ಸರ್ಕಾರದ ಒಳಮೀಸಲಾತಿ ಪ್ರಸ್ತಾವನೆಯು ಅಸಂವಿಧಾನಿಕ ಮತ್ತು ಮೋಸದ ಉದ್ದೇಶವಾಗಿದೆ ಎಂದು ಕೆಪಿಸಿಸಿ ಪ್ರಚಾರ ಸಮಿತಿಯ ರಾಜ್ಯ ಸಹ ಅಧ್ಯಕ್ಷ ಹೆಚ್ ಪಿ ಸುಧಾಮ್ ದಾಸ್ ಆರೋಪಿಸಿದರು. ಅಲ್ಲದೇ ಜಗದೀಶ್ ಶೆಟ್ಟರ್ ಅವರು ತಮ್ಮ ಆತ್ಮ ಗೌರವಕ್ಕಾಗಿ ಪಕ್ಷವನ್ನ ತೊರೆದು ನಂಬಿದವರಿಗಾಗಿ ಕಾಂಗ್ರೆಸ್ ಪಕ್ಷವನ್ನ ಸೇರಿದ್ದಾರೆ ಎಂದು ಶೆಟ್ಟರ್ ಪರವಾಗಿ ಬ್ಯಾಟ್ ಬೀಸಿದ್ದಾರೆ. ಜೊತೆಗೆ ಯಡಿಯೂರಪ್ಪನವರ ಆಪ್ತರ ಮೇಲೆ CBI ಮತ್ತು EDಯಲ್ಲಿ ಕಡತ ತಯಾರಿಸಿದ್ದು, ಯಡಿಯೂರಪ್ಪ ರವರನ್ನು ಭಯದ ಬಂಧನದಲ್ಲಿ ಬಿಜೆಪಿ ನಾಯಕರುಗಳೇ ಇಟ್ಟಿದ್ದಾರೆ ಎಂದು ಸುಧಾಮ್ ದಾಸ್ ಬಾಂಬ್ ಸಿಡಿಸಿದ್ದಾರೆ.
