પત્ની ગૌરીએ શાહરૂખની એક સિક્રેટ આદતનો કર્યો ખુલાસો, કોઈને કાનોકાન નહોતી ખબર

મુંબઈ : શાહરૂખ ખાન (Shahrukh Khan) અને પત્ની ગૌરી ખાન (Gauri Khan)નો સમાવેશ બોલિવૂડના સૌથી વધારે દમદાર કપલ્સમાં થાય છે. તેઓ જ્યાં જાય છે ત્યાં બધાની નજર તેમની પર ચોંટી જાય છે. હાલમાં ગૌરીએ જાહેરમાં શાહરૂખની એક આદતનો ખુલાસો કર્યો છે જેની તેના સિવાય કોઈને ખબર નથી. ગૌરીએ જણાવ્યું છે કે કોઈ ઇવેન્ટમાં જતા પહેલાં તૈયાર થવામાં શાહરૂખને પાંચ કલાક જેટલો સમય લાગે છે. 

ગૌરીએ જણાવ્યું છે કે ''કોઈપણ જગ્યાએ જવા માટે તૈયાર થવા માટે શાહરૂખને મારા કરતા ઘણો વધારે સમય લાગે છે. શાહરૂખનો એક મોટો રૂમ માત્ર વોર્ડરોબથી ભરેલો છે. મને તૈયાર થતા પાંચ મિનિટ લાગે છે જ્યારે SRK પાંચ કલાક લગાવે છે." ગૌરીના આ નિવેદન પછી શાહરૂખે કહ્યું છે કે હું દરેક વખતે બ્લેક સુટ જ પહેરું છું પણ મારે દરેક વખતે અલગઅલગ પ્રકારના બ્લેક સુટ પહેરવા પડે છે.

ગૌરીએ એક ચેનલ સાથેના ઇન્ટરવ્યૂ દરમિયાન શાહરૂખની આ આદતનો ખુલાસો કર્યો છે. આ સ્ટાર જોડીનો સમાવેશ ફેશન પાવર લિસ્ટ ઇવેન્ટમાં થયો છે. તેમને મોસ્ટ સ્ટાઇલિશ કપલ ઓફ ધ યરનો અવોર્ડ પણ મળ્યો છે.