મહાકુંભ બાદ અયોધ્યામાં રચાયું નાસભાગનું ષડયંત્ર, આકાશમાંથી આવી આફત, એજન્સીઓએ ઉંઘો વાળ્યો પ્લાન

Ayodhya News: અયોધ્યા રામ મંદિરમાં ભારે ભીડ વચ્ચે સોમવારે સાંજે એક મોટા ષડયંત્રને નિષ્ફળ બનાવવામાં આવ્યું હતું. અહીં રામ મંદિરમાં રામ લલ્લાના દર્શન કરવા ઉમટેલી ભીડ વચ્ચે એક ડ્રોન આવ્યું અને પડ્યું. આકાશમાંથી આવતા ખતરાનો અહેસાસ થતાં ભીડ ગભરાઈ ગઈ, પરંતુ ત્યાં તૈનાત એન્ટી ડ્રોન સિસ્ટમે તેને તરત જ તોડી પાડ્યું હતું. પરંતુ સુરક્ષા એજન્સીઓ આ સુરક્ષા જોખમને લઈને સતર્ક થઈ ગઈ છે.

રામ મંદિર પરિસરમાં ડ્રોન ઉડાડવા બદલ એક યુવક વિરુદ્ધ કેસ નોંધવામાં આવ્યો છે. આ ઘટના સોમવારે સાંજે ગેટ નંબર 3 પર બની હતી. રામ મંદિર પરિસરમાં ભક્તોની ભારે ભીડ વચ્ચે એક ડ્રોન અચાનક પડ્યું. આ ઘટના બાદ એન્ટી ડ્રોન સિસ્ટમની ટ્રાયલ તેજ કરવામાં આવી રહી છે.

ડ્રોન પડવાથી મચ્યો હડકંપ
રામ મંદિર પરિસરમાં ડ્રોન પડવાને કારણે ખળભળાટ મચી ગયો છે. આ ઘટના ત્યારે બની જ્યારે મોટી સંખ્યામાં ભક્તો મહાકુંભના દર્શન કરવા આવ્યા હતા. પોલીસે તુરંત જ ડ્રોનનો કબજો મેળવીને મામલાની તપાસ શરૂ કરી હતી. રામ મંદિર પરિસરમાં ડ્રોન પડવાની ઘટનાની તપાસમાં ષડયંત્ર હોવાનું કહેવાય છે. તપાસ બાદ જાણવા મળ્યું છે કે આ કૃત્ય ભીડમાં નાસભાગ મચાવવાના હેતુથી કરવામાં આવ્યું હોઈ શકે છે. પોલીસે અજાણ્યા યુવક સામે ગુનો નોંધી ડ્રોન દ્વારા આ કૃત્ય પાછળનું કાવતરું શોધવાનો પ્રયાસ કરી રહી છે.