मुंबईत ईस्टर्न- वेस्टर्न एक्स्प्रेस वेच्या जंक्शनवर अंडरपास, अपघात कमी आणि ट्रॅफिकमुक्त प्रवास

Mumbai Underpasses: अंडरपाससाठी भूसंपादन आणि वाहतूक नियंत्रणाचे काम सर्वात महत्त्वाचे आहे. त्यानंतर आराखड्याचा मसुदा तयार करून निविदा काढण्यात येणार आहे.

| Dec 22, 2023, 11:31 AM IST

Mumbai Underpasses: वाहनांची संख्या आणि वाहतूक समस्या हाताळण्यासाठी, पूर्व आणि पश्चिम द्रुतगती मार्ग जंक्शनवर अंडरपास बांधले जाणार आहेत. ईस्टर्न एक्स्प्रेस वेच्या 6 जंक्शन्स आणि वेस्टर्न एक्स्प्रेस वेच्या 3 जंक्शन्सवर अंडरपास बांधण्याची योजना आहे.

1/11

मुंबई ईस्टर्न- वेस्टर्न एक्स्प्रेस वेच्या जंक्शनवर अंडरपास, अपघात कमी आणि ट्रॅफिकमुक्त प्रवास

Mumbai underpass Mumbai Eastern-Western Expressway Junction reducing accidents and traffic free travel

Mumbai Underpasses: लवकरच मुंबईकरांची ट्रॅफिक जॅमसह अपघातासारख्या घटनांमधून सुटका होणार आहे. मुंबईकरांचा त्रास कमी करण्यासाठी पालिकेने पूर्व आणि पश्चिम द्रुतगती मार्गांच्या 9 जंक्शनवर अंडरपास आणि उड्डाणपूल बांधण्याचा निर्णय घेतला आहे. जानेवारी 2024 मध्ये यासाठी निविदा काढण्यात येणार आहे.

2/11

23.55 किमी लांबीचा महत्त्वाचा मार्ग

मुंबईतील पूर्व आणि पश्चिम अशा दोन्ही एक्स्प्रेस वेवरील वाहतूक सुविधा सुधारण्यासाठी सल्लागाराकडून सर्वेक्षण केले जात आहे. पूर्व द्रुतगती मार्ग हा सायनच्या पलीकडे पूर्व उपनगरातून 23.55 किमी लांबीचा महत्त्वाचा मार्ग आहे.जो कुर्ला, घाटकोपर, विक्रोळी, भांडुप, मुलुंड मार्गे नवी मुंबई आणि ठाणे यांना जोडतो.

3/11

वाहनांचा वेग मंदावतो

पूर्व द्रुतगती मार्गावरील बीकेसी कनेक्टर एक्स्टेंशन, छेडानगर जंक्शन (घाटकोपर), घाटकोपर जंक्शन, जेव्हीएलआर पवई जंक्शन, कांजूरमार्ग आणि ऐरोली जंक्शन येथे अंडरपास बांधले जातील. येथे लोकांना जीव धोक्यात घालून वाहनांच्या मधोमध जंक्शन ओलांडावे लागते. त्यामुळे वाहनांचा वेगही मंदावतो.

4/11

पश्चिम द्रुतगती मार्गावरील अंडरपास

मुंबईला पश्चिम उपनगरांशी जोडणारा पश्चिम द्रुतगती मार्ग लोकांना मीरा-भाईंदर, वसई-विरार, गुजरात मार्गे दिल्लीला घेऊन जातो. हा एक्स्प्रेस वे माहीमपासून सुरू होऊन वांद्रे, विलेपार्ले, अंधेरी, जोगेश्वरी, गोरेगाव, मालाड, बोरिवली आणि दहिसरला जोडणारा सुमारे 24 किमी लांबीचा आहे.

5/11

गर्दीच्या वेळी समस्या

ट्रॅफिक जॅमवर मात करण्यासाठी या एक्स्प्रेस वेवर अनेक उड्डाणपूल आहेत, तरीही गर्दीच्या वेळी (सकाळी आणि संध्याकाळ) लोकांना तासनतास ट्रॅफिकमध्ये अडकून राहावे लागते. पश्चिम द्रुतगती मार्ग ओलांडताना येणाऱ्या अडचणी दूर करण्यासाठी 3 जंक्शनवर अंडरपास बांधण्यात येणार आहेत.

6/11

सर्वेक्षणानंतर निर्णय

हे अंडरपास सुधीर फडके फ्लायओव्हर (बोरिवली पूर्व), विलेपार्ले हनुमान रोड आणि मिलन सबसे (सांताक्रूझ) जवळ असतील. या जंक्शनवर अंडरपाससह छोटे उड्डाणपूल बांधण्याबाबतही चर्चा सुरू आहे. सल्लागार कंपनीच्या सर्वेक्षणानंतर कुठे उड्डाणपूल बांधले जातील, कुठे अंडरपास बांधले जातील, याचा निर्णय घेतला जाईल, अशी माहिती पालिकेच्या अधिकाऱ्याने दिली.

7/11

अंडरपास बांधण्याची गरज का?

मुंबईत द्रुतगती मार्ग ओलांडताना दररोज अनेक जण अपघाताचे बळी ठरतात, ज्यात अनेकांना आपला जीवही गमवावा लागतो. अनेक वेळा रात्रीच्या वेळी प्राण्यांनाही आपला जीव गमवावा लागतो आणि काही वेळा त्यांच्याशी धडकणाऱ्या वाहनांमधील माणसेही जखमी होतात.

8/11

द्रुतगती मार्ग ओलांडण्याची गरज नाही

वेगात येणाऱ्या वाहनांवर नियंत्रण ठेवण्यासाठी बीएमसी प्रशासनाकडे कोणतीही यंत्रणा नाही. येथील सिग्नलिंग यंत्रणाही पूर्णपणे हायटेक नाही. अशा परिस्थितीत पूर्व आणि पश्चिम द्रुतगती मार्गावरील निवडक जंक्शनवर अंडरपास किंवा उड्डाणपूल बांधल्यामुळे नागरिकांना द्रुतगती मार्ग ओलांडण्याची गरज भासणार नाही.

9/11

ट्रॅफिक जॅमपासून सुटका

यामुळे नागरिकांची मुंबईतील ट्रॅफिक जॅमपासून सुटका तर होईल.तसेच अपघात कमी होण्यास मदत होईल. अंडरपासमधून नागरिक सहजरीत्या रस्ता ओलांडतील आणि अचानक वेगात ब्रेक लावण्याच्या त्रासातूनही वाहनचालकांची सुटका होणार आहे. अनेक दिवसांपासून याची मागणी होत होती.

10/11

निविदा काढणार

अंडरपाससाठी भूसंपादन आणि वाहतूक नियंत्रणाचे काम सर्वात महत्त्वाचे आहे. त्यानंतर आराखड्याचा मसुदा तयार करून निविदा काढण्यात येणार आहे.

11/11

9 अंडरपास

वाहनांची संख्या आणि वाहतूक समस्या हाताळण्यासाठी, पूर्व आणि पश्चिम द्रुतगती मार्ग जंक्शनवर अंडरपास बांधले जाणार आहेत. ईस्टर्न एक्स्प्रेस वेच्या 6 जंक्शन्स आणि वेस्टर्न एक्स्प्रेस वेच्या 3 जंक्शन्सवर अंडरपास बांधण्याची योजना असल्याची माहिती पालिकेच्या अधिकाऱ्याने दिली.

पुढील
अल्बम

मुंबईत ईस्टर्न- वेस्टर्न एक्स्प्रेस वेच्या जंक्शनवर अंडरपास, अपघात कमी आणि ट्रॅफिकमुक्त प्रवास