Men Skincare Tips: പുരുഷന്മാര്‍ക്കും വേണം സൗന്ദര്യ സംരക്ഷണം, തിളങ്ങുന്ന ചർമ്മത്തിന് ഈ 5 കാര്യങ്ങള്‍ ശ്രദ്ധിക്കുക

Men Skincare Tips: സ്ത്രീകളുടെ ചർമ്മം പൊതുവെ മൃദുവാണ്. സ്ത്രീകളുടെ ചർമ്മത്തെ അപേക്ഷിച്ച് പുരുഷന്മാരുടേതിന് ദൃഢത കൂടുതലായതിനാൽ സ്ത്രീകളുടെ സൗന്ദര്യ വര്‍ദ്ധക വസ്തുക്കളൊന്നും പുരുഷന്മാർക്ക് ഉപകാരപ്പെടാറില്ല

Grooming Tips for Men: സൗന്ദര്യ സംരക്ഷണമെന്നാൽ സ്ത്രീകള്‍ക്ക് മാത്രമുള്ളതാണോ? അല്ലേയല്ല, ഇന്ന് സ്ത്രീകളെപ്പോലെ തന്നെ ചർമ്മ സംരക്ഷണത്തിലും വിവിധ ഹെയർ സ്റ്റൈലുകൾ പരീക്ഷിക്കുന്നതിലും പുരുഷന്മാരും മുന്നിലാണ്. കൂടാതെ, സ്ത്രീകളെപ്പോലെ സൗന്ദര്യ പ്രശ്നങ്ങള്‍ പുരുഷന്മാർക്കും ഉണ്ടാകാറുണ്ട്. 

സ്ഥിരം ടൂവീലറുകളിൽ യാത്ര ചെയ്യുന്നവർക്കും  സൈറ്റില്‍ ജോലി ചെയ്യുന്നവർക്കും ചർമ്മ പ്രശ്നങ്ങൾ വളരെ കൂടുതലായി കണ്ടു വരാറുണ്ട്. ഇത്തരം ആളുകള്‍ സമയം ദിവസവും തങ്ങളുടെ ചര്‍മ്മത്തിന്‍റെ സംരക്ഷണം ശ്രദ്ധിക്കേണ്ടത് അനിവാര്യമാണ്. 

ആരോഗ്യവും തിളക്കവും ഭംഗിയുമുള്ള ചർമ്മമാണ് സൗന്ദര്യത്തിന്‍റെ അടിസ്ഥാന ഘടകം. സ്ത്രീകൾക്കെന്നപോലെ പുരുഷന്മാർക്കും ഇത് ബാധകമാണ്. സൗന്ദര്യ പ്രശ്നങ്ങൾ ഇരു കൂട്ടർക്കും ഉണ്ടെങ്കിലും സ്ത്രീകളുടെയും പുരുഷൻമാരുടെയും ചർമ്മത്തിന്‍റെ ഘടനയിൽ ധാരാളം വ്യത്യാസങ്ങളുണ്ട്. അതിനാല്‍ സ്ത്രീകളുടെയും പുരുഷൻമാരുടെയും ചർമ്മ സംരക്ഷണ രീതികളും വ്യത്യസ്തമാണ്. 

സ്ത്രീകളുടെ ചർമ്മം പൊതുവെ മൃദുവാണ്. സ്ത്രീകളുടെ ചർമ്മത്തെ അപേക്ഷിച്ച് പുരുഷന്മാരുടേതിന് ദൃഢത കൂടുതലായതിനാൽ സ്ത്രീകളുടെ സൗന്ദര്യ വര്‍ദ്ധക വസ്തുക്കളൊന്നും പുരുഷന്മാർക്ക് ഉപകാരപ്പെടാറില്ല.  പുരുഷന്മാരുടെ ചർമ്മസംരക്ഷണം ഇന്ന് ഹെർബൽ സോപ്പിലും ക്രീമിലും മാത്രം ഒതുക്കിയിട്ടില്ല. ഇന്നത്തെ പ്രത്യേക ജീവിതശൈലി, വർദ്ധിച്ചുവരുന്ന ചൂട്, മലിനീകരണം എന്നിവ പുരുഷന്മാർക്ക് തങ്ങളുടെ ആരോഗ്യത്തില്‍ മാത്രമല്ല ചര്‍മ്മത്തിന്‍റെ കാര്യത്തിലും കൂടുതല്‍ ശ്രദ്ധിക്കാന്‍ പ്രേരിപ്പിക്കുന്നു. ഇന്ന് പുരുഷന്മാർ അവരുടെ ചർമ്മത്തിന്‍റെ ആവശ്യങ്ങളെക്കുറിച്ച് കൂടുതൽ ബോധവാന്മാരാണ്.

നിങ്ങളുടെ ദൈനംദിന ചർമ്മ ദിനചര്യകൾ നോക്കുമ്പോള്‍  പുരുഷന്മാര്‍ ചില  ചർമ്മസംരക്ഷണ കാര്യങ്ങള്‍  പരിശീലിക്കുന്നത് അത്യന്താപേക്ഷിതമാണ്. വളരെ ലളിതമായ ഇവ ശീലിക്കുന്നത് നിങ്ങളുടെ ചര്‍മ്മത്തിന് ഗുണം നല്‍കും.  നിങ്ങളുടെ ദിനചര്യയില്‍ ഉള്‍പ്പെടുത്തേണ്ട ചില പ്രധാന കാര്യങ്ങള്‍ ചുവടെ 

ദിവസവും രണ്ടു നേരം കുളിയ്ക്കുക 

തിരക്കേറിയ ജീവിതശൈലിയോ, തീവ്രമായ ജോലി സമ്മർദ്ദമോ ദൈനംദിന സമ്മർദ്ദമോ ആകട്ടെ, നിങ്ങളുടെ പ്രഭാതം പുതുതായി ആരംഭിക്കുന്നതിനോ നീണ്ട ദിവസത്തിന് ശേഷം വിശ്രമിക്കുന്നതിനോ ഉള്ള ആദ്യപടിയാണ് ഒരു കുളി. ഇത്  ദൈനംദിന പ്രശ്നങ്ങളില്‍ നിന്ന് വിട്ടുനിൽക്കാനും വിശ്രമിക്കാനും സഹായിക്കുന്നു.  

സൺസ്ക്രീൻ

സൺസ്ക്രീൻ വീട്ടിൽ നിന്ന് പുറത്ത് ഇറങ്ങുമ്പോള്‍ മാത്രമല്ല, പകല്‍ സമയങ്ങളില്‍ സൺസ്ക്രീൻ ഉപയോഗിക്കുന്നത് ആവശ്യമാണ്. സൺസ്‌ക്രീൻ പുരട്ടുന്നത് ദോഷകരമായ മലിനീകരണത്തിൽനിന്ന് ചര്‍മ്മത്തിന് സംരക്ഷണത്തിന്‍റെ ഒരു അധിക പാളികൂടി നല്‍കുന്നു. നിങ്ങളുടെ സൺസ്‌ക്രീൻ എണ്ണമയമില്ലാത്തതും നിങ്ങളുടെ ചർമ്മത്തിന് അനുയോജ്യവുമാണെന്ന് ഉറപ്പാക്കുക.

സമീകൃതാഹാരം

ശരിയായി കഴിക്കുക, ശരിയാണെന്ന് തോന്നുന്നത് കഴിയ്ക്കുക, ധാതുക്കളും വിറ്റാമിനുകളും അടങ്ങിയ ഭക്ഷണക്രമം നിങ്ങളെ ആരോഗ്യത്തോടെ നിലനിർത്തും. ഫ്രഷ് ജ്യൂസുകൾ, പഴങ്ങൾ, പച്ചക്കറികൾ എന്നിവയിൽ ആന്റിഓക്‌സിഡന്റുകൾ കൂടുതലുള്ളതിനാൽ ഭക്ഷണത്തിനിടയിൽ നല്ല ഫില്ലറായി ഇവ പ്രവർത്തിക്കുന്നു

ഹൈഡ്രേറ്റ്

നിങ്ങളെയും നിങ്ങളുടെ ചർമ്മത്തെയും എപ്പോഴും ജലാംശമുള്ളതാക്കി നിലനിർത്തുക. നിർജ്ജലീകരണം ഒഴിവാക്കാൻ ധാരാളം വെള്ളം കുടിക്കേണ്ടത് അത്യാവശ്യമാണ്. കൊഴുപ്പുള്ള ചർമ്മം തടയാൻ, പകൽ സമയത്ത് ചർമ്മത്തിന് ഈർപ്പവും പ്രകാശവും നിലനിർത്താൻ നേരിയ മോയ്സ്ചറൈസർ പുരട്ടുക. മോശം വായുവിന്‍റെഗുണനിലവാരം കാരണം നിങ്ങളുടെ ചർമ്മം പൊട്ടുന്നത് ഒരു ഹൈഡ്രേറ്റിംഗ് മോയ്സ്ചറൈസർ തടയും

വ്യായാമം 

നിങ്ങളുടെ ദിനചര്യയിൽ ചില വ്യായാമങ്ങള്‍  ചേർക്കുന്നത് നിങ്ങളുടെ ഊർജം വർധിപ്പിക്കാനും നിങ്ങളെയും നിങ്ങളുടെ ചർമ്മത്തെയും മികച്ചതാക്കുന്ന എൻഡോർഫിനുകൾ പുറത്തുവിടാനും സഹായിക്കും! ജിമ്മിൽ മാത്രമല്ല, ഒരു ചെറിയ കാൽനടയാത്രയോ തണുത്ത ഷവറോ നിങ്ങളുടെ മാനസികാവസ്ഥ ഉയർത്താനും നിങ്ങളുടെ പുതുമ വർദ്ധിപ്പിക്കാനും സഹായിക്കും!

ചർമ്മത്തെ നേരത്തെയുള്ള വാർദ്ധക്യം അല്ലെങ്കിൽ നിറം മങ്ങൽ എന്നിവയിൽ നിന്ന് സംരക്ഷിക്കാൻ ഒരു ചർമ്മസംരക്ഷണ ദിനചര്യ ഇപ്പോൾ എല്ലാവർക്കും അനിവാര്യമാണ്. മുകളില്‍ പറഞ്ഞ നടപടികള്‍ പാലിക്കുന്നത് വഴി നിങ്ങളുടെ ചര്‍മ്മം എന്നും തിളക്കമുള്ളതായി നിലകൊള്ളും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy