Ravichandran Birthday : ಕ್ರೇಜಿಸ್ಟಾರ್‌ಗೆ 62ನೇ ವಸಂತದ ಸಂಭ್ರಮ; ಅಭಿಮಾನಿಗಳಿಂದ ಶುಭಾಶಯಗಳ ಸುರಿಮಳೆ

Crazy Star Ravichandran : ಅಭಿಮಾನಿಗಳ ನೆಚ್ಚಿನ ಕನಸುಗಾರ, ರಸಿಕ, ಕ್ರೇಜಿಸ್ಟಾರ್‌ ರವಿಚಂದ್ರನ್‌ ಅವರು ತಮ್ಮ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಅಭಿಮಾನಿಗಳು ತಮ್ಮ ಪ್ರೀತಿಯ ನಟನಿಗೆ ಶುಭಾಶಯಗಳ ಸುರಿಮಳೆಯನ್ನೇ ಸುರಿಸುತ್ತಿದ್ದಾರೆ. ಇವರು ಕನ್ನಡ ಸಿನಿರಂಗದಲ್ಲಿ ನಟನಾಗಿ, ನಿರ್ದೇಶಕನಾಗಿ, ನಿರ್ಮಾಪಕನಾಗಿ, ಗೀತ ಸಾಹಿತಿಯಾಗಿ ಗುರುತಿಸಿಕೊಂಡಿದ್ದಾರೆ.

Sandalwood : ತಮ್ಮ ಸೂಪರ್‌ ಹಿಟ್‌ ಸಿನಿಮಾಗಳ ಮೂಲಕ ಎಲ್ಲರ ಮನಸ್ಸನ್ನು ಕದ್ದಿರುವ ಕ್ರೇಜಿಸ್ಟಾರ್‌ 1968ರಲ್ಲಿ ಧೂಮಕೇತು ಚಿತ್ರದ ಮೂಲಕ ಸಿನಿರಂಗ ಪ್ರವೇಶಿಸಿದರು. ಅವರ ತಂದೆ ವೀರಸ್ವಾಮಿ ಅವರು ಖ್ಯಾತ ನಿರ್ಮಾಪಕರು. ಇದೇ ಕಾರಣಕ್ಕೆ ರವಿಚಂದ್ರನ್‌ ಅವರು ಚಿತ್ರರಂಗಕ್ಕೆ ಬರೋದು ಕಷ್ಟವಾಗಲಿಲ್ಲ. ಆದರೆ ಅವರು ಸಿನಿರಂಗದಲ್ಲಿ ತಮ್ಮ ಪ್ರತಿಭೆಯಿಂದಲೇ ಗುರುತಿಸಿಕೊಂಡವರು. 

ಸೂಪರ್‌ ಹಿಟ್‌ ಸಿನಿಮಾಗಳನ್ನು ಕನ್ನಡ ಚಿತ್ರರಂಗಕ್ಕೆ ನೀಡಿದ ಇವರು ಅದ್ಧೂರಿ ಹಾಡುಗಳು, ಅದ್ಭುತ ದೃಶ್ಯಗಳನ್ನು ತೆರೆಮೇಲೆ ತೆರೆದಿಟ್ಟ ಚಿತ್ರರಂಗದ ಪ್ರತಿಭಾನ್ವಿತ ನಟ ಇವರು. ತಮ್ಮ ಸ್ವಂತಿಕೆಯಲ್ಲಿಯೆ ಕನ್ನಡ ಚಿತ್ರರಂಗದಲ್ಲಿ ತಮ್ಮ ಛಾಪನ್ನು ಮೂಡಿಸಿದ್ದಾರೆ. ಸಖತ್‌ ಸಿನಿಮಾಗಳಿಂದ ಕನ್ನಡ ಸಿನಿರಂಗವನ್ಜು ಶ್ರೀಮಂತಗೊಳಿಸಿದ ಕಲಾವಿದ ನಮ್ಮ ಕ್ರೇಜಿಸ್ಟಾರ್.‌ 

ಇದನ್ನೂ ಓದಿ-ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾಗೆ ಮಗಳು ತುಂಬಾ ಅಂದ್ರೆ ತುಂಬಾ ಲಕ್ಕಿ...!

ಅಲ್ಲದೇ ಸುಂದರವಾದ ನಟಿಯರನ್ನು ಕನ್ನಡ ಚಿತ್ರರಂಗಕ್ಕೆ ಪರಿಯಿಸಿದ ನಟ ಇವರು. ಜೊತೆಗೆ ಸಾಕಷ್ಟು ಪ್ರತಿಭೆಗಳಿಗೆ ಅವಕಾಶವನ್ನು ರವಿಚಂದ್ರನ್‌ ಅವರು ಕಲ್ಪಿಸಿಕೊಟ್ಟಿದ್ದಾರೆ. ಕನ್ನಡ ಚಿತ್ರಂಗದಲ್ಲಿ ಸಾಕಷ್ಟು ಮೊದಲುಗಳಿಗೆ ರವಿಚಂದ್ರನ್‌ ಅವರಿಂದಲೇ ನಾಂದಿ ಹಾಡಲಾಯಿತು. 

90ರ ದಶಕದಲ್ಲಿಯೇ ಹತ್ತಾರು ಕೋಟಿ ರೂ ಬಜೆಟ್‌ನಲ್ಲಿ ಸಿನಿಮಾಗಳನ್ನು ಮಾಡಿದ ಇವರು, ಗೆದ್ದಾಗ ಹಿಗ್ಗದೇ ಸೋತಾಗ ಕುಗ್ಗದೇ ಕನ್ನಡ ಸಿನಿರಂಗದಲ್ಲಿ ಬೆಳೆದುನಿಂತಿದ್ದಾರೆ. ಜೊತೆಗೆ ಇವರು ಅವರ ತಂದೆ ಆರಂಭಿಸಿದ ಈಶ್ವರಿ ಪ್ರೊಡಕ್ಷನ್‌ ಸಂಸ್ಥೆಯನ್ನು ಕಟ್ಟಿಬೆಳೆಸುತ್ತಿದ್ದಾರೆ.