Indian Hockey team: ଆଗାମୀ ପିଢ଼ୀ ମନେ ରଖିବେ, ହକି ଦଳକୁ ଏହାର ଐତିହାସିକ ପଦକ ପାଇଁ ଅଭିନନ୍ଦନ ଜଣାଇଲେ ପିଏମ ମୋଦୀ

Indian Hockey team: ଭାରତୀୟ ହକି ଦଳ ସ୍ପେନକୁ ୨-୧ ରେ ପରାସ୍ତ କରି ପ୍ୟାରିସ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଛି। ଏହି ବିଜୟ ସହିତ ଅଭିଜ୍ଞ ଭାରତୀୟ ହକି ଗୋଲକିପର ପି.ଆର ଶ୍ରୀଜେଶ ଅନ୍ତର୍ଜାତୀୟ ହକିରୁ ଅବସର ନେଇଛନ୍ତି।

PM congratulates Indian Hockey team: ଭାରତୀୟ ହକି ଦଳ ସ୍ପେନକୁ ୨-୧ ରେ ପରାସ୍ତ କରି ପ୍ୟାରିସ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଛି। ଏହି ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତକୁ ଅଭିନନ୍ଦନ ଜଣାଇଛନ୍ତି। ଏହି ବିଜୟ ଆଗାମୀ ପିଢ଼ି ଦ୍ୱାରା ସ୍ମରଣୀୟ ହେବ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି। ପଚାଶ ବର୍ଷ ପରେ କ୍ରମାଗତ ଦ୍ୱିତୀୟ ଥର ପାଇଁ ଅଲିମ୍ପିକ୍ସରେ ଭାରତ ପଦକ ଜିତିଛି। ଏହା ସହିତ ଅଲିମ୍ପିକ୍ସରେ ଆଠ ଥର ଚାମ୍ପିୟନ ହୋଇଥିବା ଭାରତୀୟ ହକି ଦଳର ଏହା ୧୩ ତମ ପଦକ।

ହକି ଦଳକୁ ଅଭିନନ୍ଦନ ଜଣାଇ ପିଏମ ମୋଦୀ ଲେଖିଛନ୍ତି, "ଏକ ଏପରି ସଫଳତା ଯାହା ଆଗାମୀ ପିଢ଼ୀ ଦ୍ୱାରା ସ୍ମରଣୀୟ ହୋଇ ରହିବ! ଭାରତୀୟ ହକି ଦଳ ଅଲିମ୍ପିକ୍ସରେ ଚମତ୍କାର ପ୍ରଦର୍ଶନ କରି ବ୍ରୋଞ୍ଜ ପଦକ ଜିତିଛି! ଏହା ଆହୁରି ସ୍ୱତନ୍ତ୍ର କାରଣ ଏହା କ୍ରମାଗତ ଦ୍ୱିତୀୟ ଅଲିମ୍ପିକ୍ସ ପଦକ ଅଟେ। ସେମାନଙ୍କର ସଫଳତା ହେଉଛି ଦକ୍ଷତା, ଦୃଢ଼ତା ଓ ଖେଳ ଭାବନାର ବିଜୟ। ସେମାନେ ବହୁତ ସାହସ ଓ ସ୍ଥିରତା ଦେଖାଇଛନ୍ତି। ଖେଳାଳିମାନଙ୍କୁ ଅଭିନନ୍ଦନ। ପ୍ରତ୍ୟେକ ଭାରତୀୟଙ୍କର ହକି ସହିତ ଏକ ଭାବପ୍ରବଣତା ରହିଛି ଓ ଏହି ସଫଳତା ଆମ ଦେଶର ଯୁବକମାନଙ୍କ ମଧ୍ୟରେ ଖେଳକୁ ଅଧିକ ଲୋକପ୍ରିୟ କରିବ।”

A feat that will be cherished for generations to come!

The Indian Hockey team shines bright at the Olympics, bringing home the Bronze Medal! This is even more special because it is their second consecutive Medal at the Olympics.

Their success is a triumph of skill,…

— Narendra Modi (@narendramodi) August 8, 2024

ଏହାପୂର୍ବରୁ ଅଧିନାୟକ ହରମାନପ୍ରୀତ ସିଂ ୩୦ ଓ ୩୩ ମିନିଟରେ ଭାରତ ପାଇଁ ଦୁଇଟି ଗୋଲ ସ୍କୋର କରିଥିଲେ। ୧୮ ମିନିଟରେ ସ୍ପେନ ପାଇଁ ମାର୍କ ମିରାଲେସ୍ ଗୋଲ୍ ସ୍କୋର ଦେଇଥିଲେ। ଏହି ବିଜୟ ସହିତ ଅଭିଜ୍ଞ ଭାରତୀୟ ହକି ଗୋଲକିପର ପି.ଆର ଶ୍ରୀଜେଶ ଅନ୍ତର୍ଜାତୀୟ ହକିରୁ ଅବସର ନେଇଛନ୍ତି।