Online Exam : थेट जंगलातून विद्यार्थ्यांनी दिली ऑनलाईन परीक्षा

आशीष अम्बाडे, झी मीडिया, गडचिरोली : अतिदुर्गम मागास गडचिरोली जिल्ह्यातील विद्यापीठ परीक्षांचे धक्कादायक वास्तव समोर आले आहे. कोरची तालुक्यात इंटरनेट समस्या असल्याने चक्क जंगलात आणि घराच्या छतावर कव्हरेजसाठी विद्यार्थ्यांनी धावाधाव केली आहे. गडचिरोलीच्या गोंडवाना विद्यापीठातील विविध ऑनलाईन परीक्षांसाठी विद्यार्थी त्रस्त झाले आहेत. या परीक्षांसाठी मागास गडचिरोलीत वेगळी व्यवस्था करण्याची मागणी केली जात आहे. ऑनलाइन परीक्षांच्या घोळात विद्यार्थी ज्ञानाच्या बाबतीत मात्र ऑफलाईन राहतील अशी शंका वर्तवली जात आहे. .याबाबत वारंवार अधिकारी वर्गाला सांगूनही या भागातील इंटरनेट सोयी कमकुवत राहिल्या आहेत.