆಟ್ ಕಿತ್ತು ಮಿಂಚಿದರೆ, ಜಡೇಜಾ 3 ಹಾಗೂ ಅಶ್ವಿನ್ 2 ವಿಕೆಟ್ ಪಡೆದರು.

ಈ ಮೂಲಕ ಭಾರತ ಎರಡು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ 2-0 ಅಂತರದ ಜಯದೊಂದಿಗೆ ಸಂಪೂರ್ಣ ಸರಣಿಯನ್ನು ವಶ ಪಡಿಸಿಕೊಂಡಿದೆ. 

ಪಂದ್ಯ ಶ್ರೇಷ್ಠ: ಉಮೇಶ್ ಯಾದವ್

ಸರಣಿ ಶ್ರೇಷ್ಠ: ಪೃಥ್ವಿ ಶಾ