GUJARAT CORONA UPDATE: ગુજરાતમાં ધીરે ધીરે કોરોનાનો 'ગરબો' ઘેર! સંક્રમણ ઘટ્યું, પણ મોતનો આંક રોકેટ ગતિએ વધ્યો

ગાંધીનગર: ગુજરાતમાં આજે કોરોનાના નવા કેસમાં ઘટાડો થઈ રહ્યો છે. આજે રાજ્યમાં 11,974 કેસ નોંધાયા હતા. તો બીજી તરફ 21655 દર્દીઓ રિકવર થયા હતા. અત્યાર સુધીમાં કુલ 10,36,156 નાગરિકોએ કોરોનાને મ્હાત આપી છે. જેના પગલે કોરોનાનો રિકવરી રેટ વધીને 90.53 ટકાએ પહોંચી ચુક્યો છે. બીજી તરફ રસીકરણના મોરચે પણ સરકાર મજબુતીથી લડી રહી છે. આજે 2,13,681 નાગરિકોનું રસીકરણ કરાયું હતું.

જો એક્ટિવ કેસની વાત કરીએ તો રાજ્યમાં હાલ કુલ 98021 એક્ટિવ કેસ છે. જે પૈકી 285 નાગરિકો વેન્ટિલેટર પર છે. 97736 નાગરિકો સ્ટેબલ છે. અત્યાર સુધીમાં કોરોનાને કારણે કુલ 10408 નાગરિકોનાં મોત થઇ ચુક્યાં છે. આજે કોરોનાને કારણે કુલ 33 નાગિરકોનાં મોત થઇ ચુક્યાં છે. 

CORONA UPDATE: છેલ્લા 24 કલાકમાં ગુજરાતમાં કોરોનાના વધુ 11,794 કેસ પોઝિટિવ, કુલ આંકડો 11,44,585 ને પાર.. જાણો સરકારના આંકડા પ્રમાણે આજે રાજ્યમાં જિલ્લાવાર સ્થિતિ...#Corona #Coronavirus #CoronaCaseUpdates #ZEE24Kalak pic.twitter.com/h3HI1HxhRG

— Zee 24 Kalak (@Zee24Kalak) January 29, 2022

જેમાં અમદાવાદ કોર્પોરેશનમાં 7, વડોદરા કોર્પોરેશનમાં 3, રાજકોટ કોર્પોરેશનમાં 3, સુરત કોર્પોરેશન 2, સુરત 3, રાજકોટ 2, ભાવનગર કોર્પોરેશન 4, આણંદ 2, વલસાડ 2, ખેડા 1, જામનગર 1, અમદાવાદ 1, ભાવનગર 1 અને બોટાદમાં 1 વ્યક્તિનું મોત થયું છે. આમ કુલ 33 લોકોના મોત થયા છે.

જો રસીકરણની ચર્ચા કરીએ તો રાજ્યમાં હેલ્થકેર વર્કર અને ફ્રન્ટલાઇન વર્કર પૈકી 36 ને પ્રથમ, 610 ને બીજો ડોઝ અપાયો હતો. 45 વર્ષથી વધારેની ઉંમરની 5892ને પ્રથમ અને 17992 નાગરિકોને રસીનો બીજો ડોઝ અપાઇ ચુક્યો છે. 18-45 વર્ષના નાગરિકો પૈકી 26531 નાગરિકોને રસીનો પ્રથમ અને 54442 નાગરિકોને રસીનો બીજો ડોઝ અપાયો હતો. 15-18 વર્ષના નાગરિકો પૈકી 41349 ને પ્રથમ ડોઝ અપાયો હતો. 66829 નાગરિકોને પ્રીકોર્શન ડોઝ અપાયા હતા. આ પ્રકારે કુલ 2,13,681 કુલ રસીના ડોઝ અપાયા હતા. અત્યાર સુધીમાં કુલ 9,75,98,722 કુલ રસીના ડોઝ અપાઇ ચુક્યા છે.