'वॉर्नरची लायकी नसताना त्याला का हिरो करताय? त्याचा सन्मान म्हणजे ऑस्ट्रेलियाचा अपमान'; माजी सहकारी संतापला
Mitchell Johnson On David Warner: ऑस्ट्रेलियाचा आक्रमक फलंदाज आणि सलामीवीर डेव्हिड वॉर्नर त्याची शेवटची कसोटी मालिका खेळण्यासाठी सज्ज झाला आहे. ऑस्ट्रेलिया पाकिस्तानविरुद्ध होणारी कसोटी मालिका लवकरच सुरु होतं आहे. वॉर्नरला ऑस्ट्रेलियात खेळवल्या जाणाऱ्या पाकिस्तानविरुद्धच्या कसोटी मालिकेसाठी संघात संधी देण्यात आल्यानंतर त्याचा माजी सहकारी मिचेल जॉनसनने कठोर शब्दांमध्ये वॉर्नरवर टीका केली आहे. तो नेमकं काय म्हणालाय पाहूयात...
Swapnil Ghangale
| Dec 04, 2023, 09:24 AM IST
1/11
2/11
2018 मधील बॉल टॅम्परिंग प्रकरणामध्ये त्याचं नाव आलेलं होतं, असं असतानाही त्याला हिरो का मानलं जात आहे? असा थेट सवाल वॉर्नरच्या माजी सहकाऱ्याने विचारला आहे. वॉर्नरला ऑस्ट्रेलियात खेळवल्या जाणाऱ्या पाकिस्तानविरुद्धच्या कसोटी मालिकेसाठी संघात संधी देण्यात आल्यानंतर मिचेल जॉनसनने हा सवाल उपस्थित केला आहे.
3/11
4/11
5/11
"पाच वर्ष उलटून गेल्यानंतरही डेव्हिड वॉर्नरने बॉल टॅम्परिंग प्रकरणात आपला सहभाग होता ते मान्य केलं नाही. ज्या पद्धतीने त्याला आता निरोप देण्याची तयारी सुरु आहे ती पाहता आणि त्याचं द्वेषपूर्ण वागणं पाहता हा सारा थाट म्हणजे आपल्या देशाचा अपमान आहे," असं जॉनसनने 'द वेस्ट ऑस्ट्रेलियन'मध्ये लिहिलेल्या लेखात म्हटलं आहे.
6/11
7/11
8/11
9/11
"वॉर्नर हा ऑस्ट्रेलियन कसोटी संघाचा कर्णधार शोभत नाही. तो त्याच्या करिअरचा शेवटही आयुष्यभर नेतृत्व करता येणार नाही अशी बंदी असलेल्या काळातच करतोय. त्याचा एकंदरित रेकॉर्ड बरा आहे. काहीजण त्याला सर्वाकालीन उत्तम सलामीवीर म्हणतात. मात्र मागील 3 वर्षात त्याने कसोटीमध्ये सर्वसाधारण कामगिरी केली आहे. त्याची सरासरी तळाच्या फलंदाजासारखी आहे," असं मिचेल जॉनसन म्हणाला आहे.
10/11
