શું સ્માર્ટફોનની પણ expiry date હોય છે? તમારે નવો ફોન ક્યારે ખરીદવો જોઈએ? અહીં જાણો જવાબ

Expiry Date Of Smartphone: સ્માર્ટફોન આજે આપણા જીવનનો ખુબ જ જરૂરી ભાગ બની ગયો છે. આજે સ્માર્ટફોનનો ઉપયોગ માત્ર કૉલ કરવા માટે જ નહીં પરંતુ ફોટો શેર કરવા, ખાવાનો ઓર્ડર આપવા અને ટિકિટ બુક કરાવવા માટે પણ થઈ રહ્યો છે. આવી સ્થિતિમાં, તમારે જાણવું જ જોઇએ કે તમારા સ્માર્ટફોનની એક્સપાયરી ડેટ શું છે અને તમારે નવો સ્માર્ટફોન ક્યારે ખરીદવો જોઈએ. 

સ્માર્ટફોન એક ઈલેક્ટ્રોનિક ડિવાઇસ છે. સ્માર્ટફોનની બેટરીમાં કેમિકલનો ઉપયોગ કરવામાં આવે છે, જે એક સમય પછી સમાપ્ત થઈ જાય છે. પરંતુ અહીં વાત સ્માર્ટફોનની એક્સપાયરી વિશે ચાલી રહી છે. સ્માર્ટફોનની બેટરી બદલી શકાય છે.

એક્સપાયરી ડેટ શું છે? જ્યાં સુધી સ્માર્ટફોનનો સવાલ છે, તમે ભલે ગમે તેટલો ઉપયોગ કરો, તે એક્સપાયર થતો નથી. વાસ્તવમાં સ્માર્ટફોનની કોઈ એક્સપાયરી ડેટ હોતી નથી. પરંતુ કેટલાક એવા કારણો છે જેના કારણે સ્માર્ટફોન ખરાબ થઈ જાય છે, પછી ભલે તમે તેનો એક દિવસ પણ સારી રીતે ઉપયોગ ન કર્યો હોય.

આ પણ વાંચો:
1 June 2023 Rules: 1 જૂનથી થશે આ ફેરફાર, તમારા ખિસ્સા પર કરશે સીધી અસર, જાણો વિગતો
PM નું અપમાન કરવાની કિંમત ચુકવવી પડશે, વિપક્ષના બાયકોટ પર શાહનો હુમલો
શુક્રવારનો દિવસ કઈ કઈ રાશિના જાતકો માટે છે શુભ અને કઈ રાશિએ રહેવું સાવધાન જાણો

સ્માર્ટફોનની લાઈફ કેટલી હોય છે? જો તમે બ્રાન્ડેડ કંપનીના સ્માર્ટફોનનો ઉપયોગ કરો છો, તો તે તમને ઘણી મુશ્કેલી વિના દાયકાઓ સુધી સાથ આપશે. જોકે, સ્માર્ટફોન બનાવતી કંપનીઓ હોંશિયાર બની ગઈ છે. આજકાલ કંપનીઓ 2-3 વર્ષ પછી સ્માર્ટફોનમાં સોફ્ટવેર અપડેટ આપવાનું બંધ કરી દે છે. કંપનીઓ બે-ત્રણ વર્ષ પછી એસેસરીઝ બનાવવાનું પણ બંધ કરી દે છે.

સ્માર્ટફોન ક્યારે બદલવો જોઈએ? વાસ્તવમાં તે તમારા પર નિર્ભર છે કે તમે ક્યારે તમારો સ્માર્ટફોન બદલવા માંગો છો. ઘણા લોકો સ્માર્ટફોન બદલી નાખે છે અને 3 થી 4 મહિનામાં માર્કેટમાં આવેલ નવો સ્માર્ટફોન ખરીદે છે. પણ જો જોવામાં આવે તો એમાં કશો અર્થ નથી. આમ કરવાથી તમારું બજેટ પણ બગડે છે. નિષ્ણાતોના મતે જ્યાં સુધી સ્માર્ટફોન વાપરી શકાય તેવો છે ત્યાં સુધી તેનો ઉપયોગ કરવો જોઈએ. જો જરૂરી હોય તો, ફોનની ખરાબ બેટરી અને સ્ક્રીનને બદલી શકાય છે.