Chilume Scam News

ಚಿಲುಮೆ ವೋಟರ್ ಐಡಿ ಅವ್ಯವಹಾರ ಪ್ರಕರಣ ದಿನಕ್ಕೊಂದು ಭಿನ್ನ ವಿಭಿನ್ನ  ತಿರುವು ಪಡೆಯುತ್ತಿದೆ.ಒಂದೆಡೆ ಪ್ರಕರಣದ ಆರೋಪಿಗಳು ಹಂತಹಂತವಾಗಿ ಪೊಲೀಸರ ಖೆಡ್ಡಾಗೆ ಬೀಳ್ತಿದ್ರೆ, ಇನ್ನೊಂದೆಡೆ, ಆರೋಪಿ ಸ್ಥಾನದಲ್ಲಿರೋ ಐಎಎಸ್ ಅಧಿಕಾರಿಗಳು ಸೇವೆಯಿಂದ ಅಮಾನತ್ತಾಗಿದ್ದಾರೆ. ಆರ್‌ಓ ಹಾಗು ಎಆರ್‌ಓಗಳು ಕೂಡ ಈ ಪ್ರಕರಣದಲ್ಲಿ ಬಂಧನಕ್ಕೆ ಒಳಗಾಗಿದ್ರಿಂದ ನಗರದ ಉಳಿದ ಆರ್‌ಓ ಹಾಗು ಎಆರ್‌ಓಗಳು ಅತಂತ್ರರಾಗಿದ್ದು, ಈ ಕುರಿತಂತೆ ತಮ್ಮದೇನು ತಪ್ಪಿಲ್ಲ ಎಂಬಂತೆ ಅಸಹಾಯಕತೆ ಕುರಿತು ಇವತ್ತು ಪತ್ರಿಕಾಗೋಷ್ಟಿ ನಡೆಸಿದ್ದಾರೆ.

ಚಿಲುಮೆ ಹಗರಣ ಸಂಬಂಧ ಕೇಂದ್ರ ಚುನಾವಣಾ ಆಯೋಗಕ್ಕೆ ಕಾಂಗ್ರೆಸ್ ದೂರು ನೀಡಿರೋ ವಿಚಾರಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿದ ಸಚಿವ ಅಶ್ವತ್ಥ್ ನಾರಾಯಣ್, ನಮ್ಮ ಸರ್ಕಾರದಲ್ಲಿ ಪಾರದರ್ಶಕವಾಗಿ ತನಿಖೆ ಮಾಡಲಾಗ್ತಿದೆ. ಇದರಲ್ಲಿ ಯಾರೇ ಏನೇ ತಪ್ಪು ಮಾಡಿದ್ರೂ ಅವರಿಗೆ ಕಠಿಣ ಶಿಕ್ಷೆ ನೀಡಲಾಗೋದು ಅಂತಾ ಹೇಳಿದ್ದಾರೆ.