The Great Indian Cheating: તિહાડ જેલમાંથી બહાર કાઢવાના નામે 200 કરોડથી વધુની ઠગાઈ, આ રીતે લગાવ્યો ચૂનો

નવી દિલ્હી: તિહાડ જેલની (Tihar Jail) અંદરથી 200 કરોડથી વધુના ખંડણીના કેસમાં હવે દિલ્હી પોલીસની (Delhi Police) આર્થિક અપરાધ શાખા (EOW) એ તેની તપાસનો દાયરો વધાર્યો છે. અત્યાર સુધીની તપાસમાં જાણવા મળ્યું છે કે AIADMK નું ચૂંટણી ચિહ્ન મેળવવા માટે ધરપકડ કરાયેલા સુકેશ ચંદ્રશેખરે રેલીગેર કંપનીના પ્રમોટરો મલવિંદર અને શિવિંદર સિંહની પત્નીઓ સાથે તેમના પતિઓને તિહાડ જેલમાંથી જામીન પર બહાર કાઢવાના નામે કરોડો રૂપિયાની છેતરપિંડી કરી હતી.

હોંગકોંગના એકાઉન્ટમાં જમા થયા પૈસા
શિવિંદર સિંહની પત્ની અદિતિ બાદ મલવિંદરની પત્ની જાપના સિંહે પણ આર્થિક અપરાધ શાખા (EOW) માં ફરિયાદ આપી હતી, જેમાં તેણે જણાવ્યું હતું કે તેમના પતિને જામીન અપાવવાના નામે ઠગોએ તેમની પાસેથી કરોડો રૂપિયા ઉઘરાવ્યા હતા. જાપના સિંહે પોતાની ફરિયાદમાં જણાવ્યું હતું કે ફોન કરનાર વ્યક્તિ એક વરિષ્ઠ સરકારી અધિકારી છે અને મલવિંદર સિંહને જામીન પર જેલમાંથી બહાર આવવામાં મદદ કરવાની ઓફર કરી. તેના બદલામાં ઠગોએ હોંગકોંગના બેંક ખાતામાં પૈસા જમા કરવાનું કહ્યું.

આ પણ વાંચો:- જેકલીન ફર્નાન્ડીઝનું શું છે તિહાડ જેલ સાથે કનેક્શન! ED એ 5 કલાક સુધી કરી પૂછપરછ

પાર્ટી ફંડના નામે કરવામાં આવી છેતરપિંડી
ફોન કરનારે આ પૈસા અમુક પાર્ટી ફંડમાં આપવાનું કહ્યું અને બદલામાં તેના પતિને જામીન પર જેલમાંથી બહાર લાવવાની ખાતરી આપી. જે બાદ જાપના સિંહે તે બેંક ખાતામાં 3.5 કરોડ રૂપિયા જમા કરાવ્યા હતા. અગાઉ, એ જ રીતે સુકેશ ચંદ્રશેખરે મલવિંદરના ભાઈ શિવિંદરની પત્નીને આવો જ ફોન કર્યો હતો અને જામીન મેળવવાના નામે 200 કરોડ રૂપિયા વસૂલ્યા હતા.

આ પણ વાંચો:- આ છે દેશની ટોપ પાંચ ધનિક મહિલા, જાણો કેટલી છે તેમની નેટવર્થ

2397 કરોડની ઉચાપતનો આરોપ
સિંહ બંધુઓની પત્નીઓની ફરિયાદ પર દિલ્હી પોલીસની આર્થિક ગુના શાખાએ બે અલગ FIR નોંધી છે. જાપનાની ફરિયાદ પર નોંધાયેલી એફઆઈઆર મુજબ, ઠગાઈ કરનારાઓએ તેણીને હોંગકોંગની એક કંપનીને ચૂકવણી કરવાનું કહ્યું. તેમણે કહ્યું કે આ ખાતું શાસક પક્ષ સાથે સંબંધિત છે. તમને જણાવી દઈએ કે રેલીગેર સિંહ ભાઈઓના પ્રમોટરો ઓક્ટોબર 2019 થી તિહાડ જેલમાં બંધ છે. આ બંને પર રેલીગેર ફિનવેસ્ટ અને તેમની મૂળ કંપની રેલીગેર એન્ટરપ્રાઇઝમાં 2397 કરોડ રૂપિયાની ઉચાપત કરવાનો આરોપ છે.

આ પણ વાંચો:- ગુજરાતી ફિલ્મ અભિનેત્રીનો Hot MMS થયો Leak, ઘરમાં એકલામાં જ જોજો; જાણો કોણ છે એક્ટ્રેસ?

જાપના સિંહ પાસેથી 3.5 કરોડ રૂપિયાની છેતરપિંડી
એફઆઈઆર અનુસાર, ઠગોએ સિંહ બંધુઓની પત્નીઓનો સીધો સંપર્ક કરતા ન હતા. જાપના સિંહે દાવો કર્યો છે કે તેણે 28, 29, 30 જુલાઈ અને 6 ઓગસ્ટના રોજ હોંગકોંગના ખાતામાં 3.5 કરોડ રૂપિયા ટ્રાન્સફર કર્યા હતા. જાપાનાએ આર્થિક અપરાધ શાખાને આના પુરાવા પણ આપ્યા છે. જાપના સિંહે પોતાની ફરિયાદમાં એમ પણ કહ્યું હતું કે તેણે જેલમાં બેઠકમાં તેના પતિ મલવિંદરને પણ કહ્યું હતું કે કેટલાક વરિષ્ઠ અધિકારીઓ તેની મદદ કરી રહ્યા છે.

આ પણ વાંચો:- કોરોના વેક્સીનનો ત્રીજો ડોઝ કોના માટે જરૂરી? WHO એ આપ્યો જવાબ

અદિતિ સિંહ પાસેથી 200 કરોડની છેતરપિંડી
જાપનાએ પોતાની ફરિયાદમાં કહ્યું કે જ્યારે તેણે મીડિયામાં સમાચાર જોયા કે સુકેશ ચંદ્રશેખરે તેના પતિને જામીન અપાવવાના નામે 200 કરોડ રૂપિયા ભેગા કર્યા છે. જે બાદ તેને પણ ખ્યાલ આવ્યો કે તેની સાથે પણ છેતરપિંડી કરવામાં આવી છે. 200 કરોડની ખંડણીના કેસમાં સુકેશ ચંદ્રશેખરની સાથે 2 જેલ કર્મચારીઓ સહિત અન્ય લોકોની પણ ધરપકડ કરવામાં આવી હતી. જેલની અંદરથી અબજો રૂપિયાની ખંડણીના કેસમાં શાસક પક્ષ અને કાયદા મંત્રાલયનું નામ આવ્યા બાદ આર્થિક ગુના શાખા પણ મોટા પગલા ભરી રહી છે. જેથી આર્થિક અપરાધ શાખા જેલની અંદરથી ચાલતા આ ગુના સિન્ડિકેટના દરેક એપિસોડ સુધી પહોંચી શકે.