મીટિંગ બાદ રેસલરોએ કહ્યું- 15 જૂન સુધી પોલીસ તપાસ પૂરી થવાનો મળ્યો સમય, ત્યાં સુધી નહીં થાય પ્રદર્શન

નવી દિલ્હીઃ રેસલરો અને ખેલ મંત્રી અનુરાગ ઠાકુર વચ્ચે યોજાયેલી બેઠક સમાપ્ત થઈ ગઈ છે. આ બેઠક આશરે 6 કલાક ચાલી હતી. આ બેઠક બાદ સાક્ષી મલિકે કહ્યું કે પોલીસ તપાસ પૂરી થવા માટે 15 જૂન સુધીનો સમય સરકારે આપ્યો છે. આ વચ્ચે રેસલર્સ કોઈ પ્રદર્શન નહીં કરે. બજરંગ, રિયો ઓલિમ્પિકની બ્રોન્ઝ મેડલ વિજેતા સાક્ષી મલિક અને તેનો રેસલર પતિ સત્યવ્રત કાદિયાન બેઠક માટે બુધવારે અનુરાગ ઠાકુરના ઘરે પહોંચ્યા હતા. 

ઓલિમ્પિક બ્રોન્ઝ મેડલ વિજેતા બજરંગ પૂનિયાની આગેવાનીમાં રેસલરોની ખેલ મંત્રી અનુરાગ ઠાકુરની સાથે આ મહત્વપૂર્ણ બેઠક થઈ છે. સરકારે ભારતીય કુશ્તી મહાસંઘના નિવર્તમાન અધ્યક્ષ બૃજભૂષણ શરણ સિંહની ધરપકડની માંગને લઈને આંદોલન કરી રહેલા રેસલરોની સાથે સમજુતી કરવાનો પ્રયાસ જારી રાખ્યો છે. આ કડીમાં બેઠક યોજાઈ હતી. 

#WATCH | Government has assured us that police investigation will be completed before 15th June. We have requested that all FIRs against wrestlers should be taken back and he has agreed to it. If no action is taken by 15th June, we will continue our protest: Wrestler Bajrang… pic.twitter.com/1hi9Qp0RFY

— ANI (@ANI) June 7, 2023

મીટિંગ બાદ મીડિયાને સંબોધિત કરતા ખેલ મંત્રી અનુરાગ ઠાકુરે કહ્યુ કે રેસલરોની સાથે સકારાત્મક વાતચીત થઈ. સરકારે ખુલા મનથી દરેક વિષયો પર વાત કરી. 15 જૂન સુધી રેસલરો પ્રદર્શન કરશે નહીં. ખેલાડીઓએ કેસ પરત લેવાની માંગ કરી છે. અનુરાગ ઠાકુરે કહ્યુ કે મહિલા રેસલરોને સુરક્ષા આપવામાં આવશે. 

#WATCH | I had a long 6-hour discussion with the wrestlers. We have assured wrestlers that the probe will be completed by 15th June and chargesheets will be submitted. The election of WFI will be done by 30th June: Union Sports Minister Anurag Thakur after meeting wrestlers pic.twitter.com/9hySRefxNM

— ANI (@ANI) June 7, 2023

અનુરાગ ઠાકુરે કહ્યું કે આ બેઠકમાં જે મુદ્દા પર ચર્ચા થઈ છે, તેમાં જે આરોપ લગાવવામાં આવ્યા છે, તેની તપાસ પૂરી કરી 15 જૂન સુધી ચાર્જશીટ દાખલ કરવામાં આવશે. રેસલિંગ ફેડરેશનની ચૂંટણી 30 જૂન સુધી કરવામાં આવશે. રેસલિંગ ફેડરેશનની આંતરિક ફરિયાદ સમિટિ બનાવવામાં આવે અને તેની અધ્યક્ષતા કોઈ મહિલા કરે. 

આ બેઠક પહેલા રેસલર કેન્દ્રીય ગૃહમંત્રી અમિત શાહને મળ્યા હતા. એક સગીર સહિત સાત મહિલા રેસલરોના કથિત યૌન શોષણના આરોપોનો સામનો કરી રહેલા બૃજભૂષણની ધરપકડની માંગને લઈને તે રેસલર 23 એપ્રિલથી બીજીવાર જંતર-મંતર પર ધરણા પર બેઠા હતા.