Kamal Srividya Love : ತಮ್ಮ ಜೊತೆ ತಾಯಿಯಾಗಿ ನಟಿಸಿದ ನಟಿಯನ್ನೇ ಲವ್‌ ಮಾಡಿದ್ರು ಕಮಲ್ ಹಾಸನ್! ಯಾರು ಆ ನಟಿ?

Kamal Haasan Srividya love story : ಬಾಲನಟನಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಕಮಲ್ ಹಾಸನ್ ಈಗ ಭಾರತೀಯ ಚಿತ್ರರಂಗದ ʼವಿಶ್ವನಾಯಕʼ ಎಂದು ಗುರುತಿಸಿಕೊಂಡಿದ್ದಾರೆ. ಎಲ್ಲರಂತೆ ಕಮಲ್‌ ಜೀವನದಲ್ಲೂ ಪ್ರೇಮಕಥೆ ಇತ್ತು. ಆದರೆ ಅದು ಯಶಸ್ವಿಯಾಗಿ ಉಳಿಯಲಿಲ್ಲ. ಸೂಪರ್‌ ಸ್ಟಾರ ನಟ ಚಿತ್ರದಲ್ಲಿ ತಮ್ಮ ತಾಯಿಯ ಪಾತ್ರದಲ್ಲಿ ನಟಿಸುತ್ತಿದ್ದ ನಟಿಯ ಜೊತೆ ಪ್ರೀತಿಯ ಬಲೆಯಲ್ಲಿ ಬಿದ್ದ ಕಥೆ ನಿಮ್ಗೆ ಗೊತ್ತೆ..? ಬನ್ನಿ ತಿಳಿಯೋಣ..

Kamal Haasan love story : ಕಾಲಿವುಡ್‌ನಲ್ಲಿ ಖ್ಯಾತಿ ಪಡೆದರೂ ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಕಮಲ್‌ಗೆ ಗುರುತು ಇದೆ. ಕನ್ನಡ, ತೆಲುಗು, ಹಿಂದಿ ಸಿನಿಮಾದಲ್ಲಿಯೂ ನಟಿಸಿದ್ದಾರೆ. ಚಿಕ್ಕವಯಸ್ಸಿನಲ್ಲಿ ಸಿನಿಮಾರಂಗದಲ್ಲಿ ಕಾಣಿಸಿಕೊಂಡ ಕಮಲ್ ಹಾಸನ್, ಸಿನಿಮಾವನ್ನು ಕಲಿತು, ಇತರರಿಗೂ ಕಲಿಸಿ, ಇಂದು ಭಾರತೀಯ ಚಿತ್ರರಂಗದ ಮಹತ್ವವನ್ನು ವಿಶ್ವಕ್ಕೆ ಸಾರಿದ ನಟರ ಪೈಕಿ ಒಬ್ಬರಾಗಿದ್ದಾರೆ.

ಅಭಿಮಾನಿಗಳು ಹೀರೋಗಳಿಗಾಗಿ ಅಲ್ಲ ಕಥೆಗಳಿಗಾಗಿ ಚಿತ್ರಮಂದಿರಗಳಿಗೆ ಹೋಗುತ್ತಿದ್ದ ಕಾಲದಲ್ಲಿ, ಕಮಲ್ ತಮ್ಮ ಪಾತ್ರದ ಮೂಲಕ ಸಿನಿರಸಿಕರ ಅಚ್ಚುಮೆಚ್ಚಿನ ನಟನಾಗಿ ಹೊರಹೊಮ್ಮಿದರು. ಸಿನಿಮಾಗಳಲ್ಲಿ ಎಲ್ಲವನ್ನೂ ತೆರೆದ ಹೃದಯದಿಂದ ಕಲಿತು ಒಪ್ಪಿಕೊಂಡ ಅವರು ತಮ್ಮ ವೈಯಕ್ತಿಕ ಜೀವನದಲ್ಲಾದ ಪ್ರತಿ ಘಟನೆಗಳನ್ನು ಅದೇ ಮುಕ್ತ ಹೃದಯದಿಂದ ಸ್ವೀಕರಿಸಿದರು. 

ಇದನ್ನೂ ಓದಿ:ಮತ್ತೇ ಇತಿಹಾಸ ಸೃಷ್ಟಿಸಲು ರಾಜಮೌಳಿ ರೆಡಿ..! ಸದ್ಯದಲ್ಲೇ ಸೆಟ್ಟೇರಲಿದೆ ಹೊಸ ಸಿನಿಮಾ

ಹೆಸರಾಂತ ನಟನಾಗಿ ಗುರುತಿಸಿಕೊಂಡರೂ ಸಹ ತಮ್ಮ ಹೃದಯದಲ್ಲಿ ಸ್ಥಾನ ಪಡೆದ ಮಹಿಳೆಯೊಂದಿಗೆ ಕೈ ಹಿಡಿಯಲು ಕಮಲ್‌ಗೆ ಸಾಧ್ಯವಾಗಲಿಲ್ಲ. ಮುಂದೆ ಅದೇ ನಟಿ ಅವರ ತಾಯಿ ಮತ್ತು ಅತ್ತೆಯ ಪಾತ್ರದಲ್ಲಿ ನಟಿಸಿರು. ಹೌದು.. ಆ ನಟಿ ಬೇರೆ ಯಾರು ಅಲ್ಲ, ಶ್ರೀವಿದ್ಯಾ.

ಆಗ ಕಮಲ್ ಚಿತ್ರರಂಗದಲ್ಲಿ ಬೆಳೆಯುತ್ತಿದ್ದರು. ಅವರಂತೆಯೇ, ಶ್ರೀವಿದ್ಯಾ ಕಲಾ ಕುಟುಂಬದಿಂದ ಬಂದವರು. ಅವರ ತಂದೆ ಕೃಷ್ಣಮೂರ್ತಿ ಒಬ್ಬ ನಿಪುಣ ಹಾಸ್ಯನಟ, ಅವರ ತಾಯಿ ಎಂಎಲ್ ವಸಂತ ಕುಮಾರಿ ಸಂಗೀತಗಾರ್ತಿ ಮತ್ತು ಚಲನಚಿತ್ರ ಗಾಯಕಿ. ‘ಅಪೂರ್ವ ರಾಗಂಗಳ್’ ಚಿತ್ರದಲ್ಲಿ ಶ್ರೀವಿದ್ಯಾ ಮತ್ತು ಕಮಲ್ ಹಾಸನ್ ಜೋಡಿಯಾಗಿ ನಟಿಸಿದ್ದರು.

ಇದನ್ನೂ ಓದಿ:ಬಾಯ್‌ಫ್ರೆಂಡ್‌ಗಾಗಿ ಹೃದಯದ ಮೇಲೆ ಟ್ಯಾಟೂ..! ಲವ್‌ ಸ್ಟೋರಿ ಬಿಚ್ಚಿಟ್ಟ ಶ್ರದ್ಧಾ ಶ್ರೀನಾಥ್

ಈ ಸಿನಿಮಾದಲ್ಲಿ ಪ್ರೇಮಿಗಳ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಕಮಲ್‌-ಶ್ರೀವಿದ್ಯಾ ನಡುವೆ ಪ್ರೀತಿಯ ಅಂಕುರ ಚಿಗುರಿತ್ತು. ʼಅಣ್ಣೈ ವೇಲಾಂಗಣಿʼ 'ಉನ್ನರ್ಚಿಗಳು' ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಕಮಲ್ ಹಾಸನ್-ಶ್ರೀವಿದ್ಯಾ ಕಾಂಬಿನೇಷನ್‌ ಸಿನಿಮಾಗಳು ಪ್ರೇಕ್ಷಕರಿಗೆ ತುಂಬಾ ಇಷ್ಟವಾದವು.

ಪರಸ್ಪರ ಇಬ್ಬರಿಗೂ ಮದುವೆ ಆಗುವ ಆಸೆ ಇದ್ದರೂ ಶ್ರೀವಿದ್ಯಾ ತಾಯಿ ಇದಕ್ಕೆ ಒಪ್ಪಿರಲಿಲ್ಲ. ಕಮಲ್ ಹಾಸನ್ 1978 ರಲ್ಲಿ ನೃತ್ಯಗಾರ್ತಿ ವಾಣಿ ಗಣಪತಿ ಅವರನ್ನು ವಿವಾಹವಾದರು. ತದನಂತರ ಒಂದು ಕಾಲದಲ್ಲಿ ಕಮಲ್ ಹಾಸನ್ ಜೊತೆ ಜೋಡಿಯಾಗಿ ನಟಿಸಿದ್ದ ಶ್ರೀವಿದ್ಯಾ 'ಅಪೂರ್ವ ಬ್ರದರ್ಸ್' ನಲ್ಲಿ ಅವರ ತಾಯಿಯಾಗಿ ಕಾಣಿಸಿಕೊಂಡಿದ್ದರು. ಆ ನಂತರ 1998ರಲ್ಲಿ ತೆರೆಕಂಡ ‘ಕಡಲ ವಲ್ಧನ’ ಚಿತ್ರದಲ್ಲಿ ಕಮಲ್ ಅತ್ತೆಯ ಪಾತ್ರವನ್ನು ನಿರ್ವಹಿಸಿದರು. ಇಬ್ಬರೂ ತಮ್ಮ ಅಭಿನಯದ ಮೂಲಕ ಜನ ಮೆಚ್ಚುಗೆ ಪಡೆದರು.

ಇದನ್ನೂ ಓದಿ:BBK 10: ಬಿಗ್‌ಬಾಸ್ ಮನೆಯಲ್ಲಿ ಗಂಡಸರದ್ದೇ ದರ್ಬಾರ್‌..! ಮಹಿಳೆಯರಿಗೆ ಸಿಕ್ತಿಲ್ವಾ ಅವಕಾಶ?

ಹೀಗೆ ನಟಿಸುತ್ತಿರುವಾಗಲೇ ಕಮಲ್ ಹಾಸನ್ ಹಿಂದಿ ನಟಿ ಸಾರಿಕಾ ಅವರನ್ನು ವಿವಾಹವಾದರು, ಅದು 2004 ರಲ್ಲಿ ಅನೈತಿಕ ಸಂಬಂಧದಲ್ಲಿ ಕೊನೆಗೊಂಡಿತು. ಶ್ರೀವಿದ್ಯಾ 1976 ರಲ್ಲಿ ಜಾರ್ಜ್ ಥಾಮಸ್ ಎಂಬ ಸಹಾಯಕ ನಿರ್ದೇಶಕರನ್ನು ವಿವಾಹವಾದರು. ಗಂಡನಿಗಾಗಿ ಏನು ಬೇಕಾದರೂ ಮಾಡಲು ಸಿದ್ಧಳಾದ ಆಕೆ ಒಂದು ಹಂತದಲ್ಲಿ ಆಸ್ತಿಯನ್ನೂ ಕಳೆದುಕೊಂಡಳು. ಜಾರ್ಜ್ ಆಕೆಗೆ ಹೊಡೆದು ಚಿತ್ರಹಿಂಸೆ ನೀಡಿದ್ದಾನೆ ಎನ್ನಲಾಗಿತ್ತು. ಕೊನೆಯದಾಗಿ 1980 ರಲ್ಲಿ ವಿಚ್ಛೇದನ ಪಡೆದರು. ಅಂತಿಮವಾಗಿ, ಶ್ರೀವಿದ್ಯಾ 2006 ರಲ್ಲಿ ಮೆಟಾಸ್ಟಾಟಿಕ್ ಸ್ತನ ಕ್ಯಾನ್ಸರ್‌ನಿಂದ ನಿಧನರಾದರು.