આલિયા ભટ્ટ સાથેના માત્ર એક દૃશ્યના કારણે સલમાન ખાને છોડી હતી 'ઈન્શાઅલ્લાહ'!

નવી દિલ્હીઃ સંજય લીલા ભાણશાળીની ભવ્ય બજેટ ધરાવતી ફિલ્મ 'ઈન્શાઅલ્લાહ'(Inshallah) ડબ્બામાં જવાના સમાચારથી પ્રશંસકોને મોટો ઝટકો લાગ્યો હતો, આ ફિલ્મમાં આલિયા ભટ્ટ (Alia Bhatt) અને સલમાન ખાન (Salman Khan) મુખ્ય ભૂમિકામાં હતા. જોકે, આ ફિલ્મ બંધ થવાનું મુખ્ય કારણ હવે બહાર આવ્યું છે. 

વર્ષ 1999માં ફિલ્મ 'હમ દિલ દે ચુકે સનમ' પછી દિગ્દર્શક સંજય લીલા ભાણશાળી (Sanjay Leela Bhansali) અને સલમાન ખાન (Salman Khan) આ ફિલ્મ સાથે લાંબા સમય બાદ સાથે કામ કરવાના હતા. આ ફિલ્મની જાહેરાત થતાંની સાથે જ બંનેના પ્રશંસકો પણ આતુરતાથી રાહ જોવા લાગ્યા હતા. 

થોડા દિવસ અગાઉ એવા સમાચાર આવ્યા હતા કે, સલમાન ખાને સંજય લીલા ભાણશાળી સાથે થયેલા કોઈ મતભેદના કારણે આ ફિલ્મ છોડી દીધી છે. જોકે, હવે અમારી સહયોગી વેબસાઈટ બોલિવૂડ લાઈફના સમાચાર અનુસાર સલમાન ખાને આ ફિલ્મ આલિયા ભટ્ટ સાથેના એક અંતરંગ દૃશ્યના કારણે છોડી દીધી હતી. 

લેટેસ્ટ રિપોર્ટ અનુસાર, આ ફિલ્મમાં સલમાન ખાન અને આલિયા ભટ્ટ વચ્ચે એક કિસિંગ સીન(Kissing Scene) હતો. ઉંમરના અંતરના કારણે સલમાન ખાન આલિયા ભટ્ટને કિસ કરવા માગતો ન હતો, જેના કારણે આ ફિલ્મ છોડી દીધી હતી. 

ઉલ્લેખનીય છે કે, સલમાન ખાન અને દિગ્દર્શખ સંજય લીલા ભાણશાળીની આ ફિલ્મ 'ઈન્શાઅલ્લાહ' 2020ની ઈદ પર રિલીઝ થવાની હતી. જોકે, હવે આ ફિલ્મ ડબ્બામાં મુકી દેવાઈ છે. 

જુઓ LIVE TV....