ಕೋಲ್ಕತ್ತಾ: ದೀರ್ಘಾವಧಿಯಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ 89 ವರ್ಷ ವಯಸ್ಸಿನ ಲೋಕಸಭೆ ಮಾಜಿ ಸ್ಪೀಕರ್ ಸೋಮನಾಥ್ ಚಟರ್ಜಿ ಸೋಮವಾರ ಮುಂಜಾನೆ 08:15ಕ್ಕೆ ಕೊನೆಯುಸಿರೆಳೆದಿದ್ದಾರೆ.
10 ಬಾರಿ ಲೋಕಸಭೆ ಸಂಸದರಾಗಿದ್ದ ಸೋಮನಾಥ ಚಟರ್ಜಿ 2004 ರಿಂದ 2009 ರವರೆಗೆ ಲೋಕಸಭೆಯ ಸ್ಪೀಕರ್ ಆಗಿ ಕಾರ್ಯನಿರ್ವಹಿಸಿದ್ದರು. ಮೂತ್ರಪಿಂಡದ ಸಮಸ್ಯೆಯಿಂದ ಬಳಲುತ್ತಿದ್ದ ಅವರನ್ನು ಆಗಸ್ಟ್ 10 ರಂದು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ತೀವ್ರ ನಿಗಾ ಘಟಕದಲ್ಲಿ ಅವರಿಗೆ ಚಿಕಿತ್ಸೆ ನೀಡಲಾಗುತ್ತಿತ್ತು.
ಸೋಮನಾಥ್ ಚಟರ್ಜಿಗೆ ಸಂಬಂಧಿಸಿದ ವಿಷಯಗಳು:
- ಸೋಮನಾಥ್ ಚಟರ್ಜಿ ಜುಲೈ 25, 1929 ರಂದು ಜನಿಸಿದರು. ಅವರ ತಂದೆ ಬಂಗಾಳಿ ಬ್ರಾಹ್ಮಣ ಎನ್ಸಿ ಚಟರ್ಜಿ ಮತ್ತು ತಾಯಿ ವೀಣಾಪಣಿ ದೇವಿ. ಅವರು ಕೊಲ್ಕತ್ತಾ ಮತ್ತು ಯುಕೆಯಲ್ಲಿ ತಮ್ಮ ಅಧ್ಯಯನವನ್ನು ಮಾಡಿದರು. ಇದಲ್ಲದೆ, ಅವರು ಕೊಲ್ಕತಾದ ಪ್ರೆಸಿಡೆನ್ಸಿ ಕಾಲೇಜಿನಲ್ಲಿಯೂ ಸಹ ಅಧ್ಯಯನ ಮಾಡಿದರು.
- ಸೋಮನಾಥ್ ಚಟರ್ಜಿಯವರು ಯುಕೆನಲ್ಲಿ ಕಾನೂನು ಅಧ್ಯಯನ ಮಾಡಿದ ನಂತರ, ಕಲ್ಕತ್ತಾ ಹೈಕೋರ್ಟ್ನಲ್ಲಿ ಅಭ್ಯಾಸ ಮಾಡಿದರು ಮತ್ತು ಅದರ ನಂತರ ಅವರು ರಾಜಕೀಯದಲ್ಲಿ ತೊಡಗಿದರು.
- ಅವರು 1968 ರಲ್ಲಿ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾದ ಸದಸ್ಯರಾದರು. ಇಲ್ಲಿ ಅವರ ರಾಜಕೀಯ ವೃತ್ತಿಜೀವನದ ನಿಜವಾದ ಆರಂಭ. ಅದರ ನಂತರ, ಚಟರ್ಜಿಯವರು 1971 ರಲ್ಲಿ ಮೊದಲ ಬಾರಿಗೆ ಲೋಕಸಭಾ ಚುನಾವಣೆಯನ್ನು ಗೆದ್ದರು.
- 2004 ರ ಜೂನ್ 4 ರಂದು 14 ನೇ ಲೋಕಸಭೆಯ ಸ್ಪೀಕರ್ ಆಗಿ ಸೋಮನಾಥ್ ಚಟರ್ಜಿಯವರು ಆಯ್ಕೆಯಾದರು.
