संगमनेरमध्ये एसटीच्या भोंगळ कारभारामुळे विद्यार्थ्यांची गैरसोय

संगमनेर : एसटी महामंडळाच्या भोंगळ कारभाराचा फटका विद्यार्थ्यांना बसला आहे. संगमनेर तालुका एसटी डेपोतील हा प्रकार समोर आला आहे. सदर प्रकरणाबद्दल एका तरुणाने सर्व प्रकरणाबद्दल ट्वीट केले आहे. 

@zee24taasnews संगमनेर तालुका बस स्थानक येथील पास विभागाच्या संथ गतीने चाललेल्या कामा मुळे तासनतास रांगेत उभे राहून ही विद्यार्थ्यांना पास मिळेना. कॉलेज सोडून मुले दोन दिवसांपासून रांगेत उभे. pic.twitter.com/ksdDV0NeN3

— Amol Punekar (AP) (@PunekarAp) June 25, 2019

एसटीकडून विद्यार्थ्यांना देण्यात येणाऱ्या सवलत पाससाठी तब्बल दोन दिवसांपासून रांगेत ताटकळत उभे रहावे लागत आहे. एसटी महामंडळाकडून विद्यार्थ्यांना पासवर सवलत दिली जाते. एसटीच्या मासिक पासवर विद्यार्थ्यांना ६६.७ इतकी सवलत देण्यात येते.

एसटीच्या पास खिडकीवरुन संथ पद्धतीने काम केले जात आहे. त्यामुळे विद्यार्थ्यांना कॉलेज चुकवून पासच्या रांगेत उभे रहावे लागत आहे. काही विद्यार्थी गेल्या दोन दिवसांपासून पास मिळवण्यासाठी रांगेत उभे आहेत. त्यामुळे विद्यार्थ्यांना आपले शिक्षण बुडवून पाससाठी वेळ वाया घालवावा लागत आहे.