ಅತ್ಯಂತ ಅಗ್ಗದ 7 ಸೀಟರ್ ಕಾರುಗಳು ಇವು ! ನಿಮ್ಮ ಕನಸಿನ ಗಾಡಿಯೂ ಇದರಲ್ಲಿದೆ

Affordable 7-Seater Cars: 5 ಕ್ಕಿಂತ ಹೆಚ್ಚು ಜನರನ್ನು ಹೊಂದಿರುವ ಕುಟುಂಬಗಳಿಗೆ 7-ಸೀಟರ್ ಕಾರುಗಳು ಉತ್ತಮ ಆಯ್ಕೆಯಾಗಿದೆ. ಈ ಕಾರುಗಳು ಸಾಮಾನ್ಯವಾಗಿ ದೊಡ್ಡದಾಗಿರುತ್ತವೆ ಮತ್ತು ಮೂರು ಸಾಲುಗಳನ್ನು ಹೊಂದಿರುತ್ತವೆ.

Affordable 7-Seater Cars : 5 ಕ್ಕಿಂತ ಹೆಚ್ಚು ಜನರನ್ನು ಹೊಂದಿರುವ ಕುಟುಂಬಗಳಿಗೆ 7-ಸೀಟರ್ ಕಾರುಗಳು ಉತ್ತಮ ಆಯ್ಕೆಯಾಗಿದೆ. ಈ ಕಾರುಗಳು ಸಾಮಾನ್ಯವಾಗಿ ದೊಡ್ಡದಾಗಿರುತ್ತವೆ ಮತ್ತು ಮೂರು ರೋಗಳನ್ನು (ಸಾಲುಗಳನ್ನು ) ಹೊಂದಿರುತ್ತವೆ. MPV (ಮಲ್ಟಿಪರ್ಪಸ್ ವೆಹಿಕಲ್), SUV (ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್) ಮತ್ತು ಮಿನಿವ್ಯಾನ್‌ನಲ್ಲಿ 7-ಸೀಟಿಂಗ್ ಲೇಔಟ್ ಅನ್ನು ಪಡೆಯುತ್ತೀರಿ. ಆದರೆ, ಬೇರೆ ಕಾರುಗಳಿಗೆ ಹೋಲಿಸಿದರೆ 7 ಸೀಟರ್ ಕಾರುಗಳು ತುಸು ದುಬಾರಿಯಾಗಿರುವ ಸಾಧ್ಯತೆ ಹೆಚ್ಚು. ದೇಶದಲ್ಲಿ ಅಗ್ಗದ 7 ಸೀಟರ್ ಕಾರುಗಳೂ ಇವೆ. ದೇಶದ ಅತ್ಯಂತ ಅಗ್ಗದ 7-ಸೀಟರ್ ಕಾರುಗಳು ಯಾವುವು ಎಂದು ನೋಡುವುದಾದರೆ.. 

1.ರೆನಾಲ್ಟ್ ಟ್ರೈಬರ್ : 
ಟ್ರೈಬರ್ ಮಾರುಕಟ್ಟೆಯಲ್ಲಿ ಹೆಚ್ಚು ಪಾಕೆಟ್ ಸ್ನೇಹಿ MPV ಮಾತ್ರವಲ್ಲದೆ ಇದು ಭಾರತದಲ್ಲಿ ರೆನಾಲ್ಟ್‌ನ ಹೆಚ್ಚು ಮಾರಾಟವಾಗುವ ಮಾದರಿಯಾಗಿದೆ. ಟ್ರೈಬರ್ 96Nm ಮತ್ತು 71bhp ಜೊತೆಗೆ 1-ಲೀಟರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುತ್ತದೆ. ಇದು 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಮತ್ತು 5-ಸ್ಪೀಡ್ AMT ಆಯ್ಕೆಯನ್ನು ಹೊಂದಿದೆ. ಗ್ಲೋಬಲ್ ಎನ್‌ಸಿಎಪಿ ಕ್ರ್ಯಾಶ್ ಟೆಸ್ಟ್‌ನಲ್ಲಿ ಇದು 4-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಇನ್ನು ಹತ್ತು ಹಲವು ಅಗತ್ಯ ವೈಶಿಷ್ಟ್ಯಗಳೂ ಇದರಲ್ಲಿ ಲಭ್ಯವಿವೆ. ಇದರ ಬೆಲೆ  6.34 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುತ್ತದೆ.

ಇದನ್ನೂ ಓದಿ : ವಿದ್ಯುತ್ ಬಿಲ್ ಉಳಿಸುವ ಸುಲಭ ಮಾರ್ಗಗಳು ಇವು ! ಇಂದೇ ಟ್ರೈ ಮಾಡಿ

2. ಮಾರುತಿ ಸುಜುಕಿ ಎರ್ಟಿಗಾ/ಟೊಯೋಟಾ ರೂಮಿಯಾನ್ :
ಎರ್ಟಿಗಾ ದೇಶದಲ್ಲಿ ಅತಿ ಹೆಚ್ಚು ಮಾರಾಟವಾಗುವ MUV ಆಗಿದೆ. ಟೊಯೊಟಾ ರೂಮಿಯಾನ್ ಇದನ್ನು ಆಧರಿಸಿದೆ. ಇವೆರಡೂ 102bhp ಮತ್ತು 136.8Nm ಜನರೇಟ್ ಮಾಡುವ  1.5-ಲೀಟರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುತ್ತವೆ. ಇವುಗಳು ಪ್ಯಾಡಲ್ ಶಿಫ್ಟರ್‌ಗಳೊಂದಿಗೆ 5-ಸ್ಪೀಡ್ ಮ್ಯಾನುವಲ್ ಮತ್ತು 6-ಸ್ಪೀಡ್ ಟಾರ್ಕ್  ಕನ್ವರ್ಟರ್ ಆಟೋಮ್ಯಾಟಿಕ್   ಗೇರ್‌ಬಾಕ್ಸ್‌ನ ಆಯ್ಕೆಯನ್ನು ಹೊಂದಿವೆ. ಎರ್ಟಿಗಾ ಬೆಲೆ 8.64 ಲಕ್ಷದಿಂದ ಪ್ರಾರಂಭವಾಗುತ್ತದೆ ಮತ್ತು ರೂಮಿಯಾನ್ ಬೆಲೆ  10.29 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುತ್ತದೆ.

3. ಮಹೀಂದ್ರ ಬೊಲೆರೊ/ಬೊಲೆರೊ ನಿಯೋ :
ಬೊಲೆರೊ ನಿಯೋ ಅತ್ಯಂತ ಕೈಗೆಟುಕುವ 7- ಸೀಟರ್ ಡೀಸೆಲ್ SUV ಆಗಿದೆ. ಇದು ಬಾಡಿ-ಆನ್-ಫ್ರೇಮ್ SUV ಆಗಿದೆ. ಇದರಲ್ಲಿ ಕೇವಲ ಒಂದು ಡೀಸೆಲ್ ಎಂಜಿನ್ ಆಯ್ಕೆ ಲಭ್ಯವಿದೆ. ಇದು 1.5-ಲೀಟರ್ ಡೀಸೆಲ್ ಯೂನಿಟ್ ಆಗಿದೆ. ಇದು 99bhp ಮತ್ತು 260Nm ಜನರೇಟ್ ಮಾಡುತ್ತದೆ. ಇದು 5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಅನ್ನು ಹೊಂದಿದೆ. ಆದರೆ, ಬೊಲೆರೊ mHawk D75 1.5 ಲೀಟರ್ ಡೀಸೆಲ್ ಅನ್ನು ಹೊಂದಿದೆ. ಇದು 76 PS ಮತ್ತು 210 Nm ಅನ್ನು ಉತ್ಪಾದಿಸುತ್ತದೆ. ಇದು 5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಅನ್ನು ಸಹ ಹೊಂದಿದೆ. ಬೊಲೆರೊ ನಿಯೊ ಬೆಲೆ 9.63 ಲಕ್ಷದಿಂದ ಆರಂಭವಾಗುತ್ತದೆ. ಬೊಲೆರೊ ಬೆಲೆ 9.78 ಲಕ್ಷದಿಂದ ಪ್ರಾರಂಭವಾಗುತ್ತದೆ.

ಇದನ್ನೂ ಓದಿ : ಫೋನ್ ನಲ್ಲಿ ಪದೇ ಪದೇ ಬರುವ ಜಾಹೀರಾತುಗಳಿಂದ ತಲೆ ಚಿಟ್ಟು ಹಿಡಿದಿದೆಯಾ? ಈ ಸಣ್ಣ ಸೇಟ್ಟಿಂಗ್ ಮಾಡ್ಕೊಳ್ಳಿ ಸಾಕು!