വെള്ളിത്തിരയിലേക്കുള്ള അരങ്ങേറ്റം സൂപ്പർ ഹിറ്റാക്കിയ താരങ്ങൾ വളരെ കുറവാണ്. എന്നാൽ ആദ്യ ചിത്രത്തിലൂടെ ഹിറ്റ്‌ അടിച്ച് മലയാളികളുടെ മനം കവർന്ന നടിയാണ് അന്ന ബെൻ.
Anna Ben Latest Photos: പ്രശസ്ത തിരക്കഥാകൃത്തായ ബെന്നി പി നായരമ്പലത്തിന്റെ മകളാണ് അന്ന ബെൻ. എന്നാൽ ഇക്കാര്യം വെളിപ്പെടുത്താതെയാണ് അന്ന തന്റെ അരങ്ങേറ്റ ചിത്രമായ കുമ്പളങ്ങി നൈറ്റ്സിൽ അഭിനയിച്ചത്.
കാസ്റ്റിംഗ് കോൾ കണ്ടാണ് അന്ന കുമ്പളങ്ങി നൈറ്റ്സിന്റെ ഓഡീഷന് എത്തുന്നത്.
ഈ സമയം താൻ ബെന്നി പി നായരമ്പലത്തിൻ്റെ മകളാണെന്ന് അന്ന ആരോടും പറഞ്ഞില്ല.
നാല് റൗണ്ട് ഓഡീഷൻ പൂർത്തിയാക്കിയ ശേഷമാണ് അന്ന കുമ്പളങ്ങി നൈറ്റ്സിലേക്ക് സെലക്ട്‌ ചെയ്യപ്പെട്ടത്.
ചിത്രത്തിൽ തുടക്കക്കാരിയുടെ ഒരു പതറിച്ചയുമില്ലാതെയാണ് അന്ന അഭിനയിച്ചത്.
അരങ്ങേറ്റം ഗംഭീരമാക്കിയ അന്നയെ തേടി 2019ലെ മികച്ച നവാഗത നായികയ്ക്കുള്ള സൈമ അവാർഡ് എത്തി.
തൊട്ടടുത്ത വർഷം കപ്പേള എന്ന ചിത്രത്തിലെ പ്രകടനത്തിന് മികച്ച നടിയ്ക്കുള്ള സൈമ ക്രിട്ടിക്സ് അവാർഡും അന്ന സ്വന്തമാക്കി.
2021ലെ മികച്ച നടിയ്ക്കുള്ള സംസ്ഥാന ചലച്ചിത്ര അവാർഡും (കപ്പേള) അന്ന സ്വന്തമാക്കിയിരുന്നു.
