സമ്മർദ്ദം ഉണ്ടാകുമ്പോൾ അമിതമായി ഭക്ഷണം കഴിക്കാനുള്ള ത്വര ഉണ്ടാകുന്നുണ്ടോ? വ്യത്യസ്‌ത ആളുകൾക്ക് സമ്മർദ്ദത്തോട് വ്യത്യസ്‌ത പ്രതികരണങ്ങളായിരിക്കും. ചിലർ അമിതമായി ചിന്തിക്കാൻ തുടങ്ങുകയും ഒരു ജോലിയും പൂർത്തിയാക്കാൻ കഴിയാതെ വരികയും ചെയ്യുന്നു. ചില ആളുകൾ ഭക്ഷണം കഴിക്കുന്നത് നിർത്തുന്നു, ചില ആളുകൾ അമിതമായി ഭക്ഷണം കഴിക്കാനും ആ ഭക്ഷണങ്ങൾ കഴിക്കുമ്പോൾ സമ്മർദ്ദം കുറയുന്നതായും തോന്നുന്നു.
എന്നാൽ, സമ്മർദ്ദം ഉണ്ടാകുമ്പോൾ കഴിക്കുന്ന ഭക്ഷണങ്ങൾ വിചാരിക്കുന്നത്ര ആശ്വാസകരമാകണമെന്നില്ല. ബർമിംഗ്ഹാം സർവകലാശാലയിലെ വിദഗ്ധരാണ് ഇക്കാര്യത്തിൽ പഠനം നടത്തിയത്. കൊഴുപ്പ് കൂടുതലുള്ള ഭക്ഷണം ഒരു വ്യക്തിയുടെ മാനസികാവസ്ഥയെ വഷളാക്കുകയും സമ്മർദ്ദത്തിന്റെ അളവ് വർധിപ്പിക്കുകയും ചെയ്യും. മാത്രമല്ല, തലച്ചോറിലേക്കുള്ള ഓക്സിജൻ വിതരണത്തിനുള്ള രക്തക്കുഴലുകളുടെ പ്രവർത്തനം കുറയുകയും ചെയ്യും. സമ്മർദ്ദം ലഘൂകരിക്കുന്നതിനുപകരം സമ്മർദ്ദം വർധിപ്പിക്കാൻ സാധ്യതയുള്ള ഭക്ഷണങ്ങൾ ഏതെല്ലാമാണെന്ന് നോക്കാം.
പഞ്ചസാര അടങ്ങിയ ഭക്ഷണങ്ങൾ: മധുരമുള്ള ലഘുഭക്ഷണങ്ങൾ കഴിക്കുന്നത് സമ്മർദ്ദത്തിൽ നിന്ന് താൽക്കാലിക ആശ്വാസം നൽകും. എന്നാൽ തുടർന്നുള്ള രക്തത്തിലെ പഞ്ചസാരയുടെ വർധനവ് സമ്മർദ്ദം ഉയർത്തും. ശരീരത്തിൽ പഞ്ചസാരയുടെ അളവ് ഉയരുന്നത് മൂഡ് മാറുന്നതിനും ഉത്കണ്ഠ വർധിപ്പിക്കുന്നതിനും കാരണമാകും.
സംസ്‌കരിച്ച ഭക്ഷണങ്ങൾ: ചിപ്‌സ്, ബേക്ക്ഡ് ഫുഡ്സ് തുടങ്ങിയ സംസ്‌കരിച്ച ഭക്ഷണങ്ങളിൽ പലപ്പോഴും അനാരോഗ്യകരമായ ട്രാൻസ്, അമിതമായ ഉപ്പ് എന്നിവ അടങ്ങിയിട്ടുണ്ട്. ഇവ മാനസികാവസ്ഥയെയും ഊർജ്ജ നിലയെയും പ്രതികൂലമായി ബാധിച്ചേക്കാം, ആത്യന്തികമായി ഇവ സമ്മർദ്ദം വർധിപ്പിക്കും.
ALSO READ: ഗർഭകാലത്തെ പ്രമേഹം; രക്തത്തിലെ പഞ്ചസാരയുടെ അളവ് നിയന്ത്രിക്കും ഈ ഭക്ഷണങ്ങൾ
കഫീൻ അമിതമായി കഴിക്കുന്നത്: ഒരു കപ്പ് കാപ്പി പെട്ടെന്ന് ഊർജം പ്രദാനം ചെയ്യുമെങ്കിലും, അമിതമായി കഫീൻ കഴിക്കുന്നത് അസ്വസ്ഥതയ്ക്കും ഹൃദയമിടിപ്പ് വർധിപ്പിക്കുന്നതിനും ഇടയാക്കും. അസ്വസ്ഥതയുടെയും സമ്മർദ്ദത്തിന്റെയും വികാരങ്ങൾ വർധിപ്പിക്കുന്നു. ഈ പ്രതികൂല ഫലങ്ങൾ ഒഴിവാക്കുന്നതിന് അമിതമായി കഫീൻ കഴിക്കുന്നത് ഒഴിവാക്കണം.
കാർബോഹൈഡ്രേറ്റുകൾ: കാർബോഹൈഡ്രേറ്റുകൾ ഊർജത്തിന്റെ പ്രാഥമിക സ്രോതസാണെങ്കിലും വൈറ്റ് ബ്രെഡ് അല്ലെങ്കിൽ പാസ്ത പോലുള്ള ശുദ്ധീകരിച്ച കാർബോഹൈഡ്രേറ്റുകൾ തിരഞ്ഞെടുക്കുന്നത് രക്തത്തിലെ പഞ്ചസാരയുടെ അളവിൽ ദ്രുതഗതിയിലുള്ള വർധനവിന് ഇടയാക്കും.
കൊഴുപ്പ് അടങ്ങിയ ഭക്ഷണങ്ങൾ: പൂരിത കൊഴുപ്പ് കൂടുതലുള്ള ഭക്ഷണങ്ങൾ, വറുത്ത ഭക്ഷണങ്ങൾ, മാംസത്തിൽ അടങ്ങിയിരിക്കുന്ന കൊഴുപ്പ് എന്നിവ താൽക്കാലിക സംതൃപ്തി നൽകിയേക്കാം, പക്ഷേ അവ മൊത്തത്തിലുള്ള ക്ഷേമത്തെ പ്രതികൂലമായി ബാധിക്കും. ഉയർന്ന കൊഴുപ്പുള്ള ഭക്ഷണക്രമം വീക്കം, സമ്മർദ്ദത്തിന്റെ അവസ്ഥ എന്നിവ വഷളാക്കാൻ സാധ്യതയുണ്ട്.
സമ്മർദ്ദമുണ്ടാക്കുന്ന ഭക്ഷണങ്ങൾക്കുപകരം, ആരോഗ്യകരമായ ബദലുകൾ പരിഗണിക്കുക. പഴങ്ങൾ, പച്ചക്കറികൾ, ലീൻ പ്രോട്ടീനുകൾ എന്നിവ പോലുള്ള പോഷകങ്ങളാൽ സമ്പന്നമായ ഭക്ഷണങ്ങൾ തിരഞ്ഞെടുക്കുക. ഡാർക്ക് ചോക്ലേറ്റ്, മിതമായ അളവിൽ കഴിക്കുന്നത് സമ്മർദ്ദം കുറയ്ക്കാൻ സഹായിക്കും.
സമ്മർദ്ദകരമായ സമയങ്ങളിൽ ശാരീരികവും മാനസികവുമായ ക്ഷേമം നിലനിർത്തുന്നതിന് ഭക്ഷണം തിരഞ്ഞെടുക്കുന്നതിൽ ശ്രദ്ധാലുവായിരിക്കുക എന്നത് നിർണായകമാണ്. സമ്മർദ്ദം ഉണ്ടാക്കുന്ന ഭക്ഷണങ്ങളെക്കാൾ പോഷകപ്രദമായ ഓപ്ഷനുകൾ തിരഞ്ഞെടുക്കുന്നതിലൂടെ, വ്യക്തികൾക്ക് അവരുടെ മൊത്തത്തിലുള്ള ആരോഗ്യത്തെ മികച്ചതാക്കാനും സമ്മർദ്ദം വരുത്തുന്ന വെല്ലുവിളികളെ മികച്ച രീതിയിൽ കൈകാര്യം ചെയ്യാനും കഴിയും.
കുറിപ്പ്: ലേഖനം പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
