Ratan Tata: 'അദ്ദേഹത്തിന്റെ ദീർഘവീക്ഷണവും നേതൃപാടവവും ഇന്ത്യൻ വ്യവസായത്തെ ഏറെ സ്വാധീനിച്ചു'; രത്തൻ ടാറ്റയെ അനുസ്മരിച്ച് ഡോ. സുഭാഷ് ചന്ദ്ര

വ്യവസായ രംഗത്തെ അതികായകൻ രത്തൻ ടാറ്റയ്ക്ക് അനുശോചനമറിയിച്ച് എസ്സൽ ​ഗ്രൂപ്പ് ചെയർമാൻ ഡോ. സുഭാഷ് ചന്ദ്ര.

ടാറ്റയുടെ മുൻ അമരക്കാരനും വ്യവസായ രംഗത്തെ അതികായകനുമായ രത്തൻ ടാറ്റയുടെ മരണത്തിൽ അനുശോചനമറിയിച്ച്  എസ്സൽ ​ഗ്രൂപ്പ് ചെയർമാൻ ഡോ. സുഭാഷ് ചന്ദ്ര. രത്തൻ ടാറ്റയുടെ വിയോ​ഗ വാർത്ത തന്നെ ഏറെ ​ദു:ഖത്തിലാഴ്ത്തിയെന്നും അദ്ദേഹത്തിന്റെ പ്രവർത്തനങ്ങൾ എല്ലാക്കാലത്തും ഓർമ്മിക്കപ്പെടുമെന്നും സമൂഹമാധ്യമമായ എക്സിൽ കുറിച്ചു. 

അദ്ദേഹത്തിന്റെ ദീർഘവീക്ഷണവും നേതൃപാടവവും ഇന്ത്യൻ വ്യവസായത്തിൽ ചെലുത്തിയ സ്വാധീനം വളരെ വലുതാണ്. കോർപ്പറേറ്റ് വിഷയങ്ങളിൽ അദ്ദേഹവുമായി പതിവായി ഇടപഴകിയിരുന്നതായും അദ്ദേഹത്തിന്റെ സാമൂഹിക പ്രതിബന്ധതയും പ്രവർത്തനങ്ങളും എല്ലാക്കാലത്തും ഓ‍ർമ്മിക്കപ്പെടുമെന്നും സുഭാഷ് ചന്ദ്ര കുറിച്ചു. 

I'm deeply saddened to know about #Ratan ji’s demise.His visionary leadership & impact on Indian industry were profound.I regularly interacted with him on corporate issues & will always cherish his legacy of innovation & social responsibility. My condolences to his family.

— Subhash Chandra (@subhashchandra) October 10, 2024

മുംബൈയിലെ ബ്രീച്ച് കാൻഡി ആശുപത്രിയിലായിരുന്നു അന്ത്യം. രക്തസമ്മ‍‍ർദ്ദം കുറഞ്ഞതിനെ തുടർന്നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. ആരോഗ്യനില ഭേദമാണെന്ന് ടാറ്റാ ഗ്രൂപ്പ് കഴിഞ്ഞ ദിവസം അറിയിച്ചിരുന്നുവെങ്കിലും പിന്നീട് ആരോഗ്യനില വഷളാവുകയായിരുന്നു. പൊതുദ‍‍‍ർശനത്തിന് ശേഷം മൃതദേഹം മുംബൈയിലെ വർളിയിലുള്ള പാഴ്സി സെമിത്തേരിയിൽ വൈകുന്നേരം 4 മണിയോടെ സംസ്കരിക്കും.