Women IPL Auction : सांगलीच्या लेकिनं गाजवलं क्रिकेटचं मैदान; स्मृती मंधानाच्या यशाचे भागीदार कोण माहितीये?

Women IPL Auction : भारतीय पुरुष क्रिकेट संघ उल्लेखनीय कामगिरी करत असतानाच भारतीय महिला क्रिकेट संघातील मुलींनीही खऱ्या अर्थानं मैदान गाजवण्यास सुरुवात केली आहे. या संघातील एक नाव म्हणजे तरुणांच्या गळ्यातील ताईत आहे. हे नाव म्हणजे, क्रिकेटपटू स्मृती मंधानाचं. तिनं आणखी एक मजल मारलीये ती म्हणजे आयपीएलमध्ये कोट्यवधी रुपये कमवण्याची.  ऐतिहासिक महिला प्रीमियर लीग (WPL) साठीचा पहिला लिलाव मुंबईच्या जिओ कन्व्हेन्शन सेंटरमध्ये सुरु झाला. जिथं भारताची स्फोटक सलामीवीर स्मृती मंधाना 3.40 कोटी इतक्या घसघशीत रकमेत रॉयल चॅलेंजर्स बंगळुरू महिला संघाने विकत घेतलं.