रेल्वेचा स्पीड वाढणार, लांब पल्ल्याच्या गाड्या कमी वेळात पोहोचविण्यासाठी मोठा निर्णय

Dedicated Freight Corridor:

Pravin Dabholkar | Oct 25, 2023, 11:02 AM IST

Dedicated Freight Corridor: आता जेएनपीटीची क्षमता दुप्पट करूनही रेल्वे केवळ 18 टक्के मालाची उचल करत आहे.

1/10

रेल्वेचा स्पीड वाढणार, लांब पल्ल्याच्या गाड्या कमी वेळात पोहोचविण्यासाठी मोठा निर्णय

Indian Railway Long distance trains to speed up dedicated freight corridor in Mumbai

Long distance train speed: रेल्वे प्रवाशांसाठी अत्यंत आनंदाची बातमी आहे. तुम्हाला लांब पल्ल्याचे अंतर गाठण्यासाठी खूप वेळ लागतो. पण आता अत्यंत कमी वेळात तुम्ही हे अंतर कापू शकणार आहात. भारतीय रेल्वेकडून यासंदर्भात महत्वाची अपडेट आली आहे.

2/10

वैतरणा ते जेएनपीटी

सामान्य ट्रॅकवरुन मालगाडी जात असेल तर तुमची ट्रेन बराचवेळ थांबून राहते. पण भारतीय रेल्वेचे विद्युतीकरण आणि पायाभूत सुविधा मजबूत करण्यासोबतच डेडिकेटेड फ्रेट कॉरिडॉर (DFC)तयार केला जात आहे. जेएनपीटी ते दादरी या 1506 किमी लांबीच्या कॉरिडॉरमधील मुख्य 109 किमी लांबीचा मार्ग वैतरणा ते जेएनपीटी तयार केला जात आहे.

3/10

मार्च 2024 काम होणार

हे काम मार्च 2024 पर्यंत पूर्ण होण्याची शक्यता आहे. यापूर्वी डिसेंबर 2023 मध्ये दादरी ते वैतरणापर्यंत पश्चिम डीएफसी सुरू होईल अशीही शक्यता वर्तवण्यात येत आहे. या विभागासाठी गेल्या वर्षी भिवंडीजवळ उल्हास नदीवर 80 मीटर लांबीचा हावडा ब्रिजसारखा पूल बांधण्यात आला.

4/10

कोपर ते ठाकुर्ली दरम्यान गर्डर

यानंतर कळंबोलीजवळ 110 मीटर लांबीचा पूल बांधण्यात येत आहे. यासोबतच विरारजवळ दोन मोठे बोगदे बांधण्यात आले असून त्यांची लांबी 430 मीटर आणि 320 मीटर आहे. आता गेल्या आठवड्यात कोपर ते ठाकुर्ली दरम्यानच्या आणखी एका रेल्वे ओव्हर ब्रिजसाठी 80 मीटर लांबीचा गर्डर टाकण्यात आला आहे.

5/10

45 टक्क्यांपर्यंत महसूल नेणार

देशातील 74 टक्के महसूल मालवाहतुकीतून मिळतो, पण वाहतूक व्यवसायात रेल्वेचा वाटा अजूनही 27 टक्के आहे. राष्ट्रीय रेल्वे योजनेंतर्गत हा वाटा 45 टक्क्यांपर्यंत असावा यासाठी रेल्वेचे प्रयत्न सुरु आहेत.

6/10

फ्रेट कॉरिडॉरचा फायदा

सामान्य ट्रॅकवर मालगाडीसाठी कंटेनर फक्त 4.26 मीटर पर्यंत उंच आहे, तर DFC मध्ये, डबल स्टॅक कंटेनर 7.1 मीटर उंच असेल. सामान्य ट्रॅकवर मालगाडीसाठी कंटेनरची रुंदी 3.2 मीटर आहे, तर DFC मध्ये ती 3.66 मीटर असेल.

7/10

मालवाहतूक क्षमता

सामान्य ट्रॅकवर मालगाडीची लांबी 700 मीटरपर्यंत असते, तर डीएफसीमध्ये ती दुप्पट ते 1500 मीटर असते. सामान्य मार्गावरील मालगाडी जास्तीत जास्त 5400 टन मालवाहतूक करू शकते, तर DFC वर धावणाऱ्या ट्रेनची मालवाहतूक क्षमता 13,000 टन असेल.

8/10

ट्रॅक टाकण्याचे काम सुरू

पूल आणि बोगद्याच्या बांधकामासोबतच ट्रॅक टाकण्याचे कामही सुरू आहे. दादरीपासून वैतरणापर्यंत अनेक भागात ट्रॅक टाकण्यात आला आहे. कारवाईही सुरू झाली आहे, मात्र जेएनपीटीमध्ये गदारोळ सुरू आहे. दादरी (उत्तर प्रदेश) आणि जेएनपीटी (मुंबई) दरम्यानचा हा 1506 किमी लांबीचा कॉरिडॉर तयार होण्यासाठी 15 वर्षे लागली. यापैकी ९३८ किमी कॉरिडॉरचा भाग कार्यान्वित झाला आहे.

9/10

82 टक्के मालाची वाहतूक रस्त्याने

कधीकाळी जेएनपीटी बंदरातून 30 टक्के मालाची वाहतूक रेल्वेने केली जात होती. कालांतराने भारतीय रेल्वेच्या मालवाहतुकीत घट झाली. आता जेएनपीटीची क्षमता दुप्पट करूनही रेल्वे केवळ 18 टक्के मालाची उचल करत आहे. उर्वरित 82 टक्के मालाची वाहतूक रस्ते वाहतुकीद्वारे केली जाते.

10/10

पॅसेंजर गाड्यांची वाहतूक सुलभ

देशातील सर्वात मोठ्या कंटेनर पोर्टद्वारे चौथ्या टर्मिनलचा दुसरा टप्पा आणि सेझ विकसित करण्यासाठी पीएम गति शक्ती प्रकल्पांतर्गत सुमारे 4,300 कोटी रुपयांची गुंतवणूक केली जाणार आहे. यामुळे पॅसेंजर गाड्यांची वाहतूकही सुलभ होईल.

पुढील
अल्बम

रेल्वेचा स्पीड वाढणार, लांब पल्ल्याच्या गाड्या कमी वेळात पोहोचविण्यासाठी मोठा निर्णय