5G Internet Speed ವಿಷಯದಲ್ಲಿ Jio, Airtel ಹಿಂದಿಕ್ಕಿದ Vi

5G Internet Speed - ಭಾನುವಾರ ಪುಣೆಯಲ್ಲಿ ಕೈಗೊಳ್ಳಲಾದ 5G ಪರೀಕ್ಷೆಯ ವೇಳೆ 3.7GBPS ನಷ್ಟು ಇಂಟರ್ನೆಟ್ ವೇಗವನ್ನು ಸಾಧಿಸಿರುವುದಾಗಿ ವೊಡಾಫೋನ್ ಐಡಿಯಾ (VI) ಹೇಳಿಕೊಂಡಿದೆ.

5G Internet Speed (Representational Image)

ನವದೆಹಲಿ: 5G Internet Speed - ಟೆಲಿಕಾಂ ಕಂಪನಿ ವೊಡಾಫೋನ್ ಐಡಿಯಾ 5 ಜಿ ಪ್ರಯೋಗದ ಸಮಯದಲ್ಲಿ ಅತಿ ಹೆಚ್ಚು ಅಂದರೆ 3.7 ಜಿಬಿಪಿಎಸ್ ವೇಗವನ್ನು ಸಾಧಿಸಿದೆ. ಇದು ಭಾರತದ ಯಾವುದೇ ಟೆಲಿಕಾಂ ಆಪರೇಟರ್‌ನಿಂದ ಸಾಧಿಸಲಾದ ಅತಿ ಹೆಚ್ಚು ವೇಗವಾಗಿದೆ. ಕಂಪನಿಯ ಪ್ರಕಾರ, VI ಗಾಂಧಿನಗರ ಮತ್ತು ಪುಣೆಯಲ್ಲಿ ಮಿಡ್-ಬ್ಯಾಂಡ್ ಸ್ಪೆಕ್ಟ್ರಮ್‌ನಲ್ಲಿ 1.5 Gbps ಡೌನ್‌ಲೋಡ್ ವೇಗವನ್ನು ಸಾಧಿಸಿದೆ.

ಹೇಗೆ ನಡೆಸಲಾಯ್ತು ಈ ಟೆಸ್ಟ್ ?
VI ತನ್ನ 5G ಪ್ರಯೋಗವನ್ನು ಪುಣೆಯಲ್ಲಿ ಎಂಡ್-ಟು-ಎಂಡ್ ಕ್ಯಾಪ್ಟಿವ್ ನೆಟ್‌ವರ್ಕ್ ಕ್ಲೌಡ್ ಕೋರ್‌ಗಳು, ಹೊಸ ಪೀಳಿಗೆಯ ಸಾರಿಗೆ ಮತ್ತು ರೇಡಿಯೋ ಪ್ರವೇಶ ಜಾಲಗಳ ಪ್ರಯೋಗಾಲಯದಲ್ಲಿ ನಡೆಸಿದೆ ಎಂದು ಕಂಪನಿ ಹೇಳಿಕೆಯಲ್ಲಿ ತಿಳಿಸಿದೆ. ಈ ಪ್ರಯೋಗದಲ್ಲಿ, VI ಎಂಎಂ ವೇವ್ ಸ್ಪೆಕ್ಟ್ರಮ್ ಬ್ಯಾಂಡ್‌ನಲ್ಲಿ ಅತಿ ಕಡಿಮೆ ಸುಪ್ತತೆಯೊಂದಿಗೆ 3.7 Gbps ಗಿಂತ ಹೆಚ್ಚಿನ ವೇಗವನ್ನು ಸಾಧಿಸಿದೆ ಎಂದು ಹೇಳಿದೆ.

ಲೇಟೆನ್ಸಿ ತುಂಬಾ ಕಡಿಮೆಯಾಗಿತ್ತು
VI (ವೊಡಾಫೋನ್ ಐಡಿಯಾ) ಗೆ ದೂರಸಂಪರ್ಕ ಇಲಾಖೆಯಿಂದ 26 ಗಿಗಾಹೆರ್ಟ್ಜ್ (Ghz) ​​ನಂತಹ ಅಧಿಕ ಆವರ್ತನದ ಬ್ಯಾಂಡ್‌ಗಳನ್ನು ಹಂಚಲಾಗಿದೆ. ಅಲ್ಲದೆ, ಸಾಂಪ್ರದಾಯಿಕ 3.5 GHz ಸ್ಪೆಕ್ಟ್ರಮ್ ಬ್ಯಾಂಡ್ ಅನ್ನು 5G ನೆಟ್‌ವರ್ಕ್‌ಗಳ ಪ್ರಯೋಗಗಳಿಗಾಗಿ ಹಂಚಲಾಗಿದೆ.

ಟ್ರಯಲ್ ಗೆ ಅನುಮತಿ ನೀಡಿದ ಟೆಲಿಕಾಂ ಇಲಾಖೆ
Reliance Jio, Bharti Airtelಹಾಗೂ Idea-Vodafone ಅರ್ಜಿಗಳನ್ನು ಮೇ ತಿಂಗಳಲ್ಲಿ ದೂರಸಂಪರ್ಕ ಇಲಾಖೆ (DoT) ಅನುಮೋದಿಸಿದೆ. ಇದರ ನಂತರ MTNL ಅರ್ಜಿಯನ್ನು ಅನುಮೋದಿಸಲಾಗಿದೆ. 5G ಪ್ರಯೋಗಕ್ಕೆ ಟೆಲಿಕಾಂ ಕಂಪನಿಗಳಿಗೆ 6 ತಿಂಗಳ ಕಾಲ ಅನುಮತಿ ನೀಡಲಾಗಿದೆ. ಇದರಲ್ಲಿ ಟೆಲಿಕಾಂ ಕಂಪನಿಗಳಾದ ಎರಿಕ್ಸನ್, ನೋಕಿಯಾ, ಸ್ಯಾಮ್ಸಂಗ್ ಮತ್ತು ಸಿ-ಡಾಟ್ ಸಹಯೋಗದೊಂದಿಗೆ 5 ಜಿ ಪ್ರಯೋಗಗಳನ್ನು ನಡೆಸಲಾಗುತ್ತಿದೆ. 

ಇದನ್ನೂ ಓದಿ- Coronavirus In India: ಭಾರತದಲ್ಲಿ ಕೊರೊನಾ ವೈರಸ್ ಅಂತ್ಯದ ಕುರಿತು ತಜ್ಞರು ನೀಡಿದ ಬೆಚ್ಚಿಬೀಳಿಸುವ ಮಾಹಿತಿ ಇದು

ಇತರ ಟೆಲಿಕಾಂ ಕಂಪನಿಗಳನ್ನು ಹಿಂದಿಕ್ಕಿದ Vi
VI ಗಿಂತ ಮೊದಲು, ರಿಲಯನ್ಸ್  ಮಾಲೀಕತ್ವದ ಜಿಯೊ ಟ್ರಯಲ್ ನಲ್ಲಿ 1 Gbps ಗರಿಷ್ಠ ವೇಗವನ್ನು ಸಾಧಿಸಿದೆ ಎಂದು ಜೂನ್ ನಲ್ಲಿ ಹೇಳಿಕೊಂಡಿತ್ತು. ಇದೇ ವೇಳೆ, ಭಾರತಿ ಏರ್‌ಟೆಲ್ ಕೂಡ ಜುಲೈನಲ್ಲಿ ಅದೇ ವೇಗವನ್ನು ಸಾಧಿಸಿದೆ ಎಂದು ಹೇಳಿಕೊಂಡಿದೆ. ಆದರೆ ಈಗ VI ಈ ಎರಡು ಕಂಪನಿಗಳನ್ನು ಮೀರಿ 3.7 Gbps ವೇಗವನ್ನು ಸಾಧಿಸಿದೆ. ರಿಲಯನ್ಸ್ ಜಿಯೋ ತನ್ನದೇ ತಂತ್ರಜ್ಞಾನವನ್ನು 5 ಜಿ ಪ್ರಯೋಗಗಳಿಗಾಗಿ ಬಳಸುತ್ತಿದೆ ಎಂಬುದು ಇಲ್ಲಿ ಗಮನಾರ್ಹ.

ಇದನ್ನೂ ಓದಿ-ಮಕ್ಕಳ ಪಾಲಿಗೆ ಮಹತ್ವದ ಸುದ್ದಿ ಪ್ರಕಟ, ಈ ವ್ಯಾಕ್ಸಿನ್ ಮಕ್ಕಳ ಮೇಲೆ ಪ್ರಭಾವಶಾಲಿ

ಎಲ್ಲಾ ಖಾಸಗಿ ಕಂಪನಿಗಳು 5ಜಿ ಸಿದ್ಧತೆಗಳನ್ನು ನಡೆಸುತ್ತಿವೆ
ಪ್ರಸ್ತುತ, ಭಾರತದ ಎಲ್ಲಾ ಟೆಲಿಕಾಂ ಕಂಪನಿಗಳು ಕೇವಲ 4G ಸೇವೆಯನ್ನು ಮಾತ್ರ ಒದಗಿಸುತ್ತಿದ್ದು, ಸಾಧ್ಯವಾದಷ್ಟು ಬೇಗ 5G ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳಲು ತಯಾರಿ ನಡೆಸುತ್ತಿವೆ. ಮತ್ತೊಂದೆಡೆ, ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಆಪರೇಟರ್ ಬಿಎಸ್‌ಎನ್‌ಎಲ್ ಇನ್ನೂ ಭಾರತದಾದ್ಯಂತ 4 ಜಿ ಸೇವೆಯನ್ನು ಬಿಡುಗಡೆ ಮಾಡಿಲ್ಲ.