એક જ દિવસમાં 35 નવા કેસ સાથે સુરતમાં કોરોનાનો વિસ્ફોટ

ઝી મીડિયા/બ્યૂરો :સતત વધી રહેલા નવા કેસમાં અત્યાર સુધી અમદાવાદે પોતાનો પહેલો ક્રમાંશ જાળવી રાખ્યો છે. ગુજરાતમાં કોરોના (corona virus) ની એન્ટ્રી સાથે અમદાવાદમાં સૌથી વધુ કેસ નોંધાતા હોય છે. ત્યારે હવે સુરતીઓ પણ અમદાવાદના પગલે ચાલી રહ્યા છે તેવુ કહી શકાય. સુરતમાં આજે એક જ દિવસમા 35 નવા પોઝિટિવ કેસ આવ્યા છે. આ સાથે જ સુરત (Surat) માં નવા કેસમાં રાફડો ફાટ્યો હોય તેવું કહી શકાય. જોકે, હજી પણ 87 કેસ સાથે સુરત રાજ્યમાં ત્રીજા નંબરે છે. 127 કેસ સાથે વડોદરા શહેર બીજા નંબરે છે. 

નવા કેસ કયા વિસ્તારના 
35 નવા પોઝિટિવ કેસમાં સુરતના મન દરવાજા, કતારગામ અને રુસ્તમપુરા વિસ્તારો આવે છે. મોટાભાગના કેસ કોમ્યુનિટી સેમ્પલના રિપોર્ટના આધારે આવ્યા છે. રાંદેર બાદ હવે સેન્ટ્રલ અને લિંબાયત ઝોન વધારે હોટ સ્પોટ તરીકે ઉભરી આવ્યા છે. જેથી આ કેસમાં આગામી દિવસોમા નવા કેસ સામે આવે તો નવાઈ નહિ.