'हे' आहे तब्बूच्या चिरतरुण सौंदर्याचे रहस्य!

मुंबई : ४५ वर्षांची बॉलिवूड अभिनेत्री तब्बू अजूनही तितकीच सुंदर आणि तरुण दिसते. तिच्या या चिरतरुण सौंदर्याचे रहस्य तिने स्वतः सांगितले आहे.

सध्या तब्बू तिचा आगामी चित्रपट 'गोलमाल अगेन' च्या प्रमोशनसाठी 'द ग्रेट इंडियन लाफ्टर चायलेंज' मध्ये आली होती. या चित्रपटात तिच्यासोबत अजय देवगण, अर्शद वारसी, परिणीती चोपडा, श्रेयस तळपदे, कुणाल खेमू, तुषार कपूर असून या चित्रपटाचे दिगदर्शन रोहित शेट्टीने केले आहे. या कार्यक्रमादरम्यान तिला तिच्या सौंदर्याचे रहस्य विचारले. ते गुपित उलघडताना तिने सांगितले की, लग्न न करणे हे तिच्या सौंदर्याचे रहस्य आहे. 

स्टार प्लसच्या 'द ग्रेट इंडियन लाफ्टर चायलेंज' मध्ये अक्षय कुमार सुपर जज म्हणून असताना त्याने तब्बूला विचारले, "मी तुला खूप वर्षांपासून ओळखत आहे. अजूनही तू इतकी सुंदर आणि आकर्षक कशी दिसतेस? याचं रहस्य काय आहे?" यावर तब्बूने सांगितले की, "मी अशी आहे. कारण मी लग्न केले नाही."