ವಿರಾಟ್ ಕೊಹ್ಲಿ ಅಜೇಯ ಶತಕ, ಬಾಂಗ್ಲಾ ವಿರುದ್ಧ ಟೀಮ್ ಇಂಡಿಯಾಗೆ 7 ವಿಕೆಟ್ ಗಳ ಭರ್ಜರಿ ಜಯ

Photo: Twitter

ಪುಣೆ: ಇಲ್ಲಿನ ಮಹಾರಾಷ್ಟ್ರ ಕ್ರಿಕೆಟ್ ಆಸೋಸಿಯನ್ ಕ್ರೀಡಾಂಗಣದಲ್ಲಿ ನಡೆದ ವಿಶ್ವಕಪ್ ಟೂರ್ನಿಯ ಲೀಗ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಬಾಂಗ್ಲಾದೇಶದ ವಿರುದ್ಧ ಏಳು ವಿಕೆಟ್ ಗಳ ಭರ್ಜರಿ ಗೆಲುವು ಸಾಧಿಸಿದೆ.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆರಂಭಿಸಿದ ಬಾಂಗ್ಲಾದೇಶವು ತಾಂಜಿದ್ ಹಸನ್ 51,ಹಾಗೂ ಲಿಟನ್ ದಾಸ್ ಅವರ 66 ರನ್ ಗಳ ಭರ್ಜರಿ ಆರಂಭಿಕ ಆಟದಿಂದ ಉತ್ತಮ ಆರಂಭವನ್ನೇ ಕಂಡಿತ್ತು, ಯಾವಾಗ ತಂಡದ ಮೊತ್ತ 93 ರನ್ ಗಳಾಗಿದ್ದಾಗಿ ತಾಂಜಿದ್ ವಿಕೆಟ್ ಪತನವಾಯಿತೋ ಆಗ ಬಾಂಗ್ಲಾ ದೇಶವು ತೀವ್ರ ಕುಸಿತವನ್ನು ಕಂಡಿತು.

Virat Kohli's 48th ODI ton sets up India's emphatic #CWC23 victory in Pune 👊

It wins him the @aramco #POTM 🎇#INDvBAN pic.twitter.com/xynbRBd7tk

— ICC (@ICC) October 19, 2023

ನಂತರ ಬಂದಂತಹ ಆಟಗಾರರಲ್ಲಿ ಮುಷ್ಪಿಕರ್ ರೆಹಮಾನ್ 38, ಹಾಗೂ ಮೋಹಮ್ಮುದುಲ್ಲಾ 46 ರನ್ ಗಳಿಸುವ ಮೂಲಕ ತಂಡವು 250 ರ ಗಡಿ ದಾಟುವಲ್ಲಿ ನೆರವಾದರು. ಟೀಮ್ ಇಂಡಿಯಾದ ಪರವಾಗಿ ಬುಮ್ರಾ 2, ಸಿರಾಜ್ 2, ಹಾಗೂ ರವಿಂದ್ರ ಜಡೇಜಾ ಎರಡು ವಿಕೆಟ್ ಗಳನ್ನು ಕಬಳಿಸುವ ಮೂಲಕ ಬಾಂಗ್ಲಾ ತಂಡದ ಬ್ಯಾಟಿಂಗ್ ವೇಗಕ್ಕೆ ಕಡಿವಾಣ ಹಾಕಿದರು.ಅಂತಿಮವಾಗಿ ಬಾಂಗ್ಲಾ ದೇಶವು 50 ಓವರ್ ಗಳಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ 256 ರನ್ ಗಳನ್ನು ಗಳಿಸಿತು.

India chase down the Bangladesh total with 51 balls to spare for their fourth successive #CWC23 win ⚡#INDvBAN 📝: https://t.co/otNXqljKwn pic.twitter.com/QUTkIaXha6

— ICC (@ICC) October 19, 2023

257 ರನ್ ಗಳ ಗೆಲುವಿನ ಗುರಿಯನ್ನು ಬೆನ್ನತ್ತಿದ ಟೀಮ್ ಇಂಡಿಯಾ ಆರಂಭಿಕ ಆಟಗಾರ ರೋಹಿತ್ ಶರ್ಮಾ 48, ಶುಬ್ಮನ್ ಗಿಲ್ 53, ಹಾಗೂ ವಿರಾಟ್ ಕೊಹ್ಲಿ ಅವರ ಸಮಯೋಚಿತ ಅಜೇಯ 103 ರನ್ ಗಳ ನೆರವಿನಿಂದ 41.3 ಓವರ್ ಗಳಲ್ಲಿ 261 ರನ್ ಗಳಿಸುವ ಮೂಲಕ ಟೀಮ್ ಇಂಡಿಯಾ ಈಗ ವಿಶ್ವಕಪ್ ಟೂರ್ನಿಯಲ್ಲಿ ಸತತ 4 ನೇ ಗೆಲುವು ಸಾಧಿಸಿದೆ.