New Tax Regime Deductions: ತೆರಿಗೆದಾರರಿಗೆ ಹೊಸ ತೆರಿಗೆ ವ್ಯವಸ್ಥೆಯಲ್ಲೂ ಸಿಗುತ್ತೆ 3 ರೀತಿಯ ಕಡಿತದ ಪ್ರಯೋಜನ..!

New Tax Regime Deductions: ದೇಶಾದ್ಯಂತ ಪ್ರಸ್ತುತ 72% ನಂಷ್ಟೂ ತೆರಿಗೆದಾರರು ಹೊಸ ತೆರಿಗೆ ವ್ಯವಸ್ಥೆಯನ್ನು ಅಳವಡಿಸಿಕೊಂಡಿದ್ದಾರೆ.

New Tax Regime Deductions: ಮೋದಿ ಸರ್ಕಾರವು ವೈಯಕ್ತಿಕ ಆದಾಯ ತೆರಿಗೆಯನ್ನು ಸರಲೀಕರಣಗೊಳಿಸಲು ಹೊಸ ತೆರಿಗೆ ಪದ್ದತಿಯನ್ನು ಜಾರಿಗೊಳಿಸಿದೆ. 2024-25ರ ಆರ್ಥಿಕ ವರ್ಷದಲ್ಲಿ ಒಟ್ಟು 7.28 ಕೋಟಿ ಐ‌ಟಿ‌ಆರ್‌ನಲ್ಲಿ ಸುಮಾರು 5.27 ಕೋಟಿ  ರಿಟರ್ನ್‌ಗಳನ್ನು ಹೊಸ ತೆರಿಗೆ ಪದ್ದತಿಯಲ್ಲಿ ಸಲ್ಲಿಸಲಾಗಿದೆ. ಇದೇ ವೇಳೆ 2.01 ಕೋಟಿ ರಿಟರ್ನ್‌ಗಳನ್ನು ಹಳೆ ತೆರಿಗೆ ಪದ್ದತಿ ಅಡಿಯಲ್ಲಿ ಸಲ್ಲಿಸಲಾಗಿದೆ. ಅರ್ಥಾತ್ ದೇಶಾದ್ಯಂತ ಸುಮಾರು 72% ತೆರಿಗೆದಾರರು ಹೊಸ ತೆರಿಗೆ ವ್ಯವಸ್ಥೆಯನ್ನು ಅಳವಡಿಸಿಕೊಂಡಿದ್ದಾರೆ. 

ವಾಸ್ತವವಾಗಿ, ಹೊಸ ತೆರಿಗೆ ವ್ಯವಸ್ಥೆಯಲ್ಲಿ ಸರ್ಕಾರವು ಮನೆ ಬಾಡಿಗೆ (ಎಚ್‌ಆರ್‌ಎ), ರಜೆ ಪ್ರಯಾಣ ಭತ್ಯೆ (ಎಲ್‌ಟಿ‌ಎ), ಗೃಹ ಸಾಲ ಮೇಲಿನ ಬಡ್ಡಿ, ಸೆಕ್ಷನ್ 80ಸಿ ಯಂತಹ ಹಲವು ಜನಪ್ರಿಯ ತೆರಿಗೆ ಕಡಿತಗಳನ್ನು ತೆಗೆದುಹಾಕಿದ್ದರೂ ಹೆಚ್ಚಿನ ತೆರಿಗೆದಾರರು ಹೊಸ ತೆರಿಗೆ ಪದ್ದತಿಯನ್ನು ಅಳವಡಿಸಿಕೊಳ್ಳಲು ಬಹುಮುಖ್ಯ ಕಾರಣವೆಂದರೆ ಇದರಲ್ಲಿ ಮೂರು ಪ್ರಮುಖ ವಿನಾಯಿತಿಗಳನ್ನು ನೀಡುತ್ತಿರುವುದು. 

ಹೌದು, ಆದಾಯ ತೆರಿಗೆ ಇಲಾಖೆಯು ಹೊಸ ತೆರಿಗೆ ಪದ್ದತಿಯಲ್ಲಿ ಮೂರು ಪ್ರಮುಖ ತೆರಿಗೆ ವಿನಾಯಿತಿಗಳನ್ನು ನೀಡುತ್ತಿದೆ. ಅವುಗಳೆಂದರೆ, ಪ್ರಮಾಣಿತ ಕಡಿತ, ಎನ್‌ಪಿ‌ಎಸ್ ಹಾಗೂ ಗ್ರಾಚ್ಯುಟಿ. 

ಇದನ್ನೂ ಓದಿ- New PF System: ಇಪಿ‌ಎಫ್‌ಒ ಚಂದಾದಾರರು UPI ಮೂಲವೇ ಪಿ‌ಎಫ್ ಹಣ ವಿತ್ ಡ್ರಾ ಮಾಡಬಹುದು, ಇಲ್ಲಿದೆ ಸಿಂಪಲ್ ಟ್ರಿಕ್

* ಪ್ರಮಾಣಿತ ಕಡಿತ/ಸ್ಟಾಂಡರ್ಡ್ ಡಿಡಕ್ಷನ್: 
ಸಂಬಳ ಪಡೆಯುವ ನೌಕರರು ಮತ್ತು ಪಿಂಚಣಿದಾರರು ಹೊಸ ತೆರಿಗೆ ಪದ್ದತಿಯಲ್ಲಿ ಪ್ರಮಾಣಿತ ಕಡಿತ/ಸ್ಟಾಂಡರ್ಡ್ ಡಿಡಕ್ಷನ್ ಪ್ರಯೋಜನವನ್ನು ಪಡೆಯಬಹುದು. ಈ ಮೊದಲು ₹ 50,000 ಇದ್ದ  ಪ್ರಮಾಣಿಕ ಕಡಿತ 2024-25ನೇ ವಿತ್ತೀಯ ವರ್ಷದಲ್ಲಿ ₹ 75,000ಕ್ಕೆ ಏರಿಕೆಯಾಗಿದೆ. ಇದು ತೆರಿಗೆದಾರರಿಗೆ ಟ್ಯಾಕ್ಸ್ ಹೊಣೆಗಾರಿಕೆಯನ್ನು ಕಡಿಮೆ ಮಾಡುತ್ತದೆ. 

* ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (ಎನ್‌ಪಿ‌ಎಸ್): 
ಹೊಸ ತೆರಿಗೆ ಪದ್ದತಿಯಲ್ಲಿ ಉದ್ಯೋಗದಾತರು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ-ಎನ್‌ಪಿ‌ಎಸ್ ಗೆ ನೀಡುವ ಕೊಡುಗೆಗಳ ಮೇಲೆ ತೆರಿಗೆ ವಿನಾಯಿತಿಯನ್ನು ನೀಡುತ್ತಿದೆ. ಇದರ ಅಡಿಯಲ್ಲಿ ಸೆಕ್ಷನ್ 80ಸಿ‌ಸಿ‌ಡಿ(2) ಅಡಿಯಲ್ಲಿ ತೆರಿಗೆ ವಿನಾಯಿತಿಯನ್ನು ನೀಡುತ್ತದೆ. 

ಇದನ್ನೂ ಓದಿ- ಆನ್‌ಲೈನ್‌ನಲ್ಲಿ ಆಧಾರ್ ಕಾರ್ಡ್‌ಗೆ ಫೋನ್ ಸಂಖ್ಯೆಯನ್ನು ಅಪ್‌ಡೇಟ್‌ ಮಾಡುವುದು ಹೇಗೆ?

* ಗ್ರಾಚ್ಯುಟಿ: 
ಹೊಸ ತೆರಿಗೆ ಪದ್ದತಿಯಲ್ಲಿ ನಿವೃತ್ತಿಯ ವೇಳೆ ಪಡೆಯುವ ಗ್ರಾಚ್ಯುಟಿಯು ತೆರಿಗೆ ಮುಕ್ತವಾಗಿರುತ್ತದೆ. ಆದಾಯ ತೆರಿಗೆ ಕಾಯ್ದೆ ಸೆಕ್ಷನ್ 10(10)
ರ ಅಡಿಯಲ್ಲಿ ಈ ವಿನಾಯಿತಿಯನ್ನು ನೀಡಲಾಗುತ್ತದೆ. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.