ઈંડા-બ્રેડ ખાઈને આ યુવતીએ બચાવ્યા 83 લાખ! 24 વર્ષમાં બનાવી નાખ્યો રિટાયરમેન્ટ પ્લાન

Woman Saved Rs 83 Lakh: એક યુવતીએ પોતાની બચતથી બધાને ચોંકાવી દીધા છે. આજની યુવા પેઢી જ્યાં ખુલીને ખર્ચ કરવામાં વિશ્વાસ રાખે છે, ત્યારે આ યુવતીએ નાની ઉંમરમાં જ સારી એવી રકમ બચાવી લીધી છે. તેમનું સાદું જીવન અને આર્થિક લક્ષ્યો પ્રત્યેનું સમર્પણ એ તમામ લોકો માટે એક પાઠ છે જેઓ તેમની આર્થિક સ્થિતિ સુધારવા માંગે છે.

કમાણીથી વધારે જરૂર છે બચત
રૂપિયા બચાવવા કમાવવા કરતા વધુ મુશ્કેલ માનવામાં આવે છે. ઘણા લોકોની આવક સારી હોય છે, પરંતુ તેમના રૂપિયાનું યોગ્ય મેનેજ કરવા અને વૃદ્ધિ માટે શિસ્ત અને રણનીતિની માંગ કરતા હોય છે. આ યુવતીએ નાની ઉંમરથી જ બચત કરવાનો નિર્ધાર બતાવે છે કે આર્થિક સમજદારીછી કેટલા મોટા પરિણામ હાસિક કરી શકાય છે. ધ સન અનુસાર 24 વર્ષની મિયા મેકગ્રાથે 83 લાખ રૂપિયાની બચત કરી છે.

ફેશન ઇન્ડસ્ટ્રીમાં એક એકાઉન્ટ મેનેજર તરીકે કામ કરતી મિયા તેના ગ્લેમરસ ફિલ્ડના ગ્લેમરથી દૂર રહે છે. તે ઘર પર રસોઇ બનાવે છે, પોતાની કોફી ખુદ જ બનાવે છે અને બિનજરૂરી ખર્ચને ટાળવા માટે પાણીની બોટલ સાથે રાખે છે. મોંઘા કોસ્મેટિક્સ અને કપડાંને ધ્યાનમાં લીધા વિના તેણી પોસાય તેવા વિકલ્પો પસંદ કરે છે અને સેકન્ડ હેન્ડ કપડા પહેરે છે.

બલિદાન અને મહેનતનું ફળ
મિયા માને છે કે, વહેલી નિવૃત્તિ અને આરામદાયક જીવન માટે બલિદાન જરૂરી છે. આવું જ એક બલિદાન છે તેનો લાંબા સમયથી ચાલી રહેલો સાદો નાસ્તો. જેમાં માત્ર ઈંડા અને બ્રેડ છે. તેના માતાપિતા સાથે રહેવાથી તેને ભાડા અને સંબંધિત બિલમાંથી મુક્તિ મળી છે. તે ડેકોરેશન કે સપ્લીમેન્ટ્સ જેવી બિનજરૂરી વસ્તુઓ પર ખર્ચ કરવાનું ટાળે છે. તેનું અંતિમ ટારગેટ 40 વર્ષની ઉંમર સુધીમાં 11 કરોડ રૂપિયા બચાવવાનું છે, જેથી તે ઘર ખરીદી શકે.