ന്യൂഡൽഹി: Swachh Bharat Mission: സ്വച്ഛ് ഭാരത് ഭാരത് മിഷൻ അർബൻ 2.0, അമൃത് 2.0 തുടങ്ങിയ പദ്ധതികളുടെ ഉദ്ഘാടനം പ്രധാനമന്ത്രി നരേന്ദ്ര മോദി (PM Modi) ഇന്ന് നിർവഹിക്കും. ഉദ്ഘാടന പരിപാടികൾ ഡൽഹിയിലെ ഡോ. അംബേദ്കർ ഇന്റർനാഷണൽ സെന്ററിൽ രാവിലെ 11 മണിക്ക് നടക്കും.
പദ്ധതിയുടെ ലക്ഷ്യം എന്നുപറയുന്നത് രാജ്യത്തെ എല്ലാ നഗരങ്ങളെയും മാലിന്യരഹിതവും ജല സംരക്ഷണവുമാണ്. ചടങ്ങിൽ പാർപ്പിട, നഗരകാര്യ മന്ത്രി ഹർദീപ് സിംഗ് പുരിയും സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും നഗരവികസന മന്ത്രിമാരും പങ്കെടുക്കും.
രാജ്യത്തെ അതിവേഗം നഗരവൽക്കരിക്കുന്നതിന്റെ വെല്ലുവിളികളെ ഫലപ്രദമായി അഭിമുഖീകരിക്കുന്നതിനുള്ള മുന്നേറ്റത്തെ സൂചിപ്പിക്കുന്നതാണ് ഈ രണ്ട് പദ്ധതികളുമെന്നും പ്രധാനമന്ത്രിയുടെ ഓഫീസ് (PM Modi) അറിയിച്ചു.
സ്വച്ഛ് ഭാരത് (Swachh Bharat), അമൃത് മിഷനുകൾ കഴിഞ്ഞ 6-7 വർഷങ്ങളിൽ ആളുകളുടെ ജീവിതത്തിൽ പരിവർത്തനപരമായ മാറ്റങ്ങൾ കൊണ്ടുവന്നു. ഈ രണ്ട് ദൗത്യങ്ങളും ശാസ്ത്രീയ സമീപനം സ്വീകരിച്ച് രാജ്യത്തെ നഗര ഭൂപ്രകൃതി മെച്ചപ്പെടുത്തി.
2030 ലെ സുസ്ഥിര വികസന ലക്ഷ്യങ്ങൾ കൈവരിക്കുന്നതിന് പദ്ധതികൾ സഹായകരമാകും പദ്ധതിയുടെ ഭാഗമായി നഗരങ്ങളിലെ ഖരമാലിന്യങ്ങളുടെ ശാസ്ത്രീയ സംസ്‌കരണം, മാലിന്യ നിക്ഷേപത്തിന് പുതിയ രീതികൾ എന്നിവയിൽ പ്രത്യേക ശ്രദ്ധ കേന്ദ്രീകരിക്കും.
അമൃത് 2.0 ദൗത്യം നഗരങ്ങളെ സ്വയംപര്യാപ്തമാക്കുകയും ജലസുരക്ഷ ഉറപ്പാക്കുകയും ചെയ്യും. ഏകദേശം 4,700 നഗര തദ്ദേശ സ്ഥാപനങ്ങളിലെ 2.68 കോടി ടാപ്പ് കണക്ഷനുകളും, 500 AMRUT നഗരങ്ങളിൽ 100% മലിനജലവും സെപ്റ്റേജും 100% കവറേജ് നൽകി ഏകദേശം 2.64 കോടി sewer/ septage കണക്ഷനുകൾ നൽകിക്കൊണ്ട് ഈ ദൗത്യം ലക്ഷ്യമിടുന്നു.
ഇതിലൂടെ നഗരപ്രദേശങ്ങളിലെ 10.5 കോടിയിലധികം ആളുകൾക്ക് പ്രയോജനം ലഭിക്കും. അമൃത് 2.0 യുടെ ചെലവ് ഏകദേശം 2.87 ലക്ഷം കോടി രൂപയാണ്. അമൃത് 2.0 സർക്കുലർ സമ്പദ്‌വ്യവസ്ഥയുടെ തത്വങ്ങൾ സ്വീകരിക്കുകയും ഉപരിതലത്തിന്റെയും ഭൂഗർഭജലങ്ങളുടെയും സംരക്ഷണവും പുനരുജ്ജീവനവും പ്രോത്സാഹിപ്പിക്കുകയും ചെയ്യും.
Also Read: viral video: രാജവെമ്പാലയെ പിടിക്കാൻ ശ്രമിക്കുന്ന ആളുടെ നേർക്ക് പത്തിയുയർത്തി പാമ്പ്! കാണാം
'വൃത്തിയും വെടിപ്പുമുള്ള ഇന്ത്യ’യെന്ന സന്ദേശവുമായി ഭാരത സർക്കാർ നടപ്പിലാക്കിയ പദ്ധതിയാണ് സ്വച്ച് ഭാരത് അഭിയാൻ. പ്രധാനമന്ത്രി സ്വച്ച് ഭാരത് പദ്ധതി ഉദ്ഘാടനം ചെയ്തത് 2014 ൽ ഗാന്ധി ജയന്തി ദിനത്തിലാണ്. കേന്ദ്രസംസ്ഥാന സർക്കാരുകളുടെയും വിവിധ സംഘടനകളുടെയും വ്യവസായ സ്ഥാപനങ്ങളുടെയും സഹകരണത്തോടെയാണ് ഈ പദ്ധതി നടപ്പിലാക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
