Pushpa 2: ಸಕತ್ ಸದ್ದು ಮಾಡ್ತಿರೋ ಶ್ರೀಲೀಲಾರ ಐಟಂ ಸಾಂಗ್ ‘ಕಿಸಕ್’ ಬಗ್ಗೆ ‘ಊ ಅಂಟಾವಾ’ ಹಾಡಿಗೆ ಸೊಂಟ ಬಳುಕಿಸಿದ್ದ ಸಮಂತಾ ಏನೇಳಿದ್ದಾರೆ ಗೊತ್ತಾ?

Samantha Ruth Prabhu: ‘ಪುಷ್ಪಾ: ದಿ ರೈಸ್’ ಸಿನಿಮಾದ ಸಕ್ಸಸ್ ಗೆ ಸಮಂತಾ ರುತು ಪ್ರಭು ಸೊಂಟ ಬಳುಕಿಸಿದ್ದ ‘ಉ ಅಂಟವಾ ಮಾವ ಉ ಉ ಅಂಟವಾ…’ ಹಾಡು ಕೂಡ ಕಾರಣವಾಗಿತ್ತು. ಆದರೂ ಚಿತ್ರ ತಂಡ ‘ಪುಷ್ಪಾ-2’ರಲ್ಲಿ ಸಮಂತಾ ಅವರನ್ನು ಕೈ ಬಿಟ್ಟು ಶ್ರೀಲೀಲಾ ಅವರಿಂದ ‘ಕಿಸಕ್’ ಐಟಂ ಸಾಂಗ್ ಮಾಡಿಸಿದೆ. ‘ಕಿಸಕ್’ ಹಾಡಿನ ಬಗ್ಗೆ ಪ್ರತಿಕ್ರಿಯಿಸಿರುವ ಸಮಂತಾ ಶ್ರೀಲೀಲಾ ಡ್ಯಾನ್ಸ್ ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

‘ಪುಷ್ಪಾ: ದಿ ರೈಸ್’ ಸಿನಿಮಾದಲ್ಲಿ ಕಮಾಲ್ ಮಾಡಿದ್ದ ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಜೋಡಿಯ ಬಹುನಿರೀಕ್ಷಿತ ಚಿತ್ರ ‘ಪುಷ್ಪಾ-2’ ಬಿಡುಗಡೆಗೆ ಕ್ಷಣಗಣನೆ ಶುರುವಾಗಿದೆ. ಇದೇ ನವೆಂಬರ್ 24ರಂದು ಚಿತ್ರ ತಂಡ ‘ಪುಷ್ಪಾ-2’ ಸಿನಿಮಾದ ಐಟಂ ಸಾಂಗಿನ ಸೀಕ್ವೆಲ್ ಬಿಡುಗಡೆ ಮಾಡಿದೆ. ‘ಕಿಸಕ್’ ಹಾಡಿಗೆ ತನ್ನ ಡ್ಯಾನ್ಸ್ ಮೂಲಕವೇ ತೆಲುಗು ಚಿತ್ರರಂಗವನ್ನು ತಲ್ಲಣಗೊಳಿಸಿರುವ ಇನ್ನೊಬ್ಬ ಕನ್ನಡತಿ ಶ್ರೀಲೀಲಾ ಸಕತ್ತಾಗಿ ಸ್ಟೆಪ್ ಹಾಕಿದ್ದಾರೆ. ಶ್ರೀಲೀಲಾರ ‘ಕಿಸಕ್’ ಹಾಡು ಕೂಡ ‘ಉ ಅಂಟವಾ ಮಾವ ಉ ಉ ಅಂಟವಾ…’ ಹಾಡಿನಂತೆ ಪಡ್ಡೆ ಹುಡುಗರ ನಿದ್ದೆ ಕೆಡಿಸುತ್ತದೆ ಎಂದೇ ಹೇಳಲಾಗುತ್ತಿದೆ.

ಪಾಟ್ನಾದಲ್ಲಿ ‘ಪುಷ್ಪಾ-2’ ಟ್ರೈಲರ್ ಬಿಡುಗಡೆಯಾದಾಗಲೇ ಸಿನಿಮಾ ಬಗ್ಗೆ ತೀವ್ರ ಕುತೂಹಲ ಮೂಡಿತ್ತು. ಇದೀಗ ‘ಕಿಸಕ್’ ಹಾಡಿನ ಸೀಕ್ವೆಲ್ ರಿವೀಲ್ ಮಾಡಿ ಚಿತ್ರ ತಂಡ ಪ್ರೇಕ್ಷಕರನ್ನು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿದೆ. ಟ್ರೈಲರ್ ಬಗ್ಗೆ ರಾಜಮೌಳಿ ಅವರಂಥ ಪ್ರಖ್ಯಾತ ನಿರ್ದೇಶಕರು ಮೆಚ್ಚುಗೆ ವ್ಯಕ್ತಪಡಿಸಿ ಚಿತ್ರ ಬಿಡುಗಡೆಗೆ ಕಾಯುತ್ತಿದ್ದೇನೆ ಎಂದು ಹೇಳಿದ್ದರು. ಇನ್ನೂ ಹಲವಾರು ‘ಕುತೂಹಲ ತಡೆಯಲಾಗುತ್ತಿಲ್ಲ, ಬೇಗ ಸಿನಿಮಾ ಬಿಡುಗಡೆ ಮಾಡಿ’ ಎಂದು ಬೇಡಿಕೊಂಡಿದ್ದರು. ಇದೀಗ ‘ಕಿಸಕ್’ ಹಾಡಿನ ಸರದಿ… 

ಇದನ್ನೂ ಓದಿ- ಮ್ಯೂಸಿಕ್ ಮಾಂತ್ರಿಕ ಎ.ಆರ್. ರೆಹಮಾನ್ ಅವರಿಂದ ವಿಚ್ಛೇದನ ಪಡೆದ ಸಾಯಿರಾ ಬಾನು ಯಾರು? ಅವರ ಹಿನ್ನೆಲೆ ಏನು ಗೊತ್ತಾ?

ಶ್ರೀಲೀಲಾ ಅವರ ‘ಕಿಸಕ್’ ಹಾಡಿನ ಸೀಕ್ವೆಲ್ ಅನ್ನು ಸಮಂತಾ ಋತು ಪ್ರಭು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ಶ್ರೀಲೀಲಾ  ಡ್ಯಾನ್ಸ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಮೂಲಕ ‘ಪುಷ್ಪಾ-2’  ಸಿನಿಮಾ ನೋಡುವಂತೆ ತನ್ನ ಅಭಿಮಾನಿಗಳನ್ನು ಪ್ರೇರೇಪಿಸಿದ್ದಾರೆ. ‘Shreeleela U Killed It… Keep cam and wait for Pushpa -2’ ಎಂದು ಬರೆದುಕೊಂಡಿದ್ದಾರೆ.

ಅಲ್ಲು ಅರ್ಜುನ್ ಮತ್ತು ಶ್ರೀಲೀಲಾ ಪವರ್ ಫುಲ್ ಡ್ಯಾನ್ಸ್ ಮಾಡಿರುವ ‘ಕಿಸಕ್’ ಹಾಡನ್ನು ದೇವಿ ಶ್ರೀ ಪ್ರಸಾದ್ ಹಾಡಿದ್ದಾರೆ. ಚಂದ್ರಬೋಸ್ ಬರೆದಿರುವ ಈ ಹಾಡಿನ್ನು ದೇವಿ ಪ್ರಸಾದ್ ವಿಭಿನ್ನ ಧ್ವನಿಯಲ್ಲಿ ಹಾಡಿ ಇನ್ನಷ್ಟು ಮೆರುಗುಗೊಳಿಸಿದ್ದಾರೆ. ಚಂದ್ರ ಬೋಸ್ ಹಾಡು, ದೇವಿ ಶ್ರೀ ಪ್ರಸಾದ್ ಗಾಯನವನ್ನು ಡ್ಯಾನ್ಸ್ ಮಾಸ್ಟರ್ ಗಣೇಶ್ ಆಚಾರ್ಯ ಇನ್ನೊಂದು ಹಂತಕ್ಕೆ ಕೊಂಡೊಯ್ಯುತ್ತಿದ್ದಾರೆ. ಸೀಕ್ವೆಲ್ ನೋಡಿದವರೆಲ್ಲಾ ಕೊರಿಯೋಗ್ರಫಿ ಬಗ್ಗೆ ಹಿರಿಹಿರಿ ಹಿಗ್ಗುತ್ತಿದ್ದಾರೆ. ಅಂದಹಾಗೆ ‘ಉ ಅಂಟವಾ ಮಾವ ಉ ಉ ಅಂಟವಾ…’ ಹಾಡಿನ ಕೊರಿಯೋಗ್ರಫಿ ಕೂಡ ಗಣೇಶ್ ಆಚಾರ್ಯ ಅವರದೇಯಾಗಿತ್ತು.

ಇದನ್ನೂ ಓದಿ- "ಆತನಿಗೆ ಅವೆಲ್ಲವನ್ನು ನೀಡಿದ್ದು ನನ್ನ ಜೀವನದ ಬಹುದೊಡ್ಡ ವೇಸ್ಟ್...!" ನಾಗಚೈತನ್ಯ 2ನೇ ಮದುವೆಗೂ ಮುನ್ನ ಕಿಚ್ಚು ಹಚ್ಚಿದ ಸಮಂತಾ ಸ್ಟೇಟ್‌​ಮೆಂಟ್

ಮೈತ್ರಿ ಮೂವೀ ಮೇಕರ್ಸ್ ನಿರ್ಮಾಣ ಮಾಡುತ್ತಿರುವ  ‘ಪುಷ್ಪಾ-2’  ಸಿನಿಮಾವನ್ನು ಸುಕುಮಾರ್ ನಿರ್ದೇಶಿಸಿದ್ದಾರೆ. ಡಿಸೆಂಬರ್ 5ಕ್ಕೆ ದೇಶಾದ್ಯಂತ  ‘ಪುಷ್ಪಾ-2’  ಸಿನಿಮಾ ರಿಲೀಸ್ ಆಗಲಿದೆ. ಬಿಡುಗಡೆಗೆ ಎಲ್ಲಾ ರೀತಿಯ ಸಿದ್ದತೆಗಳು ಆಗುತ್ತಿದ್ದು ಸದ್ಯ ಭರ್ಜರಿ ಪ್ರಚಾರ ನಡೆಯುತ್ತಿದೆ. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಜೊತೆಗೆ ಫಹದ್ ಫಾಸಿಲ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅವರು  ‘ಪುಷ್ಪಾ-1’  ಸಿನಿಮಾದಲ್ಲೂ ಇದ್ದರು.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.