IND vs PAK : ભારત કે પાકિસ્તાન...કોણ જીતશે 23 ફેબ્રુઆરીનો મહાજંગ ? શોએબ અખ્તરની મોટી ભવિષ્યવાણી

IND vs PAK : ICC ચેમ્પિયન્સ ટ્રોફી 2025 ટૂર્નામેન્ટમાં ભારત અને પાકિસ્તાન વચ્ચેની શાનદાર મેચ રવિવારે એટલે કે 23 ફેબ્રુઆરીએ દુબઈમાં રમાશે. પાકિસ્તાનને ICC ચેમ્પિયન્સ ટ્રોફી 2025ની તેની પ્રથમ મેચમાં ન્યૂઝીલેન્ડના સામે 60 રનથી કારમી હારનો સામનો કરવો પડ્યો હતો. આ હાર બાદ હવે પાકિસ્તાન પર ICC ચેમ્પિયન્સ ટ્રોફી 2025માંથી બહાર થવાનો ખતરો છે. તો ભારતે તેની પહેલી જ મેચમાં બાંગ્લાદેશને 6 વિકેટથી હરાવ્યું હતું. ભારત અને પાકિસ્તાનની મેચ પહેલા પૂર્વ ફાસ્ટ બોલર શોએબ અખ્તરે મોટું નિવેદન આપ્યું છે.

શોએબ અખ્તરની મોટી ભવિષ્યવાણી

રાવલપિંડી એક્સપ્રેસના નામથી પ્રખ્યાત શોએબ અખ્તરે ભારત સામે પાકિસ્તાનની આગામી મેચ પહેલા મોટું નિવેદન આપ્યું છે. શોએબ અખ્તરે ભારત સામેની મેચને પાકિસ્તાન માટે 'કરો યા મરો' જેવી સ્થિતિ ગણાવી છે. શોએબ અખ્તરે કહ્યું છે કે, પાકિસ્તાન માટે હવે ભારત સામે જીતવું ખૂબ જ જરૂરી છે. ભારત ખૂબ જ મજબૂત ટીમ છે અને પડકાર કઠિન લાગે છે. મને વિશ્વાસ છે કે પાકિસ્તાનની ટીમ ભારતને હરાવવામાં સફળ રહેશે. પાકિસ્તાનની ટીમ પાસે બીજો કોઈ વિકલ્પ નથી.

View this post on Instagram

A post shared by Shoaib Akhtar (@imshoaibakhtar)

શોએબ અખ્તરે પોતાના નિવેદનથી સનસનાટી મચાવી

શોએબ અખ્તરે કહ્યું કે, હું પાકિસ્તાનને શુભેચ્છા પાઠવું છું. તેઓએ વધુ આક્રમક બનીને ક્રિકેટ રમવાની જરૂર છે. આ ખૂબ જ મુશ્કેલ છે, પરંતુ હું હજુ પણ પાકિસ્તાન પાસેથી શ્રેષ્ઠ પ્રદર્શનની આશા રાખું છું. ICC ચેમ્પિયન્સ ટ્રોફી 2025ની સેમિફાઇનલની રેસમાં રહેવા માટે પાકિસ્તાને 23 ફેબ્રુઆરીએ ભારત સામેની મેચ કોઈપણ ભોગે જીતવી પડશે. પાકિસ્તાન માટે ભારત સામેની મેચ જીતવી ઘણી મુશ્કેલ હશે. જો પાકિસ્તાનની ટીમ ભારત સામેની મેચ હારી જશે તો તે સેમીફાઈનલની રેસમાંથી બહાર થઈ જશે. ગ્રુપ-Aમાં ન્યુઝીલેન્ડની ટીમ 2 પોઈન્ટ સાથે ટોપ પર છે. ન્યુઝીલેન્ડનો નેટ રન રેટ +1.200 છે. તો પાકિસ્તાનનો નેટ રન રેટ -1.200 છે. ભારત ગ્રુપ-Aમાં 2 પોઈન્ટ સાથે બીજા સ્થાને છે. ભારતનો નેટ રન રેટ +0.408 છે.