RBI આજથી શરૂ કરશે MPC ની મીટિંગ, શું એકવાર ફરીથી વધશે તમારી EMI?

RBI MPC Meeting: RBIની મોનેટરી પોલિસી (RBI Meeting)ની બેઠક આજથી એટલે કે 3જી એપ્રિલથી શરૂ થવા જઈ રહી છે. શું રિઝર્વ બેંક ફરી એકવાર રેપો રેટના દરમાં વધારો કરશે? શું તમારા ઘરની EMI ફરી વધશે... નિષ્ણાતોનું માનવું છે કે એપ્રિલ મહિનામાં યોજાનારી બેઠકમાં પણ RBI વ્યાજ દરમાં વધારો કરી શકે છે. રિટેલ ફુગાવો છ ટકાના સંતોષકારક સ્તરથી ઉપર રહેવા અને યુએસ ફેડરલ રિઝર્વ સહિત અનેક કેન્દ્રીય બેંકોના આક્રમક વલણ વચ્ચે રિઝર્વ બેંક ઓફ ઈન્ડિયા પણ નાણાકીય સમીક્ષામાં રેપો રેટમાં વધુ 0.25 ટકાનો વધારો કરવાનો નિર્ણય લઈ શકે છે.

આજથી શરૂ થશે મીટિંગ

6.5 ટકા પર પહોંચી ગયો છે વ્યાજ દર
ફુગાવાને અંકુશમાં લેવા માટે, RBIએ મે 2022 થી નીતિગત વ્યાજ દરમાં સતત વધારો કરવાનું વલણ અપનાવ્યું છે. આ દરમિયાન રેપો રેટ ચાર ટકાથી વધીને 6.50 ટકા થઈ ગયો છે. ફેબ્રુઆરીમાં મળેલી MPCની છેલ્લી બેઠકમાં રેપો રેટમાં પણ 0.25 ટકાનો વધારો કરવામાં આવ્યો હતો.

આ પણ વાંચો: Sextortion શું છે? કઈ કલમો હેઠળ ફરિયાદ દાખલ કરવામાં આવશે, 5 વર્ષની સજાની છે જોગવાઈ
આ પણ વાંચો: જો કોઈ તમારો પીછો કરે તો તમારી પાસે છે શું છે કાયદાનું શસ્ત્ર, આ રીતે કરો ઉપયોગ
આ પણ વાંચો: જાહેર હિતની અરજી શું છે? તે ક્યારે અને કેવી રીતે ફાઇલ કરવામાં આવે છે, જાણી લો A to Z

સમીક્ષા બાદ નિર્ણય લેવામાં આવશે
MPCની બેઠકમાં નાણાકીય નીતિ સંબંધિત તમામ સ્થાનિક અને આંતરરાષ્ટ્રીય પાસાઓની વ્યાપક સમીક્ષા કર્યા બાદ નિર્ણય લેવામાં આવશે. આ દરમિયાન, ઉચ્ચ છૂટક ફુગાવાની સ્થિતિ અને વિકસિત દેશોની કેન્દ્રીય બેંકો - યુએસ ફેડરલ રિઝર્વ, યુરોપિયન સેન્ટ્રલ બેંક અને બેંક ઓફ ઈંગ્લેન્ડના તાજેતરના પગલાંનું પણ વિશ્લેષણ કરવામાં આવશે.

આ પણ વાંચો: ગેસ પર શેકેલી રોટલી આટલી છે ખતરનાક, સ્ટડીમાં થયો ખુલાસો
આ પણ વાંચો: વાત વિદેશની નથી, લ્યો બોલો!!! આ રાજ્યમાં ડુંગળી-બટાકાના ભાવે વેચાઇ છે ડ્રાયફ્રૂટ
આ પણ વાંચો: Health Tips: ભોજન સાથે સલાડમાં લીલા મરચાં ખાવા કેટલા યોગ્ય? જાણો શું કહે છે રિસર્ચ

જાણો શું છે નિષ્ણાતનો અભિપ્રાય?
કન્ઝ્યુમર પ્રાઇસ ઇન્ડેક્સ (CPI) આધારિત ફુગાવો જાન્યુઆરીમાં 6.52 ટકા અને ફેબ્રુઆરીમાં 6.44 ટકા હતો. રિટેલ ફુગાવાનું આ સ્તર આરબીઆઈના છ ટકાના સંતોષજનક સ્તર કરતાં ઊંચું છે. એક્સિસ બેંકના ચીફ ઇકોનોમિસ્ટ સૌગતા ભટ્ટાચાર્યએ તાજેતરમાં પત્રકારોને જણાવ્યું હતું કે, “હું દરમાં વધુ 0.25 ટકાના વધારાની અપેક્ષા રાખું છું.

6 બેઠકોનું આયોજન કરવામાં આવશે
બેન્ક ઓફ બરોડાના મુખ્ય અર્થશાસ્ત્રી મદન સબનવીસે જણાવ્યું છે કે છેલ્લા બે મહિનાથી ફુગાવો છ ટકાથી ઉપર રહ્યો છે અને લિક્વિડિટી હવે લગભગ તટસ્થ છે, એવી અપેક્ષા છે કે આરબીઆઈ ફરી એકવાર રેપો રેટમાં 0.25 ટકાનો વધારો કરી શકે છે. આ સાથે, આરબીઆઈ તેના વલણને તટસ્થ જાહેર કરીને એ પણ સંકેત આપી શકે છે કે દર વધારાનો તબક્કો પૂરો થઈ ગયો છે. એકંદરે, સમગ્ર નાણાકીય વર્ષ 2023-24માં, RBI કુલ છ MPC બેઠકોનું આયોજન કરશે.